នៅថ្ងៃទីអាទិត្យ ទី១៥ខាងមុខនេះនឹងមានពិធីបុណ្យមាឃបូជាចូលមកដល់ហើយ ចុះទស្សនិកជនទាំងអស់គ្នាមានគំរោងទៅទីវត្តអារាមណាមួយដែររឺទេ? នៅឯតាមបណ្តាវត្តអារាមវិញក៏ចាប់ផ្តើមបានរៀបចំកម្មវិធីរៀបផ្កាជាបណ្តើរៗហើយ ដូចជាកាលពីពេលថ្មីៗនេះនៅក្នុងវត្តនិគ្រោធវ័ននៅឯគល់ទទឹងដែលជាវត្តព្រះគ្រូគូសុភាពគង់នៅ ក៏ទើ់បតែរៀបចំកម្មវិធីរៀបចំផ្កាពណ៌លឿងជាច្រើននៅខាងក្នុងបរិវេនវត្តអារាមជាច្រើនត្រៀបត្រាក្រោមការចូលរួមពីពុទ្ធបរិស័ទមកពីគ្រប់ទិសទៅ។

យ៉ាងណាមិញកាលពីថ្ងៃទី៣ ខែកុម្ភៈកន្លងទៅនេះផងដែរ យោងទៅតាមការបង្ហោះរបស់លោកគ្រូគូសុភាពផ្ទាល់ ក៏ដូចជា CEO របស់បារមីកញ្ញា Laura Mam និងពុទ្ធបរិស័ទមួយចំនួនទៀតដែលបានចូលរួមបានបង្ហាញអោយដឹងថានៅក្នុងថ្ងៃនោះផងដែរ លោកវណ្ណដា និងកញ្ញា Laura Mam ក៏បានអញ្ជើញទៅទស្សនានិងស្តាប់ឳវាទក្នុងវត្តនោះផងដែរ។កញ្ញា Laura Mam បានបញ្ជាក់អោយដឹងថាពិតជាអរគុណទៅដល់លោកគ្រូគូសុភាពខ្លាំងណាស់ដែលផ្តល់បទឳវាទល្អៗ រួមទាំងផ្តល់បរិយាសស្ងប់ស្ងាត់ដែលអាចអោយតាំងសមាធិបាន និងអំនរក្នុងចិត្តចំពោះអ្វីដែលពិភពលោកនេះបានផ្តល់អោយ។ អ្នកចូលរួមនៅក្នុងពិធីនេះផងដែរក៏បានឳកាសថតរូបភាពរួមគ្នាជាមួយនឹងលោកវណ្ណដា ព្រមទាំងចែករំលែកទិដ្ឋភាពពិធីរៀបចំផ្កានេះទៅកាន់សាធារណជននៅលើបណ្តាញអ៊ីនធឺណែតផងដែរ។