ស្ថានទូតយេម៉ែននៅទីក្រុងCairoបាននិយាយកាលពីថ្ងៃអាទិត្យថាមន្ត្រីជាន់ខ្ពស់ទទួលបន្ទុកផ្នែកផលិតគ្រឿងសម្ភារៈយោធារបស់រដ្ឋាភិបាលយេម៉ែនត្រូវបានប្រទះឃើញស្លាប់នៅក្នុង Apartment របស់លោកនៅក្នុងទីក្រុង Cairo។ រុស្សីបានដាក់ពង្រាយកងទ័ពអាហ្រ្វិកដែលទើបបង្កើតថ្មីរបស់ខ្លួនទៅកាន់ប្រទេស Burkina Faso ដែលជាផ្នែកមួយនៃយុទ្ធសាស្រ្តរបស់ខ្លួនដើម្បីស្តារឡើងវិញជំនួសក្រុម Wagner។ ក្រុមសកម្មប្រយុទ្ធប៉ាឡេស្ទីនបាននិយាយថា ខ្លួនបានប៉ាន់ប្រមាណថាបានបាត់បង់យុទ្ធជនប្រយុទ្ធប្រហែលជា6,000 នាក់ហើយ។
-
មន្ត្រីយោធាយេម៉ែនត្រូវបានសម្លាប់នៅទីក្រុង Cairo
យោងតាមសារព័ត៌មាន The Jerusalem Post ចុះផ្សាយថ្ងៃទី១៨ ខែកុម្ភៈបានអោយដឹងថា ស្ថានទូតយេម៉ែននៅទីក្រុងCairoបាននិយាយកាលពីថ្ងៃអាទិត្យថា មន្ត្រីជាន់ខ្ពស់ទទួលបន្ទុកផ្នែកផលិតគ្រឿងសម្ភារៈយោធារបស់រដ្ឋាភិបាលយេម៉ែន ត្រូវបានប្រទះឃើញស្លាប់នៅក្នុង Apartment របស់លោកនៅក្នុងទីក្រុង Cairo។
យោងតាមរបាយការណ៍របស់ប្រព័ន្ធផ្សព្វផ្សាយយេម៉ែនបានឱ្យដឹងថា មន្ត្រីដែលត្រូវបានកំណត់អត្តសញ្ញាណថាជាឧត្តមសេនីយ Hassan bin Jalal Al-Obaidi ត្រូវបានប្រទះឃើញចាក់សម្លាប់នៅក្នុង Apartment របស់លោក។ យ៉ាងណាមិញរបាយការណ៍នេះមិនត្រូវបានអាជ្ញាធរអេហ្ស៊ីប ឬយេម៉ែនបញ្ជាក់ឡើយ។
គួរបញ្ជាក់ថាលោក Obaidi គឺជាអ្នកទទួលបន្ទុកមួយផ្នែកលើការអភិវឌ្ឍន៍រថពាសដែកស៊េរី Jalal ដែលប្រើប្រាស់ដោយកងទ័ពយេម៉ែន រួមជាមួយនឹងសម្ភារៈផ្សេងទៀតដែលប្រើប្រាស់ដោយយោធាយេម៉ែន។
លោក Ahmed Al-Mosibly ទីប្រឹក្សារដ្ឋមន្ត្រីក្រសួងព័ត៌មានយេម៉ែនបានចោទប្រកាន់ទៅលើក្រុមឧទ្ទាម Houthis ចំពោះការស្លាប់របស់ឧត្តមសេនីយ៍នេះ។ ដោយឧបទ្ទវហេតុនេះបានកើតឡើងតាមពីក្រោយការវាយប្រហារជាបន្តបន្ទាប់របស់ក្រុមហ៊ូធី ដែលបានប្រឆាំងនឹងរដ្ឋាភិបាលទទួលស្គាល់ជាអន្តរជាតិនៅក្នុងប្រទេសនេះ។
-
រុស្ស៊ីពង្រីកទ័ពរបស់ខ្លួនដល់អាហ្វ្រិក
