កូនស្រីច្បងរបស់ Bill Gates និង Melinda Ann French កញ្ញា Jennifer បានរៀបការជាមួយដៃគូយូរអង្វែងរបស់នាងគឺលោក Nayel Nassar ។​

មហាសេដ្ឋីខាងជំនួញអាយុ ៦៥ ឆ្នាំ និងកូនស្រីអាយុ ២៥ ឆ្នាំរបស់អតីតភរិយាអាយុ ៥៧ ឆ្នាំរបស់គាត់ ត្រូវបានគេរាយការណ៍ថា បានរៀបការនៅកសិដ្ឋានសេះរបស់នាងនៅ North Salem រដ្ឋញូវយ៉ក ដែលពួកគេបានទិញឲ្យកូនស្រីរបស់ពួកគេ បន្ទាប់ពីនាងបញ្ចប់ការសិក្សាពីសាកលវិទ្យាល័យ Stanford ។

គេហទំព័រ DailyMail.com បានរាយការណ៍ថា គូស្នេហ៍នេះបានរៀបចំពិធីស្រដៀងទៅនឹងពិធីមូស្លីមមួយ កាលពីថ្ងៃសុក្រ (១៥.១០.២១) និងបានទទួលភ្ញៀវ ៣០០ នាក់នៅយប់បន្ទាប់។ ពិធីមង្គលការនេះ ត្រៀមកើតឡើងជិតពីរឆ្នាំហើយ បន្ទាប់ពីនាងបញ្ចប់ការសិក្សានៅ Stanford ដែលបានភ្ជាប់ពាក្យនៅខែមករា ឆ្នាំ ២០២០។ Bill និង Melinda ក៏ជាឪពុកម្តាយរបស់ Phoebe ដែលមានអាយុ ១៩ ឆ្នាំ និង Rory ដែលមានអាយុ ២២ ឆ្នាំផងដែរ។

សហស្ថាបនិកក្រុមហ៊ុន Microsoft បានបែកគ្នាពី Melinda ​នៅខែឧសភា បន្ទាប់ពីរៀបការបាន ២៧ ឆ្នាំហើយការលែងលះរបស់ពួកគេត្រូវបានបញ្ចប់នៅខែសីហា។ អតីតប្តីប្រពន្ធដែលបានរៀបការនៅឆ្នាំ ១៩៩៤ បានប្រកាសពីការបែកគ្នារបស់ពួកគេនៅក្នុងសេចក្តីថ្លែងការណ៍រួមមួយ។

វាមានខ្លឹមសារដូចតទៅ៖ “បន្ទាប់ពីមានការគិតពិចារណា និងការងារជាច្រើនទៅលើទំនាក់ទំនងរបស់យើង យើងបានធ្វើការសម្រេចចិត្តបញ្ចប់អាពាហ៍ពិពាហ៍របស់យើង ក្នុងរយៈពេល ២៧ ឆ្នាំចុងក្រោយនេះ យើងបានចិញ្ចឹមបីបាច់កូនដ៏អស្ចារ្យទាំង ៣ នាក់ និងបានបង្កើតមូលដ្ឋានគ្រឹះមួយដែលធ្វើការនៅទូទាំងពិភពលោក ដើម្បីបើកដំណើរការក្នុងការដឹកនាំមនុស្សគ្រប់គ្នាឱ្យរស់នៅក្នុងមជ្ឈដ្ឋានដែលមានសុខភាពល្អ និងផលិតភាព។ យើងនឹងបន្តចែករំលែកការងារលើបេសកកម្មនោះ ហើយនឹងបន្តធ្វើការជាមួយគ្នានៅលើមូលដ្ឋាននេះ ប៉ុន្តែយើងលែងជឿថា យើងអាចរីកចម្រើនជាមួយគ្នា ក្នុងនាមជាប្តីប្រពន្ធនៅដំណាក់កាលបន្ទាប់នៃជីវិតរបស់យើងហើយ។ យើងត្រូវការគម្លាត និងភាពជាឯកជនសម្រាប់គ្រួសាររបស់យើង នៅពេលយើងចាប់ផ្តើមរុករកក្នុងជីវិតថ្មីនេះ” ៕

អត្តបទដកស្រង់ពី Bang Showbiz

បកប្រែនិងកែសម្រួលដោយ លោក គីមម៉េង