នៅថ្ងៃសៅរ៍ចុងសប្តាហ៍នេះ កម្មវិធីបង្ហាញសមត្ថភាពលំដាប់ថ្នាក់ពិភពលោក Cambodia’s Got Talent របស់កម្ពុជានឹងធ្វើការផ្សាយចេញវគ្គ Judge Audition នៃសប្តាហ៍ទី៦ចុងក្រោយគេបំផុតនៅក្នុងរដូវកាលទី៣នេះ។ រំលឹកទៅកាន់សប្តាហ៍ទី៥ សង្កេតឃើញថាមានបេក្ខជន២រូប ដែលទទួលបានការចូលទស្សនាលំដាប់ខ្ពស់ជាងគេនៅលើឆាណែលយូធូបផ្លូវការរបស់កម្មវិធីផ្ទាល់ ដោយពួកគេទាំងពីរគឺជាបងប្អូនប្រុសដែលមានអាយុទើបតែ១៣ឆ្នាំ និង៥ឆ្នាំប៉ុណ្ណោះ។

បេក្ខជនបងប្រុសគឺមានសមត្ថភាពចងចាំលេខបានយ៉ាងអស្ចារ្យ រីឯបេក្ខជនប្អូនពៅវិញមានសមត្ថភាពចងចាំនូវពាក្យ រឺអក្សរដែលត្រូវបានរៀបរាងឡើងនៅក្នុងចំណោមក្រុមនៃអ្វីមួយដ៏ច្រើន។ ខណៈនៅពេលនេះផងដែរ វិដេអូរបស់ពួកគេទាំងពីរទទួលបាន Top Trendingលេខ៦ នៅលើតារាងយូធូបកម្ពុជាផងដែរ។ 

ដោយនៅក្នុងវិដេអូនោះផងដែរ ប្អូនប្រុសពៅ ឌួងសុវណ្ណាវិរៈបុត្រ បានបង្ហាញសមត្ថភាពចងចាំនូវឈ្មោះទង់ជាតិ រីឯអ្នកជាបងប្រុសដួង សុវណ្ណារិទ្ធ បានបង្ហាញសមត្ថភាពចងចាំលេង។ គួររំលឹកផងដែររឿងរ៉ាវដែលគួរអោយកត់សម្គាល់ប្លែកៗថែមទៀតនោះគឺថានៅក្នុងសប្តាហ៍ទី១នៃវគ្គ Judge Auditionផ្ទាល់នេះតែម្តង លោកពាក់មីក៏បានផ្តល់វត្តមានចូលរួមពិសេសជាបេក្ខភាពប្រលងនៅក្នុងកម្មវិធីនេះផងដែរ ដែលញាំុងអោយកម្មវិធីទាំងមូលសើចក្អាកក្អាយឡើងនឹងក្លែមពាក្យសំដីរបស់លោករួមជាមួយនឹងគណៈកម្មការ មិនថាឡើយសូម្បីតែការបង្ហាញសមត្ថភាពច្រៀង។

 ចង់ដឹងថានៅក្នុងសប្តាហ៍នេះ នឹងមានបេក្ខជនលេចធ្លោណាខ្លះដែលអាចទាញចំណាប់អារម្មណ៍ពីទស្សនិកជនបានជាច្រើនជាងគេនោះ សូមរង់ចាំទស្សនាទាំងអស់គ្នា!