យោងតាមសារព័ត៌មាន Crux ចុះផ្សាយថ្ងៃទី១៩ ខែកុម្ភៈបានអោយដឹងថា រុស្សីបានដាក់ពង្រាយកងទ័ពអាហ្រ្វិកដែលទើបបង្កើតថ្មីរបស់ខ្លួនទៅកាន់ប្រទេស Burkina Faso ដែលជាផ្នែកមួយនៃយុទ្ធសាស្រ្តរបស់ខ្លួនដើម្បីស្តារឡើងវិញជំនួសក្រុម Wagner។ ទាហានទាំងនេះនឹងជួយ "ការពារមេដឹកនាំរបបយោធាលោក Ibrahim Traore ក៏ដូចជាសាធារណជនទូទៅពី "ការវាយប្រហារភេរវកម្ម"។
យោងតាមឆាណែលTelegram Sunset"Africa Corps" បានអោយដឹងថា"នៅពេលអនាគតដ៏ខ្លីខាងមុខនេះ អង្គភាពនឹងត្រូវបានដាក់បំពេញបន្ថែមនូវបុគ្គលិកយោធាចំនួន 200 នាក់ផ្សេងទៀតមកពីប្រទេសរុស្ស៊ីផងដែរ"។
ដោយកិច្ចព្រមព្រៀងរបស់សាធារណរដ្ឋអាហ្វ្រិកកណ្តាល (CAR) ជាមួយរុស្ស៊ីក្នុងឆ្នាំ 2018 បានកំណត់ឡើងថា ក្រុម Wagner អាចនឹងបង្កើតវត្តមានរបស់ពួកគេនៅខាងក្នុងប្រទេស និងអាចលាតសន្ធឹងដល់ទៅក្រៅប្រទេសបានផងដែរ។ ទើបរុស្ស៊ីឥឡូវត្រូវបានរាយការណ៍ថាគ្រោងបង្កើតមូលដ្ឋានយោធាមួយនៅភាគខាងត្បូងទីក្រុងBerengo ផងដែរ ដែលមានតម្រូវការទាហាន១០.០០០នាក់។
-
មន្ត្រីហាម៉ាសនិយាយថាអ្នកប្រយុទ្ធជាង6000នាក់បានស្លាប់
យោងតាមសារព័ត៌មាន Wionews ចុះផ្សាយថ្ងៃទី១៩ ខែកុម្ភៈបានអោយដឹងថា ក្រុមសកម្មប្រយុទ្ធប៉ាឡេស្ទីនបាននិយាយថា ខ្លួនបានប៉ាន់ប្រមាណថាបានបាត់បង់យុទ្ធជនប្រយុទ្ធប្រហែលជា 6,000 នាក់ហើយ។ មន្ត្រីក្រុមហាម៉ាសដែលមានមូលដ្ឋាននៅប្រទេសកាតាបាននិយាយថា ទោះបីជាបែបនេះក៏ដោយ ក្រុមរបស់ពួកគេនឹងនៅតែបន្តប្រយុទ្ធ និងត្រៀមខ្លួនសម្រាប់ជម្លោះអូសបន្លាយទាំងនៅរ៉ាហ្វា និងហ្គាហ្សា។
តួរលេខដែលបញ្ជាក់ដោយក្រុមហាម៉ាសនេះគឺស្មើប្រហែលជាពាក់កណ្តាលនៃតួរលេខត្រូវបានរាយការណ៍ដោយកងទ័ពអ៊ីស្រាអែលថា មានអ្នកប្រយុទ្ធ12,000នាក់ហើយមកពីក្រុមកាន់អំណាចនៅតំបន់ហ្គាហ្សាត្រូវបានសម្លាប់នៅក្នុងជម្លោះនេះ។ ដូច្នេះការអះអាងរបស់ក្រុមសកម្មប្រយុទ្ធគឺជាការទទួលស្គាល់ដ៏កម្រមួយដែលបង្ហាញពីការបាត់បង់ដ៏ធំមួយនៅក្នុងការប្រយុទ្ធនៅក្នុងតំបន់ Gaza នេះ។