សព្វថ្ងៃ មានជំងឺជាច្រើនដែលមនុស្សត្រូវប្រឈម ហើយជំងឺខ្លះវាទាមទារការព្យាបាលយូរ និងមានបច្ចេកទេសខ្ពស់ តែជំងឺខ្លះយើងក៏អាចកាត់បន្ថយ ឬ ព្យាបាលដោយខ្លួនឯងបានដែរ ដូចជាជំងឺខ្លាញ់ក្នុងក្បាលពោះ។ តែទោះជាយ៉ាងណាក៏ដោយ ខ្លាញ់ក្នុងក្បាលពោះត្រូវបានគេចាត់ទុកថាជាប្រភេទជំងឺដែលបង្កឲ្យមាន ផលប៉ះពាល់ខ្លាំងដល់សុខភាពរបស់យើង ពីព្រោះវាអាចបង្កឲ្យមានជំងឺទឹកនោមផ្អែមប្រភេទទី២ និងជំងឺបេះដូង។ ហេតុដូច្នេះហើយ ៣ចំណុចខាងក្រោមនេះជាវិទ្យាសាស្ត្រងាយៗ ដែលអាចជួយឲ្យអ្នកអាចកាត់បន្ថយខ្លាញ់ក្នុងក្បាលពោះបានដោយងាយ។
ជៀសវាងភេសជ្ជៈមានជាតិស្ករ និងផ្អែម
អាហារដែលមានជាតិស្ករបន្ថែមគឺមិនល្អទេសម្រាប់សុខភាពរបស់អ្នក។ ការទទួលទានអាហារប្រភេទនេះច្រើនអាចធ្វើឱ្យឡើងទម្ងន់ ពីព្រោះបើតាម ការសិក្សាបានបង្ហាញថា ជាតិស្ករបន្ថែមមានផលប៉ះពាល់យ៉ាងខ្លាំងទៅលើសុខភាពមេតាបូលីស ដែលទាក់ទងនឹងការដុតរំលាយអាហារក្នុងរាងកាយ។ គេបានបង្ហាញទៀតថាជាតិស្ករដែលលើស ភាគច្រើនដោយសារតែបរិមាណដ៏ច្រើននៃជាតិស្ករ ដែលមាននៅក្នុងទឹកផ្លែឈើ ហើយដែលអាចនាំអោយមានខ្លាញ់ឡើងជុំវិញពោះនិងថ្លើមរបស់អ្នក។ នៅពេលអ្នកញ៉ាំជាតិស្ករបន្ថែមច្រើនថ្លើមផ្ទុកលើសជាតិស្ករ ដែលមាននៅក្នុងទឹកផ្លែឈើហើយត្រូវបានបង្ខំឱ្យប្រែក្លាយទៅជាខ្លាញ់។ វាបង្កើនខ្លាញ់ក្បាលពោះ និងខ្លាញ់ថ្លើមដែលនាំឱ្យមានភាពធន់នឹងអាំងស៊ុយលីន ដែលជាអរម៉ូននៅក្នុងរាងកាយដែលជួយគ្រប់គ្រងចំនួនស្ករនៅក្នុងឈាម និងបញ្ហាមេតាបូលីសផ្សេងៗ។ ការសិក្សាមួយបានសង្កេតឃើញថា កុមារមានអត្រា៦០%ងាយនឹងកើតជំងឺធាត់ជាមួយនឹងការញ៉ាំភេសជ្ជៈផ្អែមបន្ថែមស្កររៀងរាល់ថ្ងៃ។ព្យាយាមកាត់បន្ថយបរិមាណជាតិស្ករនៅក្នុងរបបអាហាររបស់អ្នក ដោយរាប់បញ្ចូលទាំងភេសជ្ជៈមានជាតិស្ករ សូដាផ្អែម ទឹកផ្លែឈើ និងភេសជ្ជៈកីឡាដែលមានជាតិស្ករខ្ពស់ផ្សេងៗ។
ញុាំអាហារដែលមានសារធាតុប្រូតេអុីនឲ្យបានច្រើន
ប្រូតេអុីនអាចជា ម៉ាក្រូញូត្រៀនដែលជាសារធាតុដ៏សំខាន់បំផុតសម្រាប់ការសម្រកទម្ងន់។ ការស្រាវជ្រាវបង្ហាញថា វាអាចកាត់បន្ថយការឃ្លានបាន 60% បង្កើនការរំលាយអាហារបាន 80-100 កាឡូរីក្នុងមួយថ្ងៃ និងជួយឱ្យអ្នកញ៉ាំកាឡូរីតិចជាង 441ក្នុងមួយថ្ងៃ។ ប្រសិនបើការសម្រកទម្ងន់គឺជាគោលដៅរបស់អ្នកការបន្ថែមប្រូតេអ៊ីនអាចជាការផ្លាស់ប្តូរដ៏មានប្រសិទ្ធភាពបំផុតតែមួយគត់ ដែលអ្នកអាចធ្វើបានចំពោះរបបអាហាររបស់អ្នក។ ប្រូតេអ៊ីនមិនត្រឹមតែអាចជួយអ្នកក្នុងការសម្រកទម្ងន់ប៉ុណ្ណោះទេ ប៉ុន្តែវាក៏អាចជួយអ្នកឱ្យជៀសវាងការឡើងទម្ងន់ឡើងវិញផងដែរ។ ប្រូតេអ៊ីនអាចមានប្រសិទ្ធភាពជាពិសេសក្នុងការកាត់បន្ថយខ្លាញ់ក្បាលពោះ។ ការសិក្សាមួយបានបង្ហាញថា អ្នកដែលញ៉ាំប្រូតេអ៊ីនច្រើននិងប្រូតេអ៊ីន ដែលល្អមានខ្លាញ់ក្បាលពោះតិចជាង។ មិនតែប៉ុណ្ណោះការសិក្សាមួយផ្សេងទៀតបានបង្ហាញថា ប្រូតេអ៊ីនត្រូវបានផ្សារភ្ជាប់ទៅនឹងការថយចុះយ៉ាងខ្លាំងនូវឱកាសនៃការឡើងខ្លាញ់ក្បាលពោះលើសពី 5 ឆ្នាំចំពោះស្ត្រី។
ធ្វើលំហាត់ប្រាណឱ្យបានទៀងទាត់
លំហាត់ប្រាណគឺជារឿងដ៏ល្អបំផុតដែលអ្នកអាចធ្វើបាន ដើម្បីបង្កើនឱកាសរបស់អ្នកក្នុងការរស់នៅបានយូរ និងមានសុខភាពល្អ និងជៀសផុតពីជំងឺផ្សេងៗជាពិសេសវាជួយកាត់បន្ថយខ្លាញ់ក្បាលពោះ និងខ្លាញ់នៅទូទាំងរាងកាយ។ ការធ្វើលំហាត់ប្រាណមានដូចជា ការដើរ ការរត់ និងហែលទឹកជាដើម។ ការសិក្សាមួយផ្សេងទៀតបានរកឃើញថា ការធ្វើលំហាត់ប្រាណអាចជួយរារាំងមនុស្សទាំងស្រុងពីការទទួលបានខ្លាញ់ក្បាលពោះឡើងវិញ បន្ទាប់ពីការសម្រកទម្ងន់៕
បកប្រែដោយ៖ ម៉ៅ គុយដង់