ភ្នំពេញ៖ គម្រោងវិនិយោគចំនួន២ ដែលមានទឹកប្រាក់សរុបជាង១០លានដុល្លារ អាមេរិក នឹងអាចបង្កើតកន្លែងការងារជាង២០០០កន្លែង ត្រូវបានគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា សម្រេចចេញវិញ្ញាបនបត្រចុះបញ្ជីគម្រោងវិនិយោគ។

ក្រុមប្រឹក្សាអភិវឌ្ឍន៍កម្ពុជាបានឱ្យដឹងថា ក្រុមហ៊ុនដែលបានចុះបញ្ជីគម្រោងវិនិយោគទាំង២ រួមមាន៖
១- MALAGA GARMENT FACTORY CO., LTD: គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិព្រែកកំពឹស សង្កាត់ព្រែកកំពឹស ខណ្ឌដង្កោ រាជធានីភ្នំពេញ មានទុនវិនិយោគប្រមាណ ៦,៤លានដុល្លារអាមេរិក នឹងអាចបង្កើតការងារបានចំនួន ៦១១កន្លែង។

២- YOUNG CLOTHING (CAMBODIA) CO., LTD: គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិរំលេច ឃុំរលាំងគ្រើល ស្រុកសំរោងទង ខេត្តកំពង់ស្ពឺ មានទុនវិនិយោគប្រមាណ ៤លានដុល្លារអាមេរិក នឹងអាចបង្កើតការងារបានចំនួន ១.៦២០កន្លែង។

សូមបញ្ជាក់ដែរថា នៅក្នុងសប្តាហ៍នេះក្រុមប្រឹក្សាអភិវឌ្ឍន៍កម្ពុជាក៏បានចេញវិញ្ញាបនបត្រចុះបញ្ជីគម្រោងវិនិយោគរោងចក្រ ចំនួន២ផងដែរ ដែលមានទឹកប្រាក់វិនិយោគចំនួនសរុបជាង៥លានដុល្លារ ហើយអាចបង្កើតការងារបានជាង៨០០កន្លែងផងដែរ៕

អត្ថបទ៖លាង ឡា