មនុស្សមួយចំនួនមិនថាមានលុយ ឬជោគជ័យប៉ុណ្ណាក៏មិនសប្បាយចិត្តនោះទេ។ តើអ្នកអាចសប្បាយចិត្តដោយរបៀបណា នៅពេលដែលរឿងដំបូងដែលអ្នកគិតមុនគេនៅពេលអ្នកភ្ញាក់ពីគេង គឺជាអ្វីដែលអ្នកមិនមាននោះ។ ទោះបីជាអ្នកទទួលបានរបស់ដែលអ្នកចង់បានខ្លាំងក៏ដោយ អ្នកនឹងមិនសប្បាយចិត្តទេ ព្រោះអ្នកនឹងរកឃើញរបស់ផ្សេងទៀតដែលអ្នកមិនមាន។ ហើយយើងជាមនុស្ស យើងតែងតែមានអ្វីដែលបានបាត់បង់នៅក្នុងជីវិតរបស់យើង។ ដូច្នេះហើយទើបជីវិតរបស់តារាចម្រៀង Bruno Mars គឺជារឿងជោគជ័យដ៏ល្អបំផុតមួយ ដែលជាការបំផុសគំនិតដែលមិនគួរឱ្យជឿ។ អញ្ចឹងតោះមកស្តាប់ទាំងអស់គ្នា។
សូម្បីតែគ្រួសាររបស់គាត់ក្រីក្រខ្លាំង សូម្បីតែគាត់គ្មានកន្លែងស្នាក់នៅ គ្មានកន្លែងហៅថាផ្ទះ គាត់នៅតែរីករាយនឹងអ្វីដែលគាត់មានរួចហើយ។ នៅក្នុងកែវភ្នែករបស់គាត់ពោរពេញទៅដោយភាពស្រស់ស្រាយជានិច្ច។ គាត់សប្បាយចិត្តសូម្បីតែរឿងតិចតួចដែលគាត់មាន។ ក្មេងប្រុសដែលមានក្តីសង្ឃឹម ហើយតែងតែជឿថាថ្ងៃស្អែកអ្វីៗនឹងប្រសើរឡើង។ Bruno Mars រស់នៅក្នុងរដ្ឋហាវ៉ៃ ក្នុងគ្រួសារតន្ត្រីករមួយ ហើយគាត់តែងតែត្រូវបានហ៊ុំព័ទ្ធដោយឧបករណ៍ភ្លេង។
“ខ្ញុំតែងតែមានស្គរ ព្យាណូ ហ្គីតា ហើយមិនដែលហ្វឹកហាត់លេងទេ។ វាតែងតែនៅទីនោះ នោះជារបៀបដែលខ្ញុំបានរៀន គ្រាន់តែត្រូវបានហ៊ុំព័ទ្ធជាមួយពួកវាពេញមួយជីវិតរបស់ខ្ញុំ” ។
នៅពេលដែល Bruno Mars មានអាយុ 12 ឆ្នាំ ឪពុកម្តាយរបស់គាត់បានលែងលះគ្នា។ គាត់ ឪពុករបស់គាត់ និងបងប្អូនរបស់គាត់បានចាប់ផ្តើមរស់នៅជាមួយគ្នា ហើយបានរើសចេញពីផ្ទះគ្រួសាររបស់ពួកគេ។ ពួកគេបានរស់នៅពីរបីឆ្នាំនៅក្នុងសួនកម្សាន្តមួយ ដែលជាកន្លែងដែលឪពុករបស់គាត់ធ្វើការ មុនពេលវាបានបិទទ្វា។ ដោយសារបន្ទប់កាប៊ីនមួយដែលពួកគេស្នាក់នៅមិនមានបន្ទប់ទឹក ពួកគេត្រូវដើរឆ្លងកាត់សួនច្បារទាំងមូលនៅក្នុងអគារមួយផ្សេងទៀតដើម្បីប្រើប្រាស់វា។ ហើយនៅពេលដែលឧទ្យានបានបិទទ្វារ ពួកគេត្រូវរកកន្លែងស្នាក់នៅផ្សេងទៀត។ នៅក្នុងអំឡុងពេលនៃជីវិតរបស់គាត់ ពួកគេរស់នៅខាងក្រោយឡាន ហើយបន្ទាប់មកក្រោមដំបូលអគារផ្សេងៗ។
