TMZ-

Brad Pitt និយាយថា Angelina Jolie-បានរំលងខ្លួនគេ ដោយបានលក់ផលប្រយោជន៍របស់នាងនៅក្នុងរោងចក្រផលិតស្រាដែលមានកម្មសិទ្ធរួមគ្នាទៅឲ្យពួកអភិជនរុស្សី ហើយឥឡូវនេះលោកកំពុងតែប្តឹងនាងឲ្យផ្តាច់កិច្ចព្រមព្រៀក្នុងការលក់នេះ។ ឯកសារស្របច្បាប់របស់ Brad ដែលទទួលបានដោយ TMZ  គឺជាផ្នែកមួយនៃសង្រ្គាមនៃការលែងលះគ្នាដែលមិនចេះចប់។ អ្នកទាំង២បានទិញវិមានមួយឈ្មោះ Miravalនៅ Correns ក្នុងប្រទេសបារាំងក្នុងឆ្នាំ២០០៨ត្រឡប់មកវិញ។ Bradនិយាយថា លោកបានវិនិយោគ លុយនិងពេលវេលានៅក្នុងរោងចក្រផលិតស្រាអស់ជាច្រើនក្នុងរយៈពេលជាច្រើនឆ្នាំកន្លងមកនេះ ទោះបីជាលោកដឹងថា Angelina បានទម្លាក់ចោល ៤០%នៃតម្លៃ២៨,៤លាននៃតម្លៃទិញ។

Brad បាននិយាយថា លោកតែម្នាក់ឯងបានធ្វើឲ្យរោងចក្រផលិតស្រានេះបានទទួលជោគជ័យ ពីព្រោះក្នុងឆ្នាំ២០១៣ នាងមិនបានធ្វើអ្វីសោះនៅក្នុងផ្នែកនេះ លោកបានអះអាងថា ពួកគេតែងតែមានការយោគយល់គ្នា ហើយមិនដែលលក់ចេញនូវភាគហ៊ុនឬផលប្រយោជន៍ដោយគ្មានការអនុញ្ញាតិពីភាគីម្ខាងទៀតឡើយ។ រហូតមកដល់ឆ្នាំ២០១៦ Angelina បានដាក់ពាក្យប្តឹងលះលែងហើយវាក៏ក្លាយទៅជាជម្លោះដ៏តឹងតែង។

កាលពីខែមិថុនាឆ្នាំមុន Angelina បានឡើងតុលាការនិងបានប្រាប់ចៅក្រមថា នាងបានឈានទៅដល់កិច្ចព្រមព្រៀងដើម្បីលក់ភាគហ៊ុនរបស់នាងទៅឲ្យមនុស្សម្នាកដែលមិនបញ្ចេញឈ្មោះ។ Pit បាននិយាយក្នុងខែកញ្ញាថា លោកបានយល់ព្រមអនុញ្ញាតិឲ្យ Angelina ស្វែងរកអ្នកទិញ ប៉ុន្តែបានបញ្ជាក់យ៉ាងច្បាស់ថាមិនអនុញ្ញាតិឲ្យលក់ទេ ហើយថាខ្លួនយល់ព្រមឬមិនយល់ព្រមវាអាស្រ័យទៅលើសំណូមពេរបស់អ្នកទិញ។

Brad បាននិយាយនៅក្នុងខែតុលាថា  លោកមានការស្លុតចិត្តយ៉ាងខ្លាំងនៅពេលដែលដឹងថា ក្រុមហ៊ុនមួយដែលមានឈ្មោះ Tenute Del Mondo ដែលកាន់កាប់ដោយអភិជនរុស្សី Yuri Shefler បានទិញភាគហ៊ុនរបស់នាងនៅក្នុងរោងចក្រផលិតស្រានេះ។

លោកបាននិយាយថា Angelina មិនដែលសុំការអនុញ្ញាតិពីលោកនិងមានចេតនារក្សារការពាររឿងនេះមិនឲ្យលោកដឹង។ Brad បាននិយាយថាបShfler បានបំផ្លាញនូវសមត្ថ ភាពរបស់លោកក្នុងការគ្រប់គ្រងរោងចក្រផលិតស្រានេះ។ ប្រភពមួយដែលជិតស្និទ្ធទៅនឹង BP បានប្រាប់យើងថា “ ជាអកុសល នេះជាឧទាហរណ៍មួយទៀតនៃមនុស្សដដែល ដែលមិនគោរពនូវកាតព្វកិច្ចស្របច្បាប់និងវិជ្ជាជីវៈរបស់ខ្លួន។ ក្នុងការធ្វើដូច្នេះ នាងបានរំលោភនូវសិទ្ធិរបស់មនុស្សម្នាក់ដែលបានចាក់លុយនិងញើសឈាមទៅក្នុងមុខរបរជំនួញដែលមានជោគជ័យ ដែលមានន័យថាបានលក់ទាំងមុខរបរនិងផ្ទះរបស់គ្រួសារទៅឲ្យភាគីទី៣ដែលជាអ្នកប្រកួតប្រជែង។