ថ្វីត្បិតតែសង្គ្រៀមត្រូវបានបញ្ចប់បណ្តោះអាសន្នជាមួយនឹងការការឆ្លើយតបរៀងៗខ្លួនរវាងលោកវណ្ណដានិងជីដេវីដកាលពីមុនពិធីបុណ្យអ៊ុំទូកកន្លងទៅនេះ តែ The Hip-Hop Fans និងជាពិសេសអ្នកគាំទ្ររបស់លោកជីដេវិតតែម្តងដេកមិនលក់បក់មិនល្ហើយបន្ទាប់ពីពួកគេរកឃើញថា លោក Changster បានទម្រាក់បទចម្រៀងថ្មីរបស់ខ្លួនចំណងជើងថា Run ។ ជាមួយនឹងArtwork ថ្មីស្រឡាង ដែលបានដាក់ជាមួយរូបតំណាង សត្វដាយណូស័រ ដោយមិនចាំបាច់ចំណាយពេលវេលាច្រើនក្នុងការវិភាគវែកញែកថាមានប្រធានបទទាក់ទងនឹងលោកជីដេវីតឬអត់នោះទេ។ គួរបញ្ចាក់ផងដែរថា​ លោក​ Changster គឺជាតារាចម្រៀងម្នាក់ដែលធ្លាប់បានច្រៀងរួមគ្នាកន្លងរួចមកហើយជាមួយបទ គោលដៅ ជាមួយក្រុមក្មេងខ្មែរ កាលពី២ខែមុននេះជាមួយអត្ថន័យបែបបទស្រឡាញ់ជាតិនិងស្រឡាញ់ផ្លូវដែលខ្លួនឯងជ្រើសរើសដើរ តែជាមួយចម្រៀងថ្មីនេះវិញ បានជីកគាស់កកាយគ្មានការលាក់លៀមអំពីរឿងរ៉ាវជម្លោះនិងការដៀមដាមគ្នាកន្លងមករវាងលោកវណ្ណដា និងជីដេវីដ។

ក្នុង Lyrics ទាំងមូលនៃបទចម្រៀងនេះ មានលក្ខណៈ Flow ដូចជា ទឹកហូរតែមិនបានធ្វើអោយអ្នកគាំទ្រវិស័យ Hip hop មើលរំលង Lyrics ដែលមានការចាក់ដោតនោះទេ។ ជាក់ស្តែងឃ្លាមួយនៃបទនេះ ដែលបានសួរមកកាន់រូបលោកថា​ផឹក Sting ឬHanuman តើលោកគាំទ្រនរណា?​ Changsterឆ្លើយតបជាមួយនិងការបង្ហាញនូវគោលជំហរថាលោកផឹកទាំងពីរដោយទាស់ត្រង់ថា លោកគាំទ្រអាយដលដែលមានការច្នៃប្រឌិត និងខិតខាំផលិតស្នាដៃដោយខ្លួនឯងពិតៗនិងម្នាក់ទៀតដោយគ្រាន់តែចម្លងយកៗ។មិនតែប៉ុណ្ណោះមានការ Reference នូវបទចម្រៀងមួយចំនួនរបស់ជីដេវីដផងដែរ ដូចជា Something DNA, Goblin, Once upon a time និងពាក្យពេចន៏ WEE! ដែលអ្នកគាំទ្ររបស់ជីដេចិត្តប្រើប្រាស់ជាដើម។ ចុះអ្នកទាំងអស់គ្នាវិញ Gonna Run with Chanster, G-Devith ឬក៏ VannDa? Let me know in the comment below!