បទចំរៀង«មិនអាចឃាត់ទេ»របស់ថុល សុភិទិ បកស្រាយនៅក្នុងកម្មវិធី Cambodian Idol នៅវគ្គLiveShowសប្តាហ៍ទី១ ធ្វើអោយមហាជនស្ងើចសរសើរយ៉ាងច្រើន ជាពិសេសរហូតដល់មានការចែករំលែកបន្តគ្នាក្នុងបណ្តាញសង្គមហ្វេសប៊ុកធ្វើអោយមានការផ្ទុះការគាំទ្រយ៉ាងខ្លាំង មានអ្នកលេងបណ្តាញសង្គម តិកតុក ហ្វេសប៊ុក និងតារាចម្រៀងសិល្បៈករជាច្រើននាក់ក្នុងនោះក៏មានអ្នកនាង ពេជ្រសូលីកាផងដែរក៏បានចែករំលែកតៗគ្នានិងទស្សនិកជនជាច្រើនបានធ្វើការកោតសរសើរមិនដាច់ពីមាត់ ខ្លះធ្វើការខូវ័របទចំរៀងបន្តពីរូបលោក ខ្លះក៏កែទំនុកច្រៀងមកច្រៀងលេងធ្វើជាMeme ខ្លះក៏យកទៅប្រៀបធៀបភាពពិរេាះផ្អែមជាមួយនឹងបទមួយបកស្រាយក្នុងពិធីរៀបអាពាហ៍ពិពាហ៍របស់គ្រួសារអភិជននូវឃ្លាកូនសំណាងជាងគេដែលផ្ទុះភាពល្បីល្បាញនៅមួយរយៈពេលចុងក្រោយនេះ។ 

តែយ៉ាងណាមិញ ភាពកក្រើករបស់លោកថុល សុភិទិ បេក្ខជនជើងខ្លាំងនៃកម្មវិធីCambodianIdolធ្វើអោយមហាជនចាប់ផ្តើមងាកមកចាប់អារម្មណ៍មួយជ្រុងទៀតនៃផ្នែកស្វែងរកម្ចាស់សំនៀងដើមនៃបទ«មិនអាចឃាត់ទេ» ដែលធ្វើអោយលោកទទួលបានគាំទ្រយ៉ាងច្រើនកុះករបែបនេះ។ ឃើញថាម្ចាស់បទដើមក៏មានសំនៀងផ្អែមក្រអួនក្រអៅមិនចាញ់គ្នា ហើយក៏មានអ្នកគាំទ្រជាច្រើនផងដែរគឺជាក្រុមតូចSmallband។ ប៉ុន្តែគួរអោយសោកស្តាយកាលពីថ្ងៃទី៣១ ខែធ្នូ ឆ្នាំ២០២១កន្លងទៅនេាះ ក្រុមតូចSmallbandបានធ្វើការបង្ហេាះលើផេកហ្វេសប៊ុកជាផ្លូវការអំពីដំណើរសិល្បៈ៩ឆ្នាំរបស់ពួកគេដែលត្រូវបានបញ្ចប់តាំងពីឆ្នាំ២០១២រហូតមកដល់២០២១។ ប៉ុន្តែការបំបែកក្រុមនេះ មិនបានមានន័យថាសមាជិកនីមួយៗនឹងបញ្ចប់ការងារសិល្បៈនេាះទេ គ្រាន់តែត្រូវដើរផ្លូវរៀងខ្លួនប៉ុណ្ណេាះ។ ក្រោយពីស្ងាត់ទៅនៃក្រុមតូចSmallBand ពេលនេះលោកសុភិទិបានធ្វើអោយកក្រើកឡើងម្តងទៀតនៃដួងវិញ្ញាណក្រុមតូចSmallBandជាមួយនឹងបទ«មិនអាចឃាត់ទេ»របស់ពួកគេ។មហាជនមួយចំនួនបានលាន់មាត់ថាលោកបកស្រាយចំរៀងមិនចាញ់ម្ចាស់ដើមនេាះទេ ទេាះជាយ៉ាងណាក៏ដោយការលើកយកបទចំរៀងមួយនេះមកច្រៀងនៅលើវេទិកាបានសាងចំណាប់អារម្មណ៍ និងភាពល្បីល្បាញដល់ពួកគេទាំងពីរយ៉ាងខ្លាំងក្លា។

អតបទដោយ Vatey