កាលពីថ្ងៃសុក្រ ទី០៨ ខែធ្នូកន្លងទៅនេះ អ្នកលេងនៅលើបណ្តាញសង្គម Tik Tok មួយរូបដែលមានគណនីឈ្មោះថា Yarona ដែលត្រូវជាសមាជិកក្រុមការងារបារមីម្នាក់ផងដែរ បានធ្វើការបង្ហោះឡើងនូវវិដេអូមួយទាក់ទងពីការរ៉េប Diss គ្នារវាងបេក្ខជនជើងខ្លាំង The Rapper Cambodia ពីររូប គឺលោក Zedes និងលោក Yuuhai។ កញ្ញា Yarona បានសរសេរឡើងភ្ជាប់ជាមួយនឹងខេបសិន Catchy Line ថា«Yoo Yoo គេ Diss គ្នាមែនហ្នឹង?» និង Mention លោក Yuuhai និងលោក Zedes ទៅក្នុងនោះផងដែរ។
តើនេះសបញ្ជាក់ថាលោក Zedes និងលោក Yuuhai គឺជាបេក្ខជនដ៏មានសក្តានុពលលេចធ្លោជាងគេបង្អស់ក្នុងចំណោមបេក្ខជនជើងខ្លាំងទាំង៧នាក់ដែលក្រុមការងារបារមីកំពុងសំលឹងមើលឃើញដែររឺទេ? យ៉ាងណាមិញគួរអោយកត់សម្គាល់ផងដែរថា នៅក្នុងវិដេអូរ៉េប Diss គ្នាលេងរបស់អ្នកទាំងពីរនោះ ពិតជាល្អមើល និងធ្វើបានល្អមែនទែន រហូតដល់មានអ្នកខមមែនមួយចំនួនសរសេរឡើងថាកំពុងរង់ចាំមើលគូស៊ីសាច់ហត់ឈាមរវាង Zedes និងYuuhai ផងដែរ។
ចំណែកកាលពីពេលថ្មីៗនេះ ក៏មានបណ្តាទស្សនិកជនកម្មវិធី The Rapper Cambodia ជាច្រើនបានងាកមកចាប់អារម្មណ៍ពីទំនាក់ទំនងស្និទ្ធស្នាល និងភាពស៊ីសង្វាក់គ្នារបស់ពួកគេទាំងពីរនាក់។ ដោយកាលពីថ្ងៃទី១២ ខែធ្នូកន្លងទៅនេះ មានបណ្តាអ្នកគាំទ្រមួយចំនួននៅលើ Tik Tok បានធ្វើការចែករំលែកឡើងសកម្មភាពសម្តែងរបស់ពួកគេនយ៉ាងស្និទ្ធស្នាលនៅលើឆាកតន្រ្តី Hanuman Nights។ តើទស្សនិកជនយល់ឃើញយ៉ាងណាដែរចំពោះទំនាក់ទំនងរបស់ពួកគេទាំងពីរ?
