បទថ្មីនេះ ចាប់ផ្តើមឡើងជាមួយនឹងពាក្យ “Pride” ដែលជាភាសាខ្មែរ មានន័យថា “មោទនភាព”។ ពាក្យ “មោទនភាព” បើតាមវចនានុក្រមសម្តេចព្រះសង្ឃរាជ ជួន ណាត មានន័យថា ភាពសប្បាយ ឬ ត្រេកអររីករាយ ជាពិសេសចំពោះ ប្រទេសជាតិ វប្បធម៍ ឬស្នាដៃអ្វីមួយរបស់បុព្វបុរស។ ដូច្នេះនៅក្នុងបទ “Cambodian Pride” អត្ថន័យក្តោបរួម គឺគេ​ចង់បង្ហាញអំពីអ្វីៗដែលកម្ពុជាមាន ហើយនិងភាពសប្បាយរីករាយរបស់ប្រជាជនកម្ពុជាចំពោះជាតិរបស់ខ្លួន។

សម្រាប់បទចម្រៀងនេះដែរត្រូវបាននិពន្ធ Melody & Lyric ដោយអ្នកឧកញ៉ា ឡេង ណាវ៉ាត្រា ចំណែកឯផ្នែក Lyric ជាភាសាអង់គ្លេសវិញត្រូវបានសម្រិតសម្រាំងដោយលោក Heng Loong ដែលធ្វើអោយជនជាតិបរទេសដែលមិនអាចស្តាប់ជាភាសាខ្មែរបាន ពួកគាត់ស្តាប់ជាភាសាអង់គ្លេសដែលមាននូវវគ្គទី១នេះបាន។ អ្វីដែលកាន់តែសំខាន់ MV វិញគឺ ចម្រុះតែម្តង​ មានទាំងសម័យ និងបុរាណ ទាំងក្បាច់គុណ របាំអប្សរា ល្បែងប្រជាប្រិយខ្មែរ ប្រាង្គប្រាសាទ ទាំងទេសភាពនៅសមុទ្រ គឺថាមើលទៅពិតជាទាក់ទាញ និងត្រជាក់ភ្នែកមែនទែន។

និយាយឲ្យត្រង់ទៅ Admin ពិតជាស្រលាញ់ MV បទនេះខ្លាំងណាស់ ពីព្រោះមើលយូរៗទៅដូចជាចង់ភ្លឹក ហើយចង់ចូលតួតាមដែរហ្នឹង ជាពិសេសចង់ទៅលេងតំបន់ទេសចរណ៍ដែលមាននៅក្នុងវីដេអូនេះ។ ចំណែកឯចង្វាក់ភ្លេងវិញ​ ក៏ឡូយកប់សារីដែរ គឺថា mix ចូលគ្នាតែម្តង ទាំងចង្វាក់បែបសម័យ និងបុរាណ ដែលជាហេតុធ្វើឲ្យបទនេះស្តាប់ទៅមិនចេះធុញទេ ហើយពិតជាសាកសមបំផុតសម្រាប់រាំកម្មវិធីសង្ក្រានឆ្នាំថ្មីនេះ។ អ្វីដែលកាន់តែពិសេសទៅទៀតនោះមានប្រទេសជិតខាងរបស់យើងផ្ទុះជាមួយបទចម្រៀងនេះផងដែរ។ ហើយអ្នកទាំងអស់គ្នាវិញពេលស្តាប់បទនេះហើយមានអារម្មណ៍យ៉ាងណាដែរ? កុំភ្លេច Comment ប្រាប់ Admin ម្នាក់មួយផងណា!