1. សោកនាដកម្មវាយប្រហារទូកពេញដោយភ្នាក់ងារសំងាត់បណ្តាលអោយមានការសន្និដ្ឋានជាច្រើន
យោងតាមសារព័ត៌មាន The New York Times ចុះផ្សាយថ្ងៃទី១ ខែមិថុនាបានអោយដឹងថា មានមនុស្ស4នាក់បានស្លាប់នៅពេលដែលព្យុះមួយបានធ្វើអោយលិចទូកនៅលើបឹងភាគខាងជើងប្រទេសអ៊ីតាលី។ បន្ទាប់មកក៏ត្រូវបានលេចលឺដំណឹងមកថាអ្នកដំណើរនៅលើទូកទាំង ២១នាក់នោះ បានបំរើការងារនៅអង្គភាពស៊ើបការណ៍សម្ងាត់របស់អ៊ីស្រាអែល ឬអ៊ីតាលីកំពុងតែធ្វើកម្មវិធីជប់លៀងខួបកំណើតដោយនេះបានបណ្តាលអោយមានការសន្និដ្ឋានច្របូកច្របល់ជាច្រើន។ អ្វីដែលជនជាតិអ៊ីតាលីឆ្ងល់នោះគឺថាតើភ្នាក់ងារសំងាត់ទាំងអស់នោះពិតជាបានកំពុងធ្វើអ្វីនៅរសៀលថ្ងៃអាទិត្យខណៈពេលកំពុងជិះទូកជួលដែលមានឈ្មោះថា “Good…uria” នោះ។ គួរបញ្ជាក់ថាពាក្យនេះមានអត្ថន័យជាភាសាអ៊ីតាលីថាភាពរីករាយ។ រហូតដល់អ្នកខ្លះក៏បានធ្វើការសន្និដ្ឋានថាតើនេះអាចជាការជួបជុំបែបក្លែងបន្លំជា «Spy Party» ដែររឺទេ ដែលបានធ្វើអោយប្រព័ន្ធផ្សព្វផ្សាយមួយចំនួនបំផុសគំនិតនេះឡើងយ៉ាងឆាប់រហ័ស។ ប្រព័ន្ធផ្សព្វផ្សាយមួយចំនួនក៏បានប៉ាន់ស្មានថាតើការធ្វើដំណើរតាមទូកនេះអាចជាឱកាសមួយដើម្បីដោះដូរព័ត៌មានដែររឺទេ។ តើភ្នាក់ងារសំងាត់ទាំងនោះកំពុងតាមដានត្រួតពិនិត្យមើលបឹងមួយនោះដែលសម្រាប់មហាសេដ្ឋីរុស្ស៊ីវិនិយោគនៅក្បែរនោះមែនដែររឺទេ ដូចទៅនឹងកាសែតប្រចាំថ្ងៃ Corriere della Sera របស់Milan ចុះផ្សាយកាលពីថ្ងៃព្រហស្បតិ៍?
2. ការវាយប្រហារតំបន់ Belgorod មិនមានផលប៉ះពាល់លើប្រតិបត្តិការពិសេស
យោងតាមសារព័ត៌មាន Tass ចុះផ្សាយថ្ងៃទី១ ខែមិថុនាបានអោយដឹងថា អ្នកនាំពាក្យប្រធានាធិបតីរុស្ស៊ី លោក Dmitry Peskov បាននិយាយថា ការវាយប្រហាររបស់អ៊ុយក្រែន លើតំបន់Belgorod មិនអាចប៉ះពាល់ដល់ដំណើរការនៃប្រតិបត្តិការយោធាពិសេសនោះទេ។ នៅពេលដែលត្រូវបានសួរទាក់ទងពីការឆ្លើយតបរបស់អាជ្ញាធរក្នុងតំបន់ចំពោះការវាយប្រហារទាំងនេះ លោកPeskov បានកត់សម្គាល់ថាពួកគេ"ធ្វើការយ៉ាងសកម្ម និងមិនគិតពីប្រយោជន៍ផ្ទាល់ខ្លួនទេ" ។ លោកបាននិយាយថា៖«ប្រធានាធិបតីរុស្ស៊ីលោកវ្ល៉ាឌីមៀពូទីន បានធ្វើការប្រាស្រ័យទាក់ទងការងារជាមួយពួកគេជាប្រចាំផងដែរ»។ ប៉ុន្តែលោកមិនបានបកស្រាយអោយអោយជាក់លាក់នោះទេ ទាក់ទងនឹងវិធីសាស្រ្តនៃការដោះស្រាយ រឺការជម្លៀសចេញ។ ម្យ៉ាងវិញទៀតលោកថែមទាំងបានបញ្ជាក់ថាអន្តរជាតិពិតជាមានឳកាសបានឃើញទង្វើយង់ឃ្នង់របស់ទីក្រុងគៀវហើយ តែគ្រាន់តែពួកគេមិនបានបង្ហាញការរិះគន់អ្វីទាំងអស់។
3. សភាបានអនុម័តច្បាប់នេះ។ តើអ្នកណាឈ្នះ?
យោងតាមសារព័ត៌មាន The New York Times ចុះផ្សាយថ្ងៃទី១ ខែមិថុនាបានអោយដឹងថា ដោយសភាបានអនុម័តច្បាប់ជំពាក់បំណុលកាលពីយប់មិញ ហើយព្រឹទ្ធសភាទំនងជានឹងគោរពតាម នោះអាចទាញបានការសន្និដ្ឋានមួយចំនួនថា លោកប្រធានាធិបតី Biden គឺជាអ្នកទាំងឈ្នះផង និងចាញ់ផង។ នៅលើមូលដ្ឋានគោលនយោបាយ លោកបានសំរេចការចរចារដ៏ល្អមួយដែលអាចស្វែងរកអាទិភាពដល់គណបក្សប្រជាធិបតេយ្យបាន ប៉ុន្តែផ្ទុយមកវិញលោកក៏ត្រូវចំណាយការដោះដូរមកវិញនូវការបោះបង់ចោលគោលការណ៍បដិសេធក្នុងការចរចាបំណុលអតិបរមាផងដែរដែលលោកធ្លាប់បានអះអាងកន្លងមក។ សម្រាប់អ្នកប្រជាធិបតេយ្យដើម្បីចៀសវាងបទពិសោធន៍បែបនេះម្តងទៀត ពួកគេនឹងត្រូវតែផ្លាស់ប្តូរយុទ្ធសាស្ត្របំណុលអតិបរមានេះនាពេលខាងមុខ។ បើទោះជាប្រទេសនេះមិនមានកម្រិតបំណុលក៏ដោយក៏ភាគីទាំងពីរនឹងត្រូវចរចារថវិកានៅឆ្នាំនេះដែរ។ ហើយច្បាប់ដែលសភាបានអនុម័តកាលពីម្សិលមិញ-គឺផ្អែកលើការសម្រុះសម្រួលដែលចរចាដោយលោកBiden និងលោកKevin McCarthy ដែលជាប្រធានសភានៃសាធារណរដ្ឋ។ វាគឺជាច្បាប់ដែលប្រើសំរាប់ដោះស្រាយរយៈពេលខ្លី ចំណែកគណបក្សសាធារណរដ្ឋក៏អាចមានសិទ្ធិប្រើប្រាស់ការគ្រប់គ្រងរបស់ពួកគេលើសភាដើម្បីព្យាយាមផ្លាស់ប្តូរគោលនយោបាយមួយចំនួនផងដែរ។
