Washington-

លោកប្រធានាធិបតី Joe-Biden បានព្រមានលោកប្រធានាធិបតី Vladimir Putin នៅក្នុងការសន្ទនាគ្នាតាមរយៈវីឌីអូរយៈពេល២ម៉ោងនៃកិច្ចប្រជុំកំពូលកាលពីថ្ងៃអង្គារ៍ថា “បស្ចឹមប្រទេសនឹងឆ្លើយតបយ៉ាងខ្លាំងផ្នែកសេដ្ឋកិច្ចបើសិនជាកងកំលាំងរុស្សីដែលប្រមូលផ្តុំនៅតាមព្រំប្រទល់អ៊ុយក្រែនបើកការវាយប្រហារ”។ “ ប្រធានាធិបតីបានបង្ហាញនូវការព្រួបារម្ភយ៉ាងខ្លាំងរបស់សហរដ្ឋអាមេរិកនិងសម្ព័ន្ធមិត្តរបស់យើងអំពីការកើនឡើងនៃកងកំលាំងរុស្សីដែលព័ទ្ធជុំវិញប្រទេសអ៊ុយក្រែននិងបានបញ្ជាក់ថា អាមេរិកនិងសម្ព័ន្ធមិត្តនឹងឆ្លើយតបដោយខ្លាំងក្លាខាងផ្នែកសេដ្ឋកិច្ចនិងវិធានការណ៍ដ៏ទៃទៀត បើសិនជាមានព្រឹត្តិការណ៍កើតឡើង “សេតវិមានបាននិយាយនៅក្នុងសេចក្តីថ្លែងការណ៍ភ្លាមបន្ទាប់ពីការប្រជុំតាមវីឌីអូ។

Bidenបានបញ្ជាក់"ការគាំទ្រចំពោះអធិបតេយ្យភាពនិងបូរណភាពដែនដីអ៊ុយក្រែននិងបានអំពាវនាវឲ្យមានការកាត់បន្ថយកំដៅនិងវិលត្រឡប់ទៅរកការទូតវិញ"សេចក្តីថ្លែងការណ៍បាននិយាយ។ បើយោលទៅតាមសេតវិមាន Biden និង Putin បានយល់ព្រមថា ក្រុមគេរៀងៗខ្លួននឹងតាមដានកិច្ចប្រជុំកំពូល ដោយបានគូសបញ្ជាក់ថាទង្វើររបស់អាមេរិកនៅពេលក្រោយគឺ “គឺការសហការណ៍ដ៏ជីតស្និទ្ធជាមួយសម្ព័ន្ធមិត្តនិងដៃគូរ”។ រុស្សីបានប្រកែកក្នុងការធ្វើផែនការដើម្បីឈ្លានពានអ៊ុយក្រែន ប៉ុន្តែតាមរយៈរូបភាពផ្កាយរណបបានបង្ហាញនូវការប្រមូលផ្តុំកងទ័ពនៅតាមព្រំប្រទល់ដែលធ្វើឲ្យមានការព្រួយបារម្ភថានឺងមានសង្រ្គាមនៅអឺរ៉ុប។

មូស្គូបានហៅការឈ្លានពាននេះថាជារឿងក្រេវក្រោធឥតមូលហេតុ ផ្ទុយទៅវិញ Putin ចង់ប្រាប់ Biden ថា លោកមើលឃើញ អ៊ុយក្រែនមានទំនាក់ទំនងកាន់តែជិតស្និទ្ធជាមួយសម្ព័ន្ធមិត្តនិងប្រជាជាតិលោកខាងលិចដែលជាការគំរាមកំហែងដល់សន្តិសុខរុស្សី និងថាទង្វើរណាមួយរបស់អ៊ុយក្រែនក្នុងការចូលរួមជាមួយ NATO ឬការទទួលយកមីស៊ីលរនស់ NATO នឹងមិនអាចទទួលយកបានទេ។ ទោះបីជាអ៊ុយក្រែនមិនទាន់មានលទ្ធភាពនឹងចូលរួមជាមួយ NATO ដែលដឹកនាំដោយសហរដ្ឋអាមេរិកនិងសម្ព័ន្ធមិត្ត Putin ចង់បានឲ្យមានការធានាជាផ្លូវការថារឿងនេះនឹងមិនកើតមានឡើងទេ។

"រុស្សីមិនដែលមានផែនការវាយប្រហារអ្នកណាមួយទេ" អ្នកនាំពាក្យរុស្សី Dmitry Peskov បាននិយាយកាលពីថ្ងៃអង្គារ៍ ប៉ុន្តែយើងមានបន្ទាត់ក្រហមរបស់យើង សហរដ្ឋអាមេរិកនិង NATO និយាយថា រុស្សីមិនអាចឲ្យមានសិទ្ធវេតូលើរឿងមហិច្ឆិតាររបស់អ៊ុយក្រែនទេ។ មេដឹកនាំទាំងអស់បានយល់ព្រមនឹងធ្វើទំនាក់ទំនងយ៉ាងជិតស្និទ្ធជាមួយគ្នានៅលើវិធីសាស្ត្រដ៏ទូលំទូលាយមួយក្នុងការឆ្លើយតបទៅនឹងការឈ្លានពានរបស់រុស្សីទៅលើអ៊ុយក្រែន៕