ក្រុមតារាចំរៀងកូរ៉េ BlackPink បានប្រកាសនៅចុងខែកក្កដានេះអំពីការត្រលប់មកវិញជាមួយអាល់ប៊ុមថ្មីដែលមានឈ្មេាះថា BornPink។ ពិតជាគួរអោយរំភើបមែនទែនជាមួយដំណឹងរីករាយផ្ទួនៗគ្នានេះ ព្រេាះ BlackPink ទើបតែបានបញ្ចេញវីឌីអូMVបទចំរៀង«Readyforlove»អោយអ្នកគាំទ្រនេាះទេកាលពី៣ថ្ងៃមុនផ្សាយដំណឹងនេះ ដែលជាបទបង្ហាញពីពិភព Virtualgirl នៅក្នុងហ្គេម PubgMobile។ កាលពីថ្ងៃទី៣១ខែកក្កដា BlackPink បានធ្វើការបង្ហេាះពត៌មានបកពីស្រោមមួយដែលធ្វើអោយកក្រើកពិភព Kpop ក៏ដូចជាបណ្តាអ្នកលេងនៅលើបណ្តាញសង្គមនានាជាមួយនឹងTrailerពន្ញាក់អារម្មណ៍ដោយមាន Zoom inខ្សែបន្ទាត់ពណ៌ផ្កាឈូកនៅលើក្រាហ្វិកពណ៌ខ្មៅ និងបង្ហាញច្បាស់ៗពីពត៌មានអំពីអាល់ប៊ុមថ្មីដែលកំពុង World WideTrending លេខ១នៅលើយូធូប។
តាមរយៈ Trailer បានអោយដឹងថា BlackPink នឹងធ្វើការបញ្ចេញនូវ PreRelease បទចំរៀងមួយនៅក្នុងខែសីហានេះដោយមិនទាន់ដឹងច្បាស់ពីថ្ងៃចេញនៅឡើយនេាះទេ។ ចំនែកអាល់ប៊ុមទាំងមូលនឹងធ្វើការចេញផ្សាយជាផ្លូវការនៅក្នុងខែកញ្ញាខាងមុខនេះ។ ហើយនៅក្នុងខែតុលា នឹងមានការចាប់ផ្តើមសម្តែងWorldTourផងដែរ។ ការបង្ហាញ Trailer មានបង្ហេាះនៅក្នុងហ្វេសប៊ុកផេកផ្លូវការរបស់ BlackPink ក៏ដូចជាឆាណែលយូធូប និងតាមរយៈបណ្តាញសង្គមពេញនិយមរបស់កូរ៉េ Naver ផងដែរ។ គួរអោយកត់សំគាល់ផងដែរពត៌មាននេះផ្សាយចេញទៅរយៈពេលមិនដល់កន្លះថ្ងៃផងចំនួនអ្នកចុចចូលមើលក្នុងឆាណែលយូធូបរបស់ពួកគេកើនឡើងដល់ទៅ 6.5លានដងឯណេាះ។ ព្រមទាំងមានអ្នកគាំទ្រចំរុះជាតិសាសន៍បានធ្វើការបញ្ចេញមតិគាំទ្រដោយប្រើប្រាស់ភាសាជាតិរបស់ពួកគេ ដូចជាភាសារុស្ស៊ី អេស្ប៉ាញ កូរ៉េ បារាំង អង់គ្លេសជាដើមធ្វើអោយសាលបញ្ចេញចំណាប់ទៅលើ Trailer អាល់ប៊ុមចំរៀងកាន់តែគួរអោយចាប់អារម្មណ៍។
អត្ថបទដោយ Vatey