The Guardian-

អគ្គីភ័យយ៉ាងធំបានឆាបឆេះអគារមន្ទីររដ្ឋសភាបរទេសអាហ្រ្វិកខាងត្បូងកាលពីព្រឹកថ្ងៃអាទិត្យ។ ក្រុមអ្នកពន្លត់អគ្គីភ័យបានមានវត្តមាននៅឯអាគារ ខណៈដែលអណ្តាតភ្លើងយ៉ាងធំ និងផ្សែងយ៉ាងខ្មួលខ្មាញ់ត្របាញ់ឡើងទៅលើត្រូវបានគេឃើញនូវវេលាម៉ោងប្រហែល ៧និង៣០នាទី ម៉ោងនៅក្នុងស្រុក។ "ដំបូលត្រូវបានអគ្គីភ័យត្របាក់លេប និងអគាររដ្ឋសភាក៏ត្រូវបានភ្លើងឆេះយ៉ាងសន្ធោសន្ធៅ" អ្នកនាំពាក្យនៃសេវាកម្មក្នុងគ្រាមានអាសន្នរបស់រដ្ឋធានីបានប្រាប់ AFP ។អគ្គីភ័យមិនបានស្ថិតនៅក្រោមការត្រួតត្រា ហើយជញ្ជាំងអគារត្រូវបានគេរាយការណ៍មកថាបានដួលរលំ លោកបន្ថែម។

JP Smith សមាជិកគណកម្មាធិការក្រុងទទួលខុសត្រូវខាងសុវត្តិភាព និងសន្តិសុខ បានប្រាប់ប្រព័ន្ធផ្សព្វផ្សាយនៅក្នុងស្រុកថា ការប្រកាសភាពអាសន្នត្រូវបានគេឲ្យដឹងនៅវេលាម៉ោង៥ព្រឹក ដែលក្រុមអ្នកពន្លត់អគ្គីភ័យចំនួន៣៦នាក់ បានសំណូមពរធនធានបន្ថែមទៀត ដើម្បីទប់ទល់ជាមួយភ្លើង។ អគ្គីភ័យបានចាប់ផ្តើមពីការិយាល័យនៅជាន់ទី៣ ហើយបានរាលដាលទៅដល់សភាជាតិទាំងមូល អ្នកនាំពាក្យនៃស្ថាប័ន្តពន្លត់អគ្គីភ័យ និងសេវាកម្មសង្រ្គោះនៃទីក្រុង Cape Town Jermain Carelse បានប្រាប់ប្រព័ន្ធផ្សព្វផ្សាយនៅនឹងកន្លែង។ មិនមានការរងគ្រោះនៅក្នុងភ្លើងឆេះនេះទេ បើតាមសេចក្តីរាយការណ៍របស់ឆ្មាំសន្តិសុខរដ្ឋសភា, Carelse បាននិយាយ។

រូបភាពបានបង្ហាញឲ្យឃើញអណ្តាតភ្លើងដ៏ធំកំពុងលេបត្របាក់ដំបូលអគារមួយដ៏ធំនៃរដ្ឋសភា។ មិនមានការចង្អុលបង្ហាញថា តើអគ្គីភ័យនេះចាប់ផ្តើមមកពីអ្វី។ មន្ទីររដ្ឋសភានៅក្នុងទីក្រុង Cape Town ចែកចេញជា៣ផ្នែក អគារពីដើមដែលមានប្រភពចំណាស់បានកសាងរួចរាល់តាំងពីឆ្នាំ១៨៨៤ អគារថ្មីដែលគេសង់បន្ថែមទៀត នៅក្នុងឆ្នាំ១៩២០ និង១៩៨០ គឺជាមន្ទីររដ្ឋសភាជាតិ។ ក្នុងខែមេសា ឆ្នាំមុន អគ្គីភ័យបានឆាបឆេះផ្នែក១នៃបណ្ណាល័យសលកមហាវិទ្យាល័យ Cape Town ដែលជាស្នាដៃនៃប្រទេសអាហ្រ្វិកខាងត្បូង។

រដ្ឋមន្ត្រីក្រសួងសាធារណៈការ និងហេដ្ឋារចនាសម្ព័ន្ធ Patricia De Lille បានប្រាប់អ្នកយកព័ត៌មានថា ភ្លើងបានស្ថិតនៅក្រោមការត្រួតត្រារបស់យើង បន្ទាប់ពីបានឆាបឆេះអស់ជាច្រើនម៉ោង៕