លោកប្រធានាធិបតី Emmanuel Macron និងរដ្ឋមន្ត្រីក្រសួងការបរទេស Antony Blinken បានជួបប្រជុំជជែកគ្នាក្នុងទីក្រុងប៉ារីស ដែលជាកិច្ចប្រជុំលើកលើកទី១ របស់ប្រធានាធិបតីបារាំងជាមួយមន្ត្រីអាមេរិក ចាប់តាំងពីរឿងសម្ព័ន្ធភាពដែលគួរឲ្យរំជួលចិត្ត នាំឲ្យទំនាក់ទំនងរវាងប្រទេសទាំង២ ធ្លាក់ចូលទៅក្នុងវិបត្តិការទូត។ មានការវិវត្តិន៍កាលពីថ្ងៃអង្គារ៍ ដែលលេចចេញមកដៅយសារទង្វើររបស់រដ្ឋការលោក Biden ដើម្បីជួសជុលនូវការខូចខាតដល់ទំនាក់ទំនងនៃប្រទេសទាំង២ ដោយការមិនបញ្ចូលបារាំងទៅក្នុង AUKUS ដែលជាគំនិតផ្តួចផ្តើមផ្នែកសន្តិសុខថ្មីមួយ មានអាមេរិក អង់គ្លេសនិង អូស្ត្រាលី។

សេចក្តីប្រកាសកាលពីខែមុន អូស្ត្រាលីត្រូវបានគេមើលឃើញថាបានបង្វែរកិច្ចសន្យាដែលមានទឹកប្រាក់រាប់ពាន់លានដុល្លារដើម្បីទិញនាវាមុជទឹកបារាំង ទៅធ្វើកិច្ចសន្យាផលិតនាវាមុជទឹកដែលដើរដោយឋាមពលនុយគ្លេអ៊ែរជាមួយអាមេរិកនិងអង់គ្លេស ដែលធ្វើឲ្យបារាំងមានកំហឹង។ Blinken កំពុងតែស្ថិតនៅក្នុងទីក្រុងប៉ារីសនៃប្រទេសបារាំង ដើម្បីធ្វើការប្រជុំជាមួយអង្គការសហប្រតិបត្តិការណ៍សេដ្ឋកិច្ចនិងការអភិវឌ្ឍន៍ (OECD) ព្រមទាំងប្រាប់អ្នកសារព័ត៌មានថា លោកនឹងលើកយករឿងសម្ព័ន្ធភាព AUKUS ដែលជារឿងដ៏ស្មុគស្មាញមកជជែកក្នុងអម្លុងពេលជួបជាមួយរដ្ឋមន្ត្រីក្រសួងការបរទេសបារាំង Jean-Yves Le Adrian នៅថ្ងៃអង្គារ៍។

មន្ត្រីក្រសួងការបរទេសអាមេរិក បានប្រាប់អ្នកយកព័ត៌មានថា ជំនួបរវាង Macron និង Blinken មួយទល់និងមួយដែលមិនបានប្រកាសជាមុន មានរយៈពេល៤០នាទី។ មន្ត្រីដែលនិយាយក្នុងលក្ខ័ណអនាមិក បាននិយាយថា លទ្ធផលនៃការប្រជុំ មានការព្រមព្រៀងរួមគ្នាថា ឥឡូវនេះយើងមានឱកាសដើម្បីពង្រឹងនិងពង្រីកកិច្ចសហការណ៍គ្នា បើទោះបីជានៅមានកិច្ចការដ៏លំបាកជាច្រើនដែលត្រូវធ្វើក៏ដោយ។

ទោះបីជាមានការសន្ទនាតាមទូរស័ព្ទកាលពីខែកញ្ញា រវាង Biden និង Macron បានបញ្ចុះកំដៅនៃជម្លោះនេះក៏ដោយ ទីក្រុងប៉ារីសបាននិយាយថានឹងត្រូវការពេលវេលាដើម្បីជំនះនូវការបែកបាក់គ្នា ព្រមទាំងនិយាយថា ស្ថានការណ៍បានគូសបញ្ជាក់យ៉ាងច្បាស់ថា អឺរ៉ុបត្រូវការរៀបចំផែនការដើម្បីសន្តិសុខនិងការពារខ្លួនឯង៕