នៅលើហ្វេសប៊ុកផេកផ្លវការរបស់ក្រុមចម្រៀង Blackpink ទើបនឹងចេញពត៌មានច្បាស់ការមួយអំពីការនាំយកបទចំរៀង Pink Venom ទៅសម្តែងនៅលើឆាកនៃកម្មវិធី Video Music Awards ដែលហៅកាត់ថា VMAs នៅលើប៉ុស្តិ៍ទូរទស្សន៍ MTV ក្នុងឆ្នាំ២០២២នេះ។ គួរបញ្ចាក់ផងដែរថាពេលវេលានៃការឡើងសម្តែងគឺនៅក្នុងថ្ងៃអាទិត្យ ទី២៨ ខែសីហា ខាងមុខនេះនៅម៉ោង៨ល្ងាច។ ពត៌មាននេះបានធ្វើអោយអ្នកគាំទ្រ Blackpink មានភាពរំភើបសប្បាយរីករាយជាខ្លាំងព្រោះពួកគេមិននឹកស្មានថាទីបំផុតបានឃើញ Blackpink ឡើងសម្តែងផ្ទាល់នូវបទ Pink Venom នៅលើឆាករបស់ VMA នោះទេ។ ជាងនោះទៅទៀត Blackpink ត្រូវបាន nominate ជាក្រុមចំរៀង The best metaverse performance តាមរយៈបទចំរៀងក្នុង The VirtualPUBG ក្នុងបណ្តាក្រុមចំរៀងផ្សេងទៀតដែលត្រូវបាន Nominate រួមមាន Rift Tour& Ariana Grande, BTS, Charli XCX, Justin Bieber, និង Twenty One Pilots។
ចំនែកសមាជិកម្នាក់ទៀតរបស់ Blackpink គឺកញ្ញា Lisa ក៏ត្រូវបាន nominate ជា Best Kpop តាមរយៈបទចំរៀង «Lalisa»របស់នាងនៅក្នុងចំណោមក្រុមចំរៀងកូរ៉េផ្សេងៗទៀតមានដូចជា BTS, ITZY, SEVENTEEN, Stray Kids និង Twice។
ហេតុផលទាំងនេះបណ្តាលអោយបណ្តាអ្នកគាំទ្រកាន់តែពុះកញ្ច្រោលឡើងនិងព្យាយាមស្រុះស្រួលដៃជើងគ្នាប្រឹងប្រែងVote អោយពួកគេដើម្បីជាប់បានពានរង្វាន់។ គួរអោយចាប់អារម្មណ៍ផងដែរនៅក្នុងទំព័រប្រវត្តិសាស្រ្តបានអោយដឹងថាក្រុមចំរៀងBlackpink នេះហើយគឺជាក្រុមចំរៀងកូរ៉េស្រីដំបូងគេបង្អស់ដែលបានឡើងសម្តែងផ្ទាល់នៅលើឆាក VMAs។ ទន្ទឹមនឹងនោះផងដែរ នៅក្នុងឆ្នាំ២០២២នេះ គេឃើញថាមានសិល្បករនៅលើសកលលោកដទៃទៀតនឹងមកសម្តែងនៅលើឆាករបស់ VMA ផងដែររួមមានដូចជា Maneskin, Lizzo និង Jack Harlow។