Warsaw,Poland-

លោកប្រធានាធិបតី Joe-Biden កាលពីថ្ងៃសុក្រមានគំរោងនឹងទៅធ្វើទស្សនកិច្ចទៅកាន់ផ្នែកខាងត្បូងប៉ូឡូញ ដែលលោកនឹងជួបជាមួយនឹងកងទ័ពសហរដ្ឋអាមេរិក និងក្រុមអ្នកធ្វើការសង្រ្គោះជនភៀសខ្លួននៅក្នុងប្រទេស១ នៅជួរខ្សែរត្រៀមខាងមុខនៃវិបត្តិមនុស្សធម៌ និងយោធាដែលកើតមានឡើងនៅក្នុងប្រទេសអ៊ុយក្រែន។ Biden មានកាលវិភាគនឹងធ្វើទស្សនកិច្ចនៅ Rzeszow ដើម្បីថ្លែងអំណរគុណចំពោះកងទ័ពអាមេរិកជាច្រើនពាន់នាក់ ដែលបានចាប់ផ្តើមទៅដល់មូលដ្ឋានកងទ័ពមួយកាលពីខែមុន។

មូលដ្ឋានដែលស្ថិតនៅក្នុងប៉ូឡូញដែលមានចម្ងាយតិចជាង១០០ម៉ាយពីកន្លែងដែលមីស៊ីលរបស់រុស្សី បានធ្លាក់ចំប៉ុស្ត៍យោធាអ៊ុយក្រែនក្នុងខែនេះ។ មុនពេលដែលលោកនឹងត្រូវវិលត្រឡប់មកកាន់ទីក្រុងវ៉ាស៊ីនតោននៅថ្ងៃសៅរ៍ Biden បាននិយាយថា លោកនឹងព្យាយាមជួបជាមួយជនភៀសខ្លួនខ្លះ។ "ខ្ញុំធ្លាប់រស់នៅក្នុងជំរុំជនភៀសខ្លួន ខ្ញុំធ្លាប់រស់នៅក្នុងតំបន់សង្រ្គាមកាលពី១៥ឆ្នាំមុន ហើយវាអាក្រក់អាក្រីណាស់" Biden បាននិយាយនៅក្នុងសន្និសិទកាសែតកាលពីថ្ងៃព្រហស្បតិ៍ លោកនិយាយថា ការជួបជាមួយជនភៀសខ្លួនក្នុងប៉ូឡូញ វានឹងជួយពង្រឹងនូវការប្តេជ្ញាចិត្ត ដែលនឹងជួយឲ្យសហរដ្ឋអាមេរិកមានទំនាក់ទំនងជាមួយនឹងការផ្លាស់ប្តូរទីលំនៅនៃពលរដ្ឋទាំងអស់នោះ។

យន្តហោះ Air Force one របស់លោកប្រធានាធិបតីនឹងនាំលោកទៅកាន់ភាគខាងត្បូងនៃប៉ូឡូញ ដែលនៅទីនោះ Biden នឹងបានទទួលផងដែរសេចក្តីរាយការណ៍ពីស្ថានការណ៍ជនភៀសខ្លួននៅអ៊ុយក្រែន ដែលមានចំនួនរហូតដល់ជាង៣,៥លានាក់ ដែលចាកចេញពីប្រទេសភាគច្រើនចូលទៅក្នុងប៉ូឡូញ។ អង្គការសហប្រជាជាតិ ជឿថាភាគច្រើនជាងពាក់កណ្តាលនៃកុមារត្រូវបានចេញពីលំនៅដ្ឋានរបស់គេ ដែលជាព្រឹត្តិការណ៍ដ៏ក្រៀមក្រំមួយ ដែលនឹងនាំឲ្យមានផលវិបាកទៅដល់មនុស្សជំនាន់ក្រោយ។

“ជារៀងរាល់ថ្ងៃ ប្រហែលជា២០ ទៅ៣០ដង ដែលយើងត្រូវរត់ចូលទៅក្នុងលេណដ្ឋាន” សម្តីបុរសម្នាក់ដែលមានអាយុ៣៧ឆ្នាំ “វាជារឿងដ៏ពិបាក ពីព្រោះប្រពន្ធរបស់ខ្ញុំមានផ្ទៃពោះ ហើយខ្ញុំមានកូនតូច។ ការដំណើររបស់ Biden នេះបានលេចចេញមកខណៈដែលលោកខាងលិចប្រឈមទៅនឹងបញ្ហាជាបន្ទាន់អំពីថា តើគេត្រូវធ្វើអ្វីទៀត ដើម្បីជួយអ៊ុយក្រែនក្នុងការប្រឈមទៅនឹងការកាប់សម្លាប់របស់រុស្សីមកលើប្រជាពលរដ្ឋអ៊ុយក្រែន៕