វ៉ាស៊ិនតោន- លោកប្រធានាធិបតី Joe-Biden នឹងទទួលជួបដោយផ្ទាល់ជាលើកទី១នៅក្នុងសេតិវិមាន ជាមួយនឹងមេដឹកនាំនៃប្រទេសដែលគេហៅថា «ដៃគូរសន្ទនាសន្តិសុខ៤ប្រទេស»(Quad =quadrilateral Security dialogue)ដែលមាន អាមេរិក ឥណ្ឌា ជប៉ុន និង អូស្រ្តាលី នៅសប្តាហ៍ក្រោយ មន្រ្តីសេតិវិមានបានប្រាប់ ទីភ្នាក់ងារព័ត៌មាន Reuter កាលពីថ្ងៃច័ន្ទ។

មន្រ្តីដដែលនោះបានបន្ថែមថា កិច្ចប្រជុំនឹងធ្វើឡើងក្នុងសេតិវិមាន នាថ្ងៃទី២៤ កញ្ញា។ នាយករដ្ឋមន្រ្តី អូស្រ្តាលី ឥណ្ឌានិងជប៉ុន លោក Scott Morrison ,Narendra Modi ,yoshihide Suga ត្រូវបានគេរំពឹងថានឹងមកដល់សហរដ្ឋអាមេរិនៅសប្តាហ៍ក្រោយ ដើម្បីចូលរួមក្នុងកិច្ចប្រជុំមហាសន្និបាតអ.ស.ប នាទីក្រុង New York.។

ក្នុងការជួបប្រជុំជាមួយមេដឹកនាំ Quad វិស័យអាទិ៍ភាពរបស់រដ្ឋការ Biden-Harris គឺការពាក់ព័ន្ធទៅនឹងឥណ្ឌូប៉ាស៊ីហ្វិក ដើម្បីប្រឈមទៅនឹងទីក្រុងប៉េកាំង នៅក្នុងរូបភាពនៃការប្រឈមថ្មីតាមបែបពហុភាគីនៅក្នុងសតវត្យរ៍ទី២១ មន្រ្តីសេតិវិមានប្រាប់ Reuter ។

មន្រ្តីសេតិវិមានបានបន្ថែមទៀតថា មេដឹកនាំQuad នឹងផ្តោតទៅលើកិច្ចសហប្រតិបត្តិការណ៍ស៊ីជម្រៅដើម្បីឲ្យមានសន្តិសុខនិងសុវត្តិភាព សេរីភាពក្នុងការធ្វើនាវាចរណ៍និងការហោះហើរនៅក្នុងឥណ្ឌូប៉ាស៊ីហ្វិក ទៅតាមអ្វីដែលច្បាប់អន្តរជាតិបានអនុញ្ញាតិ។