Lee Chae-rin (លី ឆេរីន)ត្រូវបានស្គាល់ម្យ៉ាងទៀតថាជា CL គឺជាតារារ៉េបផង អ្នករាំម្នាក់ផង និងជាមេក្រុមម្នាក់ថែមទៀតរបស់ក្រុមចម្រៀង KPOP 2NE1(ធូ អេន នី វ័ន) បន្ទាប់មកក៏ទទួលបានអាជីពជាសិល្បករទោលកាលពីឆ្នាំ2014។ ចាប់តាំងពីការរំសាយក្រុម 2NE1 មក CL បានបន្តទទួលបទចម្រៀងទោលក្នុងអំឡុងឆ្នាំ2014-2016ដូចជាបទ "The Baddest Female"(ឌឺ បេឌ ដេស ហ្វីម៉ែល)។ តារារ៉េប K-POP ម្នាក់នេះបានបាត់ខ្លួនបន្ទាប់ពីចេញបទចម្រៀងទោល "Lifted" (លីវធីត) ក្នុងឆ្នាំ2016រួចមក។ វាមានរយៈពេល4ឆ្នាំមកហើយក្រោយពីបាត់ដំណឹងពីCL។ ក្នុងអំឡុងពេលបាត់មុខយូរនៅក្នុងសហគ្រាសតន្ត្រី CL បានចេញបទចម្រៀងមួយចំនួនដោយខ្លួនឯងដោយមិនមានភ្នាក់ងារឬក្រុមហ៊ុនតន្ត្រីចាប់តាំងពីនាងចាកចេញពីផលិតកម្ម YG Entertainment (វ៉ាយជី អ៊ីនធឺថេនម៉ែន) មក។ មានអ្នកគាំទ្រ CL ជាច្រើននាក់ឆ្ងល់ថាតើនាងបាត់ខ្លួនទៅណា? តើមានអ្វីកើតឡើងចំពោះអាល់ប៊ុមនាពេលខាងមុខរបស់នាង? ហើយតើនាងនឹងត្រលប់មកវិញដែរឬអត់? នៅថ្ងៃទី29 ខែតុលា ឆ្នាំ2020 CL បានត្រលប់មកវិញជាមួយនឹងអានុភាពដ៏ខ្លាំងក្លានឹងបទចម្រៀងដ៏ល្បីរបស់នាង+HWA+(ហ្វា) និងជាការកត់សម្គាល់នូវយុគសម័យថ្មីនៃការវិលមកកាន់សហគ្រាសតន្ត្រីរបស់នាង។
ទំនុកច្រៀងនៅក្នុងបទចម្រៀង "+HWA+'" (ហ្វា)ត្រូវបានបកប្រែជាភាសាអង់គ្លេសថា"ផ្កា Hibiscus (ហាយ ប៊ី ស្គីស) បានរីកមានន័យថា Rose of Sharon( រ៉ូស អហ្វ ហ្យារ៉ុន) បានរីកដុះដាលហើយដែលជាផ្កាជាតិមួួយប្រភេទតំណាងអោយប្រទេសកូរ៉េ។ ទីបំផុត CL ហាក់ដូចជាបានរីកដុះដាលដូចគ្នានិងមានមោទនភាពក្នុងការតំណាងឱ្យក្តីស្រឡាញ់របស់នាងចំពោះប្រទេសជាតិ និង K-POP។ ចាប់តាំងពីការចេញផ្សាយបទ "Post Up" (ផ័ស អាប់)នៅក្នុងខែកញ្ញាឆ្នាំ2020 អ្នកគាំទ្ររបស់ CL ដែលហៅថា GZBs (គីជីប៊ែរ) បានរង់ចាំការវិលត្រលប់មកវិញរបស់តារារ៉េបស្រី K-POP រូបនេះ។ ការសម្តែងផ្ទាល់ចុងក្រោយរបស់នាងបានចាក់ផ្សាយនៅថ្ងៃទី28 ខែតុលា ឆ្នាំ2020 ជាមួយ James Gordon (ជេម ហ្ករដិន) នៅក្នុងកម្មវិធី The Late Show with James Gordon (ឌឺ លេត ហ្យូ វឺត ជេម ហ្ករដិន) ហើយទទួលបានជោគជ័យយ៉ាងខ្លាំង។ CLបានធ្វើការសម្តែងយ៉ាងជោគជ័យនៅក្នុងកម្មវិធី The Late Show with James Gordon ដែលបានសម្តែងឡើងនៅក្នុងសារមន្ទីរជាតិនៃសិល្បៈទំនើបនិងសហសម័យក្នុងទីក្រុងសេអ៊ូលប្រទេសកូរ៉េ។ បទចម្រៀងដ៏ល្បីរបស់នាង "+HWA+" គឺនិយាយអំពីការងើបក្រោកដើរឡើងវិញនៅក្នុងវិស័យតន្ត្រី។ CL ត្រូវបានគេស្គាល់តាមរយៈស្ទីលម៉ូដសម្លៀកបំពាក់ ទស្សនវិស័យសិល្បៈ ការច្រៀង និងសំខាន់បំផុតនោះគឺជំនាញរ៉េបរបស់នាង។
