ខ្សែវីដេអូដ៏គួរឲ្យភ្ញាក់ផ្អើលបង្ហាញពីអ្នកធ្វើដំណើរម្នាក់ ត្រូវបានរុញចូលទៅក្នុងផ្លូវរថភ្លើងដែលកំពុងមកដល់នៅស្ថានីយ រថភ្លើងក្រោមដី ដែលមានមនុស្ស កកកុញក្នុងប្រទេសបែលហ្សិក។ វីដេអូឃ្លីបបង្ហាញពីស្ត្រីដែលកំពុងរង់ចាំនៅលើវេទិកាស្ថានីយ៍រថភ្លើងក្រោមដី Rogiers ក្នុងទីក្រុង Brussels នៅពេលដែលបុរសម្នាក់បានមកពីក្រោយនាង ហើយរុញនាងទៅលើផ្លូវដែកខណៈពេលដែលរថភ្លើងបានខិតមកជិតនេះបើយោងតាមរបាយការណ៍របស់កាសែត Daily Mail ។

រថភ្លើងបានឈប់នៅពេលជិតដល់ស្ត្រីម្នាក់នេះស្ទើរតែមកដល់១ម៉ែត្រផង នៅលើផ្លូវដែកក្នុងអំឡុងពេលឧប្បត្តិហេតុថ្ងៃទី១៤ ខែមករា។ ជនរងគ្រោះអាយុ ៥៥ ឆ្នាំត្រូវ បានគេដឹកទៅមន្ទីរពេទ្យបង្អែកស្រុកដោយសារការភ័យតក់ស្លុតតែមិនមានរបួសធ្ងន់ធ្ងរនោះទេ ។

អ្នកនាំពាក្យក្រុមហ៊ុនដឹកជញ្ជូន STIB បាននិយាយផងដែរថា៖ «អ្នកបើករថភ្លើងក្រោមដីអាចចាប់ហ្វ្រាំងទាន់ពេលវេលា ហើយដោយហេតុនេះអាចជៀសវាង ការប៉ះទង្គិចបាន»។ "ប៉ុន្តែអ្នកបើករថភ្លើងក្រោមដីរបស់យើងក៏មានការភ្ញាក់ផ្អើលផងដែរ ហើយក៏ត្រូវបានបញ្ជូនទៅមន្ទីរពេទ្យដូចគ្នា"។ សារព័ត៌មាន Mail បានរាយការណ៍ថា ជនបង្កដែលរុញនាងនោះជាបុរសអាយុ ២៣ឆ្នាំ ដែលមិនត្រូវបានស្គាល់អត្តសញ្ញាណ បានរត់គេចខ្លួនប៉ុន្តែត្រូវបានប៉ូលីសចាប់ខ្លួនបានភ្លាមៗ បន្ទាប់ពីកើតហេតុនិងចោទប្រកាន់ពីបទប៉ុនប៉ងមនុស្សឃាត។ អាជ្ញាធរក៏បានបញ្ជាឱ្យគាត់ទទួលការវាយតម្លៃផ្នែកវិកលចរិត។

អត្ថបទដកស្រង់ពី Jorge Fitz-Gibbon
បកប្រែនិងកែសម្រួលដោយ Mr. Blue