ក្រោយពីការចាក់ផ្សាយនូវវគ្គ Judge Audition អស់រយៈពេល៦សប្ដាហ៍កន្លងមកនេះកម្មវិធីកម្មវិធីប្រឡងចម្រៀងកម្រិតពិភពលោក Cambodian Idol ដែលរៀបចំដោយស្ថានីយ៏ទូរទស្សន៏ហង្សមាស ឥឡូវនេះបានប្រកាសចាប់ផ្តើមនូវ ក្តៅគគុកមួយនោះគឺ វគ្គ Theater Round ជុំទី1 ដែលនឹងចាក់ផ្សាយបន្តផ្ទាល់នៅថ្ងៃអាទិត្យសប្តាហ៏នេះ។

តាមរយៈហ្វេកប៊ុកផ្លូវការរបស់ទូរទស្សន៏ហង្សមាស បានធ្វើការបង្ហោះនូវ វីដេអូមួយដែលបង្ហាញអំពីសកម្មភាពខ្លះៗរបស់បេក្ខជនដែលកំពុងដែលខិតខាំប្រឹងប្រែងដើម្បីទទួលបានជោគជ័យទៅកាន់វគ្គបន្ត ទោះបីជាត្រូវឆ្លងកាត់ស្ថានភាពលំបាកនិង រឹតតែក្តៅគគុកហេីយជាងវគ្គមុនៗក៏ដោយ។អ្វីដែលកាន់តែពិសេសទៅទៀតនោះគឺបេក្ខជនដែលបានចម្រាញ់ជាពិសេសពីគណៈកម្មការ​ នឹងត្រូវប្រកួតប្រជែងយ៉ាងស្វិតស្វាញនៅលេីវាលស្មៅពណ៌បៃតងដ៏ធំអស្ចារ្យ​ ក្នុងទីលានវាយកូនហ្គោលរបស់ Vattanac Golf Resort ដែលស្ថិតនៅបណ្តោយទន្លេបាសាក់ផងដែរ។

ក្នុងនោះគណកម្មការមួយនៃកម្មវិធីនេះ គឺអ្នកនាង ឱក សុគន្ធកញ្ញា បានធ្វើការចែករំលែកនូវវីដេអូកម្មវីធីដ៏ធំមួយដោយបានបង្ហាះនូវការពិបាកសម្រេចចិត្តជ្រើសរើសបេក្ខជនដែលគួរបន្តកម្មវិធីនេះ ដោយចែករំលែកនូវពាក្យថា ស្មើទៀត យ៉ាងម៉េចវិញបងប្អូនអើយ ។​ មានបេក្ខជនជាច្រើនដែលទទួលបានការគាំទ្រនិងមានអ្នកចូលទស្សនាបទចម្រៀងរបស់ពួកគាត់ខ្ទង់លាននៅលើបណ្តាញយូរធូប ដែលក្នុងនោះមានបេក្ខជនមួយគឺ ផាន គីមសុង ដែលអាចច្រៀងសម្លេងរហូតដល់ទៅ៣ដូចទៅនឹងលោក ព្រាបសុវត្ថិ លោកតា​ ណន វ៉ាន់ណេត និង​លោក ប៊ុន សិក្តិ រូមទាំង គ្រូពេទ្យសង្ហា ស៊ឹមច័ន្ទ ពន្លឺ ដែលបានបកស្រាយបទ Halo កញ្ញា ស៊ីម ម៉ាការ៉ាត់ពេជ្រចរណៃ និងកម្លោះសង្ហាសម្លេងផ្អែម លីម តិចម៉េង ដែលសុទ្ធសឹងតែជាបេក្ខជនមានសម្ថភាពខ្ពស់ និងត្រូវប្រគួកគ្នានៅលើវែលប្រគួកតែមួយ។ ចង់ដឹងថាបេក្ខជនណាខ្លះដែលអាចឆ្លងកាត់ទៅវគ្គបន្ត កុំភ្លេចតាមដានទស្សនានៅថ្ងៃអាទិត្យ ម៉ោង 8:00 យប់តទៅ នៅលើកញ្ចក់ទូរទស្សន៍ ហង្សមាស HDTV។ 

អត្ថបទដោយ Calvin Nann