Mediaite-

ការស្ទាបស្ទង់មតិដ៏គួរឲ្យភ្ញាក់ផ្អើលមួយពីមហាវិទ្យាល័យច្បាប់ Marquette បានបង្ហាញថាលោកប្រធានាធិបតី Joe- Biden បានដឹកមុខលោកអតីតប្រធានាធិបតី Donald Trump និងអភិបាលរដ្ឋ Ron DeSantis មកពីគណបក្សសាធារណរដ្ឋនៃរដ្ឋ Florida ក្នុងការប៉ាន់ស្មានប្រៀបធៀបមួយ។ ការស្ទាបស្ទង់មតិជាបន្តបន្ទាប់ ដែលបានបញ្ចេញមកក្នុងរយៈពេលថ្មីៗប៉ុន្មានខែនេះ បានបង្ហាញថា Biden ស្ថិតនៅជាមួយអ្នកបោះឆ្នោត ១៥% ភាគរយនៃអ្នកឆ្លើយនឹងសំណួរបាននិយាយថា គេគាំទ្រពេញទំហឹងចំពោះការអនុវត្តិន៍ការងាររបស់លោកប្រធានាធិបតីនិង ៣១%ទៀតបាននិយាយថា ពួកគេគាំទ្រលើការងារខ្លះ។

ទន្ទឹមគ្នានោះដែរ ២១% បាននិយាយថា គេមិនគាំទ្រលើការងារខ្លះរបស់ Biden ខណៈដែល៣២% និយាយថាដាច់ខាតពួកគេមិនគាំទ្រលើការងាររបស់លោក។ ជាការបូកសរុប ៥៣% បាននិយាយថា ពួកគេមិនគាំទ្រលើការងាររបស់លោកប្រធានធិបតីដែលកំពុងតែធ្វើ, ប៉ុន្តែនៅមានទៀត នៅពេលដែលគេប្រៀបធៀបលោកប្រធានាធិបតីជាមួយនឹងតារា២រូប ដែលមកពីគណបក្សសាធារណរដ្ឋនៅក្នុងការប្រៀបធៀបផ្សេងពីគ្នា លោក Biden បានឈ្នះលោកទាំង២ក្នុងតួរលេខ ២ខ្ទង់ក្នុងឆ្នាំ២០២៤។

ការស្ទាបស្ទង់មតិរបស់ Marquette បានរកឃើញថា ក្នុងការប្រៀបធៀបប្រឆាំងទៅនឹង Trump, Biden នឹងបានទទួលប្រហែលជា ៤៣%នៃសន្លឹកឆ្នោត ខណៈដែល Trump នឹងបានទទួល ៣៣%, ១៦ភាគរយនៃអ្នកឆ្លើយនឹងស្វែងរកបេក្ខជនដ៏ទៃទៀត ខណៈដែល៦%ភាគរយទៀតបាននិយាយថា ពួកគេនឹងផ្អាកការបោះឆ្នោតសិន ក្នុងការដែលមានការប្រកួតប្រជែងម្តងទៀត រវាងបេក្ខជនក្នុងឆ្នាំ២០២០។ DeSantis ធ្វើបានល្អជាង Trump ក្នុងការស្ទាបស្ទង់មតិ ប៉ុន្តែមិនបានច្រើនទេ។

ការស្ទាបស្ទង់មតិរបស់ Marquette បានបង្ហាញថា Biden នឹងបានទទួល៤១% ខណៈដែល DeSantis បានទទួល៣៣%។ ក្នុងការការប្រកួតប្រជែងរបៀបនេះ យោងទៅតាមការស្ទាបស្ទង់មតិនិមួយៗ, ១៨% នឹងជៀសចេញពីបេក្ខជនគណបក្សធំៗទាំង២ ខណៈដែល៨%នឹងមិនធ្វើការបោះឆ្នោតទេ។ រឿងដែលល្អសំរាប់ DeSantis ៦៦% នៃអ្នកឆ្លើយបាននិយាយថា គេពេញចិត្តចំពោះទស្សនៈរបស់លោក។ រឿងដែលអាក្រក់សំរាប់ Trump ៦៧% អ្នកដែលឆ្លើយនឹងសំណួរបាននិយាយថាគេមិនពេញចិត្តចំពោះទស្សនៈរបស់លោក៕