យន្តហោះBoeing737គឺជាប្រភេទយន្តហោះធន់មធ្យម ផលិតឡើងដោយក្រុមហ៊ុនយន្តហោះ Boeing ដែលមានទីតាំងនៅប្រទេសសហរដ្ឋអាមេរិក។ Boeing 737 វាត្រូវបានផលិតឡើងនៅក្នុងឆ្នាំ1997មកម្ល៉េះ។ ចំណែកឯយន្តហោះ Boeing 737-800 ត្រូវបានបញ្ចេញនៅក្នុងថ្ងៃទី 30 ខែមិថុនា ឆ្នាំ 1997 និងបានធ្វើការហោះហើរលើកដំបូងនៅថ្ងៃទី31ខែកក្កដា ឆ្នាំ1997។ យន្តហោះ Boeing 737-800 ប្រណាំងប្រជែងជាមួយនឹងយន្តហោះAirbus A320។ B737-800 ត្រូវបានដំណើរការដោយម៉ាស៊ីន CFM56-7។ Boeing B737 Max 8 ត្រូវបានប្រកាសនៅថ្ងៃទី30ខែសីហាឆ្នាំ2011។ វាបានធ្វើការហោះហើរជាលើកដំបូងនៅថ្ងៃទី29ខែមករាឆ្នាំ2016 ហើយត្រូវបានបញ្ជាក់ទទួលស្គាល់ដោយសហព័ន្ធរដ្ឋបាលអាកាសចរណ៍សហរដ្ឋអាមេរិច ហៅកាត់ថា (FAA) នៅខែមីនា ឆ្នាំ 2017 ។ ការដឹកជញ្ជូនលើកដំបូងរបស់ Boeing 737 MAX 8 បានធ្វើឡើងនៅខែឧសភា ឆ្នាំ 2017 ដែលមានក្រុមហ៊ុន Malindo Air ជាអ្នកទទួលទិញមុនគេ ។
យន្តហោះ Boeing 737 Max 8 ត្រូវបានដំណើរការឡើងដោយម៉ាស៊ីន CFM LEAP-1B ដែលអាចជួយសន្សំសំចៃប្រេងបាន 20% ច្រើនជាង Boeing B737-800 ។ B737-800 អាចផ្ទុកទម្ងន់អតិបរមា (MTOW) 79 តោន ~ 79.000 គីឡូក្រាម និងប្រវែង 39.47 ម៉ែត្រ ស្លាប 34.32 ម៉ែត្រ ដែលអាចហោះហើរបានចម្ងាយ 5,436 គីឡូម៉ែត្រ ជាមួយនឹងល្បឿនប្រតិបត្តិការអតិបរមា 455 knot ឬ 842 គីឡូម៉ែត្រក្នុងមួយម៉ោង និងអាចផ្ទុកអ្នកដំណើរបាន 189 នាក់ជាមួយនឹងរយៈកម្ពស់អតិបរមា 41,000ft ~ 12496m ។ សមត្ថភាពផ្ទុកប្រេងឥន្ធនៈរបស់ Boeing 737-800 ជាកំរិតអតិបរមា 29,666 ។ ងាកមកមើលតំលៃរបស់ពួកវាវិញគឺយន្តហោះ Boeing 737-800NG មានតម្លៃ 106.1 លានដុល្លា ចំណែកឯ Boeing 737 Max 8 មានតម្លៃ 121.6 លានដុល្លា។ គិតមកត្រឹមខែធ្នូ ឆ្នាំ 2022នេះ មានយន្តហោះ B737 ចំនួន 7,124 គ្រឿងហើយត្រូវបានដាក់បញ្ជាទិញ ដែលក្នុងនោះក៏មានយន្តហោះ 7,099 គ្រឿងត្រូវបានដឹកជញ្ជូនហើយ។ បច្ចុប្បន្ននេះយន្តហោះBoeing737មានប្រជាប្រិយភាពខ្លាំងនៅក្នុងសហរដ្ឋអាមេរិក អឺរ៉ុប និងអាហ្វ្រិក។
