Dailymail-

លោកប្រធានាធិបតី Joe-Biden បានស្នើផ្តល់ឲ្យប្រធានាធិបតីរុស្សី Vladimir Putin ចូលទៅកាន់មូលដ្ឋាន NATO ដូច្នេះទីក្រុងមូស្គូអាចនឹងត្រួតពិនិត្យមើលថា សហរដ្ឋអាមេរិកគ្មានកាំជ្រួច Cruise Tomahak នៅក្នុងប្រទេសរូម៉ានីនិងប៉ូឡូញទេ ក្នុងគោលបំណងដើម្បីបញ្ចៀសសង្រ្គាមនៅអ៊ុយក្រែន។ ប្រភពដែលជិតស្និទ្ធនឹង Biden បានប្រាប់ Bloomberg កាលពីថ្ងៃអង្គារ ថាសំណើរសុំអាចនឹងមានផ្លែផ្កាទៅលើកិច្ចព្រមព្រៀងជាមួយនឹងសម្ព័ន្ធមិត្តអាមេរិក ជាពិសេសប៉ូឡូញនិងរូម៉ានី។ រុស្សីក៏ត្រូវតែចែករំលែកនូវព័ត៌មានស្រដៀងគ្នាអំពី, ចំនួននៃមូលដ្ឋានដែលជាទីតាំងអាវុធដែលនៅលើដី។

ដែលជាសេចក្តីរាយការណ៍ សំណើរសុំរបស់ Biden មានគោលបំណងនឹងកាត់បន្ថយការភ័យខ្លាចរបស់វិមានក្រឹមឡាំងថា អាមេរិកអាចប្រើប្រាស់មីស៊ីលសំដៅរុស្សី។ដំណឹងនៃសំណើរសុំនេះបានលែចចេញមកខណៈដែល រដ្ឋមន្ត្រីក្រសួងការពារជាតិ Lloyd Austin នឹងរៀបចំចេញដំណើរទៅកាន់អឺរ៉ុបដើម្បីចូលរួមកិច្ចប្រជុំរដ្ឋមន្ត្រីក្រសួងការពារជាតិ NATO នាខែកុម្ភះថ្ងៃទី១៦-១៧។ មន្ទីរបញ្ចកោណបានបញ្ជាក់ពីដំណើរ នេះប្រាប់អ្នកយកព័ត៌មាន VOA, CarlaBabb កាលពីថ្ងៃអង្គារ។ នៅមិនទាន់ច្បាស់ថាតើអ្នកណាខ្លះនឹងចូលរួមដំណើរជាមួយលោក។

ទន្ទឹមគ្នានេះដែរ នាយករដ្ឋមន្ត្រី Victor Orban នៃប្រទេស ហុងហ្គារីបានធ្វើការវាយប្រហារបកវិញមកលើសម្ព័ន្ធមិត្ត NATO កាលពីថ្ងៃអង្គារ បានចោទប្រកាន់ទណ្ឌកម្មដែលដាក់មកលើរុស្សី បើសិនជាប្រជាជាតិនេះនឹងចាត់វិធានការណ៍យោធាប្រឆាំងនឹងអ៊ុយក្រែនថានឹងបរាជ័យ ហើយលោកក៏បាននិយាយទៀតថាការទាមទារនូវការធានាពីសន្តិសុខ “សមហេតុសមផល”។ លោកប្រធានាធិបតីស្ថិតនៅក្នុងសភាពស្ងប់ស្ងៀមព្រមទាំងនិយាយថា ការទាមទាររបស់រុស្សីអំពីការធានាសន្តិសុខវាជារឿងធម្មតា និងគួរតែឈរនៅលើមូលដ្ឋាននៃការពិភាក្សាគ្នា។ "ខ្ញុំមានការយល់ស្របទៅលើបញ្ហានេះ យើងត្រូវតែពិភាក្សាគ្នា"។

បើសិនជាលោកនាយករដ្ឋមន្ត្រីហុងហ្គារី វេតូ សកម្មភាព NATO ប្រឆាំងនឹងរុស្សី Biden អាចនឹងត្រូវគេបង្ខំឲ្យសំរេចដោយខ្លួន បើសិនជាលោកត្រូវដាក់ពង្រាយទ័ព។ ហុងហ្គារីបានចង្អុលបង្ហាញថា គេនឹងមិនអនុញ្ញាតឲ្យមានវត្តមានទ័ព NATO កើនឡើងនៅក្នុងទឹកដីរបស់ខ្លួនឬក៏បញ្ជូនជំនួយទៅកាន់អ៊ុយក្រែន៕