បេក្ខជនមានសមត្ថភាពពីររូបនេះអាចទាក់ទាញទស្សនិកជនទទួលបានការចាប់អារម្មណ៍ច្រើនជាងគេក្នុងChannelផ្លូវការបស់កម្មវិធីលំដាប់ថ្នាក់អន្តរជាតិCambodian Idol ដែលទាំងពីររូបនេាះគឺលោកលឹម តិចម៉េង និងលោករ៉ាណុច អ្នកទាំងពីរបានធ្វើការបកស្រាយចំរៀងរួមគ្នានូវបទ«បាត់អូន»នៅក្នុងវគ្គ Theater Round ជុំទី២នេះកាលពីសប្តាហ៍មុន ដែលមានអ្នកចូលទស្សនារហូតទៅដល់ ៤០ម៉ឺនដងនៅលើ YouTube។ គួរអោយចាប់អារម្មណ៍ផងដែរនៅក្នុងកម្មវិធីគណកម្មការក៏បានធ្វើការសាកសួរទៅកាន់ពួកគេទាំងពីរថាពេញចិត្តនូវការរៀបចំដៃគូសំរាប់ពួកគេទេ គ្រប់គ្នាក៏ផ្ទុះសំណើចឡើងព្រេាះថាការចាប់ដៃគូរបស់ពួកគេពិតជាសក្តិសមនឹងគ្នាណាស់ទាំងរូបរាងមាឌស្តើងតូចដូចគ្នា រួមទាំងសំលេងក៏ស៊ីនឹងគ្នាខ្លាំងណាស់ថែមទៀតផងដែរ។ គួរបញ្ជាក់ផងដែរនៅក្នុងវគ្គ Judge Audition ពួកគេទាំងពីរនាក់បានបកស្រាយនូវបទប្រភេទមនោសញ្ចេនាដូចគ្នាដែលលោកលឹម តិចម៉េងកំលេាះសង្ហាកូនកាត់ចិនមានអាជីពក្រៅម៉ោងជាតារាចំរៀងអាជីពនៅក្នុងPubបានធ្វើការច្រៀងបទ«ជំងឺខ្វះអ្នកថែរស់បានយូរប៉ុណ្ណា»បានយ៉ាងពិរេាះផ្អែមក្រអួនក្រអៅធ្វើអោយទទួលបានYesទាំងបួនពីគណៈកម្មការ។ ចំនែកនៅវគ្គ Theater Round ជុំទី១វិញរូបលោកជាមេក្រុមនៅក្នុងការបង្ហាញសមត្ថភាពជាក្រុមរួមគ្នា៤នាក់បកស្រាយនូវបទ«ទុកឪកាសអោយបងខ្លះបានទេ»ធ្វើអោយគណកម្មការពេញចិត្តនិងមិនស្ទាក់ស្ទើរទទួលពួកគេឆ្លងទៅវគ្គបន្ត។ ចំនែកលោកឡាចណុចវិញក្នុងវគ្គ Audition លោកបានបកស្រាយនូវបទ«រស់នៅក្នុងសម្ពាធឯកា» និងវគ្គបន្ទាប់វិញបកស្រាយបទ«ធុញបងមែនទេ»ជាមួយបេក្ខជន៣រូបទៀត ហើយក្រុមរបស់លោកក៏ទទួលបានជោគជ័យទាំងអស់គ្នាផងដែរ។
ទន្ទឹមគ្នានេះដែរបេក្ខជនដទៃទៀតដែលទទួលបានការចាប់អារម្មណ៍ផ្សេងៗទៀតក៏ត្រូវបានយកទៅបង្ហេាះផ្សាយបន្តនៅលើ Channel ធំៗប្រភេទ Global នៅប្រទេសជិតខាងផងដែរ។ ដូចជាបេក្ខជនថុលសុភិទិដែលត្រលប់មកប្រកួតសារជាថ្មីនៅក្នុងកម្មវិធីនេះ លោកស៊ីមចន្ទ័ពន្លឺគ្រូពេទ្យដ៏ស្រស់សង្ហាធ្វើអោយគណកម្មការលង់នូវទឹកដមសំលេងនិងការសម្តែង និងការច្រៀងរួមគ្នាក្នុងវគ្គ Theater Round របស់បេក្ខជនមានសមត្ថភាពច្រៀងភាសាអង់គ្លេសជាច្រើនរូប។ អេដមីនយល់ថារដូវកាលនេះបេក្ខជនមានប្រជាប្រិយភាពពិតជាមានច្រើននាក់ណាស់ ពិបាកសំរេចចិត្តណាស់ថាអ្នកណាជាអ្នកសក្តិសមកាន់ពាន Cambodian Idol រដូវកាលទី៤នេះបាន។ មានតែការវិនិច្ឆ័យដ៏សុក្រឹត្ត សមត្ថភាព ការប្រឹងប្រែងនិងប្រជាជនកម្ពុជាចូលរួមបេាះឆ្នោតជ្រើសរើសទាំងអស់គ្នាទេទើបអាចកំនត់ជោគវាសនារបស់ពួកគេទាំងអស់គ្នាបាន។ រង់ចាំមើលនៅសប្តាហ៍ក្រោយទៀតថាលោកលឹមតិចម៉េង និងលោករ៉ាណុចអាចឆ្លងទៅវគ្គបន្ទាប់បានទេ?
អត្ថបទដោយ Vatey