កាលពីសប្តាហ៍មុននេះ Net Rapper មួយរូបដែលត្រូវបានស្គាល់ឡើងដោយឈ្មោះ Changster បានពុះពារធ្វើដំណើរឆ្លងទ្វីបតាំងពីទីកន្លែងរស់នៅរបស់លោកពីប្រទេស New Zealand រហូតមកដល់កម្ពុជាដើម្បីចូលរួមប្រកួតកម្មវិធី The Rapper។ លោក Changster មានឈ្មោះពិតឡើងថា ឈាង ច័ន្ទសុជាតិ បានដើរដោយឆន្ទៈមោះមុតរបស់លោកដើម្បីសំរេចគោលដៅចូលរួមប្រកួតក៏ដោយសារតែការស្រលាញ់វិស័យចំរៀងហ៊ីបហប់នេះឯង។
ប៉ុន្តែមិននឹកស្មានថាការតាំងចិត្តមោះមុតរបស់លោកបានដើរមកជាមួយនឹងការទាញបានចំណាប់អារម្មណ៍នូវរឿងចៃដន្យមួយនេះសោះ។ ដ្រាម៉ាហាក់ដូចជាចាប់ផ្តើមបង្ករូបឡើងយ៉ាងចៃដន្យតែម្តង ព្រោះអ្នកទាំំងអស់គ្នានៅមានចាំដែរទេ កាលពីរដូវកាលសង្គ្រាម Disstrack របស់លោកវណ្ណដា និងលោកជីដេវីត នូវបទ«Jo2» និងបទ«ចុម!អាអូនអត់ដេក» ក៏មានបណ្តាអ្នកគាំទ្ររបស់លោកពួកគេទាំងសងខាងជួយចេញបទ Disstrack ការពារអាយដលរបស់ពួកគេថែមទៀត។
ហើយនៅក្នុងនោះផងដែរ ក៏មានលោក Changster មួយរូបនេះផងដែរ ដែលលោកបានចេញបទចម្រៀងហាក់ដូចជាការពារលោកវណ្ណដា និងបោះពាក្យវាយប្រហារទៅកាន់លោកជីដេវីត។ ដោយបទចម្រៀងនោះមានចំំណងជើងថា«Run» ដែលមានអមជាមួយនឹងរូប Cover សត្វដាយណូស័រត្រូវបានដុំភ្លើងជាច្រើនគប់លើ។
តាមរយៈបទចំរៀងនោះលោកបានបង្ហាញការរិះគន់ជាច្រើនចំពោះអ្នកCopyចំរៀងហ៉ីបហប់ពីបរទេស។ តើការពុះពារធ្វើដំណើរមកកាន់សិល្បៈកម្ពុជារបស់លោកកំពុងតែមានចេតនាផ្លាស់ប្តូរអ្វីមួយ រឺជាការប្រកាសពីគូសត្រូវមួយរូបទៀតរបស់លោកជីដេវីត?