“ឪពុករបស់ខ្ញុំគ្រាន់តែជាស្តេចមួយអង្គ ដែលពូកែស្វែងរកកន្លែងតូចៗទាំងនេះ ដែលពួកយើងមិនគួរស្នាក់នៅ” ។
ការរស់នៅបែបនេះប្រហែលជាធ្វើឲ្យក្មេងម្នាក់មានការចងចាំដ៏គួរឲ្យភ័យខ្លាច ដែលនឹងលងបន្លាចពួកគេជារៀងរហូត ប៉ុន្តែក្មេងម្នាក់នោះច្បាស់ណាស់ថា មិនមែនជា Bruno Mars ឡើយ។ គាត់ត្រេកអរចំពោះអ្វីដែលគាត់មាន។ គ្រាលំបាកទាំងនោះបានផ្តល់ឱ្យគាត់នូវកម្លាំងដែលគាត់ត្រូវការ ដើម្បីក្លាយជាតន្ត្រីករដែលគាត់មានសព្វថ្ងៃនេះ។
“យើងមានវាទាំងអស់, អ្នកដឹងទេថា យើងមានគ្នាទៅវិញទៅមក ហើយវាមិនដែលមានអារម្មណ៍ថា វាជាទីបញ្ចប់នៃពិភពលោកនោះទេ។ មិនអីទេ ថ្ងៃនេះយើងអត់ត្រូវបានគេយកឧបករណ៍អគ្គីសនីមកឆក់ពួកយើង។ មិនអីទេ វាជាគ្រាបណ្តោះអាសន្នប៉ុណ្ណោះ។ ពួកយើងនឹងដោះស្រាយរឿងនេះបាន។ ប្រហែលជានោះហើយជាមូលហេតុដែលខ្ញុំមានចិត្តគំនិតរឹងមាំបែបនេះនៅពេលនិយាយអំពីតន្ត្រី ព្រោះខ្ញុំដឹងថា ខ្ញុំនឹងដោះស្រាយវា គ្រាន់តែទុកពេលឱ្យខ្ញុំខ្លះសិន។”
នៅសាលា អ្វីៗមិនប្រសើរឡើយ គាត់ត្រូវបានសើចចំអកដោយមិត្តរួមថ្នាក់របស់គាត់។ បន្ទាប់ពីគាត់បានបញ្ចប់ការសិក្សានៅវិទ្យាល័យ, Bruno Mars បានផ្លាស់ទៅទីក្រុង Los Angeles ដើម្បីបន្តអាជីពខាងតន្ត្រី និងដេញតាមក្តីស្រមៃរបស់គាត់។ បន្ទាប់ពីគាត់បានផ្លាស់ទៅទីក្រុង Los Angeles ក្នុងឆ្នាំ 2004 គាត់បានចុះកិច្ចសន្យាមួយជាមួយក្រុមហ៊ុន Motown record ។ ប៉ុន្តែគ្មានអ្វីទទួលបានពីកិច្ចសន្យានោះទាល់តែសោះ។
“ថ្ងៃទាំងនោះគឺគ្មានន័យទេ ប៉ុន្តែវានៅតែស្ថិតនៅក្នុងរបៀបដ៏ស្រស់ស្អាតមួយ។ បើគ្មានការបណ្តេញចេញទេ ខ្ញុំប្រហែលជាមិននៅទីនេះទេ។ រឿងទាំងអស់នេះ អ្នកត្រូវតែឆ្លងកាត់វា ព្រោះវាមិនងាយស្រួលនោះទេ។ ប្រសិនបើវាងាយស្រួល អ្នករាល់គ្នានឹងធ្វើវា។ ហើយគ្រាដ៏អាក្រក់បំផុតនោះ គឺប្រាប់មនុស្សគ្រប់គ្នាថា ខ្ញុំត្រូវបានគេបណ្តេញចេញ, ខ្ញុំមិនមានលុយ, ខ្ញុំជំពាក់បំណុលគេ។ នៅពេលដែលដើរចូលទៅក្នុងបន្ទប់ ខ្ញុំបាននិយាយថា "មែនហើយ ខ្ញុំជាសិល្បករដែលបានចុះហត្ថលេខានៅក្រុមហ៊ុន Motown "។ ហើយ ខ្ញុំក៏ជាសិល្បករដែលគេបណ្តេញចេញពីក្រុមហ៊ុន Motown ផងដែរ។ ប៉ុន្តែខ្ញុំមិនបន្ទោសអ្នកណានៅទីនោះឡើយ។