តារាK-POP ដ៏ល្បីម្នាក់នេះផងដែរក៏ត្រូវបានគេស្គាល់ដោយសារតែជំនាញទេពកោសល្យរាំដ៏អស្ចារ្យរបស់នាងថែមទៀត។ ត្រលប់ទៅសម័យកាលជំនាន់មុនរបស់ K-POP នៅពេលដែលនាងដឹកនាំក្រុម 2NE1 CLត្រូវបានគេស្គាល់ថាមានសមត្ថភាពក្នុងការរ៉េបយ៉ាងលឿន។ នាងបានបង្ហាញថាមនុស្សស្រីក៏អាចចាត់ទុកជាតារារ៉េបកូរ៉េបានដែរមិនមែនត្រឹមតែជាតារាចម្រៀងប៉ុបប៉ុណ្ណោះទេ។ យោងតាមគេហទំព័រ Women's Weekly Singapore (វូ មែន វីក ឃ្លី សីង្កាពួរ) បានឱ្យដឹងថាក្នុងសម័យកាលតែមួយនឹងក្រុម Big Bang (បីក ប៊ែង), Super Junior (ស៊ប់ព័រ ជុញញៀ) និង2PM (ធូ ភីអ៊េម), 2NE1 ក៏ជាផ្នែកមួយនៃអ្វីដែលសហគ្រាសតន្ត្រីហៅថា "តារា K-pop ជំនាន់ទីពីរ" ដែលជាអ្នកទទួលខុសត្រូវក្នុងការនាំយកសិល្បៈ K-pop ទៅកាន់ពិភពលោក។ CL គឺជាសិល្បករ K-POP ជំនាន់ទី2ដែលបានពង្រីកឥទ្ធិពលទៅដល់សហរដ្ឋអាមេរិកបន្ទាប់ពី PSY(សាយ) និងក្រោយមកទៀតគឺ BlackPink( ប្ល៊ែក ភីង)។ ក្រឡេកទៅមើលការចាប់ផ្តើមរបស់នាងនៅក្រុម 2NE1 អាជីពទោលផងហើយទីបំផុតឥឡូវនេះនាងក៏មានសេរីភាពក្នុងការធ្វើអ្វីតាមចិត្តរបស់នាង CL គឺជាសិល្បករ K-POP មួយរូបក្នុងចំណោមសិល្បករ K-POPដទៃទៀតដែលអនុញ្ញាតឱ្យមានភាពចម្រុះជាច្រើននៅក្នុងវីដេអូចម្រៀងរបស់នាង។
សូម្បីតែនៅពេលដែលនាងនៅចុះហត្ថលេខាជាមួយផលិតកម្ម YG Entertainment ក៏នាងនៅមានភាពចម្រុះក្នុងការសំដែងផ្ទាល់របស់នាងនៅក្នុងដំណើរទេសចរណ៍អាស៊ី ហើយឥឡូវនេះច្រើនជាងពេលណាទាំងអស់។ របកគំហើញដ៏អស្ចារ្យមួយទៀតគឺនៅពេលដែល CL បានបង្កើតទីភ្នាក់ងារផ្ទាល់ខ្លួនរបស់នាងដែលមានឈ្មោះថា Very-Cherry។ គេហទំព័ររបស់នាងបានលើកឡើងថា “Very Cherry” (វែរី ឈេរី) គឺជាការចាប់ផ្តើមនៃយុគសម័យថ្មីសម្រាប់ CL៖ ភាពសប្បាយរីករាយ ការច្នៃប្រឌិតឥតដែនកំណត់ និងការចាប់ផ្តើមនៃអ្វីដែលថ្មីប្លែក។ ដោយប្រើប្រាស់បច្ចេកវិទ្យាប្រពៃណីកូរ៉េបែបប្រព័ន្ធក្រុមហ៊ុនតែមួយ និងរួមបញ្ចូលគ្នានូវប្រព័ន្ធឯកទេសរបស់សហរដ្ឋអាមេរិក Very Cherry បានសាយភាយឥទ្ធិពលវិជ្ជមានសំរាប់សិល្បៈ និងសេរីភាពនៃការបញ្ចេញមតិផងដែរ។យោងតាមគេហទំព័រ TheHoneyPop (ឌឺ ហាន់នី ផប់) CL បានបង្ហាញថានាងនឹងចេញអាល់ប៊ុមថ្មីដែលនឹងមកដល់នៅថ្ងៃទី30ខែវិច្ឆិកាមួយមានឈ្មោះថា Alpha (អាល់ហ្វា)។ នេះនឹងជាក្លាយជាអាល់ប៊ុមដំបូងបំផុតរបស់នាងសំរាប់ការងារជាសិល្បករទោលម្នាក់។