ក្រោយមក នៅក្នុងឆ្នាំ 2009 គាត់ត្រូវបានចុះហត្ថលេខានៅ Atlantic Records ហើយចាប់ពីពេលនោះមក អាជីពរបស់គាត់បានដំណើរការទៅមុខ។ នៅក្នុងឆ្នាំ 2010 គាត់បានចេញបទចម្រៀងទោលដំបូងរបស់គាត់ "Just The Way You Are" ដែលអាល់ប៊ុមដំបូងរបស់គាត់។ បទចម្រៀងរបស់គាត់បានស្ថិតនៅលើតារាងកំពូលបទចម្រៀងទោលទាំង ១០០បទ ដែលល្បីល្បាញបំផុតនៅលើ Billboard (The Single Top the Billboard Hot 100) ហើយអាល់ប៊ុមនេះត្រូវបានគេដាក់ឈ្មោះថាជា ចម្រៀងប្រភេទប៉ុបឆ្នើមបំផុតប្រចាំឆ្នាំ (The Year's Finest Pop Debut) ផងដែរ។ នេះបានធ្វើឱ្យគាត់ល្បីល្បាញទូទាំងពិភពលោក ហើយទីបំផុតក្តីស្រមៃរបស់គាត់ចង់ក្លាយជាតារាចម្រៀង បានក្លាយជាការពិត។ ជាមួយនឹងអាល់ប៊ុមចំនួនបី និងពានរង្វាន់ជាច្រើននៅពីក្រោយគាត់ Bruno Mars គឺជាតារាចម្រៀង និងជាអ្នកនិពន្ធបទចម្រៀងដែលធ្វើឲ្យតន្ត្រីដឹកនាំពិភពលោកមករួបរួមគ្នាបាន។
Bruno Mars ប្រឈមមុខនឹងការលំបាកជាច្រើននៅក្នុងជីវិតរបស់គាត់ ប៉ុន្តែនៅពេលដែលគាត់ចងចាំថ្ងៃទាំងនោះ គាត់បានបង្ហាញវាក្នុងលក្ខណៈដ៏ស្រស់ស្អាតមួយ។ ពួកវាមិនមែនជាអារម្មណ៍ដ៏ឈឺចាប់ក្នុងជីវិតរបស់គាត់នោះទេ។ រាល់ការលំបាក និងការបរាជ័យដែលគាត់មាន គាត់បានទុកជាពួកវាជាមេរៀនដើម្បីរៀនសម្រាប់អនាគត។ គាត់មានសប្បាយចិត្តដែលជីវិតបានធ្វើឱ្យគាត់ដើរលើវីថីមួយ ដែលមិនមានការងាយស្រួល ប៉ុន្តែជាការបំផុសគំនិត។ វិថីដែលពោរពេញទៅដោយឧបសគ្គ ប៉ុន្តែក៏មានឱកាសជាច្រើន។ សូម្បីតែពេលលំបាក គាត់មិនដែលបោះបង់ក្តីស្រមៃរបស់គាត់ឡើយ, គាត់គឺជា ក្មេងប្រុសម្នាក់ដែលពោរពេញទៅដោយក្តីសង្ឃឹម ហើយតែងតែជឿថាថ្ងៃស្អែកនឹងប្រសើរឡើង។
“កុំឱ្យនរណាម្នាក់ព្យាយាមរារាំងអ្នកបានឲ្យសោះ ព្រោះនោះជាអ្វីដែលខ្ញុំត្រូវប្រឈមមុខ នៅពេលដែលខ្ញុំបានឡើងទៅរដ្ឋ California។”
ហើយប្រសិនបើអ្នកគ្រាន់តែផ្តោតលើអ្វីដែលអ្នកចង់ធ្វើ ហើយចំណាយពេលវេលាទាំងអស់របស់អ្នក ដើម្បីដុសខាតសមត្ថភាពរបស់អ្នក នោះអ្នកនឹងគ្មានកន្លែងណាផ្សេងទៀតដែលត្រូវទៅនោះទេ ក្រៅពីការរះឡើងដូចដួងតារាដែលមនុស្សគ្រប់គ្នាតែងតែស្រមៃ៕