យេម៉ែនវាយប្រហារកប៉ាល់អ៊ីស្រាអែល និងអង់គ្លេសនៅច្រកសមុទ្រ Bab al-Mandab ហើយកំណត់គោលដៅលើនាវាពិឃាតអាមេរិក USS Carney បន្ទាប់ពីវាបានជ្រៀតជ្រែកជួយសង្គ្រោះកប៉ាល់អ៊ីស្រាអែល និងអង់គ្លេស។ យេម៉ែនបានពង្រីកប្រតិបត្តិការរបស់ខ្លួននៅសមុទ្រក្រហម ដូចគ្នានឹងកងទ័ពអ៊ីស្រាអែលពង្រីកប្រតិបត្តិការរបស់ខ្លួននៅតំបន់ហ្គាហ្សាដែរ នៅខណៈពេល​ដែលមានការ​ព្រមាន​របស់​អាមេរិក​! ជាមួយនឹង​ការ​អំពាវនាវ​កាន់តែ​កើន​ឡើង​ពីខាងក្នុង​​អាមេរិក និង​អ៊ីស្រាអែល​ដើម្បី​ផ្លាស់​ទីប្រជាជនពីតំបន់​ហ្គាហ្សា​ទៅ​អេហ្ស៊ីប តើ​លោក Netanyahu នឹង​ចូល​រួម​ជាមួយ​អាមេរិក​នោះទេដើម្បីទ្រទ្រង់​ការ​រស់រាននៃ​​នយោបាយ​របស់​លោក​?

1. កប៉ាល់​អង់គ្លេស​រង​ការវាយប្រហារ​ដោយមីស៊ីល​នៅ​សមុទ្រ​ក្រហម

យោងតាមសារព័ត៌មាន Euro News ចុះផ្សាយថ្ងៃទី០៣ ខែធ្នូបានអោយដឹងថា មន្ទីរបញ្ចកោណបានធ្វើសេចក្តីប្រកាសមួយខណៈពេលដែលកប៉ាល់របស់អង់គ្លេសត្រូវបានរាយការណ៍ថារងការវាយប្រហារដោយគ្រាប់មីស៊ីលនៅសមុទ្រក្រហមចេញពីឆ្នេរសមុទ្រយេម៉ែន។ សកម្មភាពនៃដ្រូនក៏ត្រូវបានរកឃើញនៅក្នុងតំបន់ដែលបំបែកអាហ្វ្រិកខាងកើតពីឧបទ្វីបអារ៉ាប់នោះផងដែរ។

កាលពីព្រឹកថ្ងៃអាទិត្យ ទីភ្នាក់ងារសន្តិសុខដែនសមុទ្ររបស់ចក្រភពអង់គ្លេស United Kingdom Maritime Trade Operations (UKMTO) បានបង្ហាញថា ខ្លួនបានទទួលរបាយការណ៍មួយទាក់ទងនឹងសកម្មភាពរបស់ដ្រូន “រួមទាំងលទ្ធភាពបង្កការផ្ទុះដ៏មានសក្តានុពលមួយ” នៅជិតច្រកសមុទ្រ Bab el Mandeb មកពីទិសដៅប្រទេសយេម៉ែន។ 

2. យេម៉ែនកំណត់គោលដៅលើនាវាពិឃាតអាមេរិកដោយមីស៊ីល និងដ្រូន

យោងតាមសារព័ត៌មាន Reuters ចុះផ្សាយថ្ងៃទី០៣ ខែធ្នូបានអោយដឹងថា មន្ទីរបញ្ចកោណបាននិយាយកាលពីថ្ងៃអាទិត្យថា ខ្លួនបានដឹងអំពីរបាយការណ៍ទាក់ទងនឹងការវាយប្រហារលើនាវាចម្បាំងអាមេរិក USS Carney និងនាវាពាណិជ្ជកម្មមួយចំនួននៅសមុទ្រក្រហម នេះបើតាមសារព័ត៌មាន Associated Press បានរាយការណ៍។

ប្រភពសន្តិសុខដែនសមុទ្រកាលពីថ្ងៃអាទិត្យបាននិយាយថា នាវាពិឃាតអាមេរិក USS Carney ដែលបានអមដំណើរសង្គ្រោះនាវារងការវាយប្រហារចំនួនពីរគ្រឿងទៀតរបស់អ៊ីស្រាអែល និងអង់គ្លេស ក៏ត្រូវបានវាយប្រហារដោយដ្រូនយ៉ាងហោចណាស់ចំនួនពីរខណៈពេលធ្វើដំណើរនៅលើសមុទ្រក្រហមនោះ។

3. Netanyahu និយាយទៅកាន់ឪពុកវីរបុរសជនស៊ីវិលត្រូវបានសម្លាប់

យោងតាមសារព័ត៌មាន The Time of Israel ចុះផ្សាយថ្ងៃទី03 ខែធ្នូបានអោយដឹងថា នាយករដ្ឋមន្ត្រីលោក Benjamin Netanyahu បាននិយាយកាលពីថ្ងៃអាទិត្យជាមួយលោក Moshe Castleman ដែលជាឪពុករបស់លោក Yuval Castleman ដែលជាជនស៊ីវិលប្រដាប់អាវុធត្រូវបានបាញ់សម្លាប់ដោយទាហានម្នាក់ បន្ទាប់ពីបានព្យាយាមបញ្ឈប់ការវាយប្រហារភេរវកម្មដ៏សាហាវនៅទីក្រុង Jerusalem កាលពីសប្តាហ៍មុន ធ្វើអោយមានប្រតិកម្មជាសាធារណៈយ៉ាងខ្លាំងក្លា។

លោក Netanyahu បាននិយាយថា“លោក Yuval Doron Castleman គឺជាវីរបុរសរបស់អ៊ីស្រាអែល។ លោក Yuval បានធ្វើ​ទង្វើ​ដ៏ក្លាហាន​ជួយ​ជីវិត​មនុស្ស​ជា​ច្រើន ប៉ុន្តែ​ជា​អកុសល​សោកនាដកម្ម​ដ៏​សោកសៅ​បាន​កើត​ឡើង​នៅ​ទីនោះ-បុរស​ដែល​បាន​ជួយ​សង្គ្រោះ​អ្នក​ដទៃ​ត្រូវ​បាន​ស្លាប់ខ្លួន​ឯង។”

គួររំលឹកថាលោក Netanyahu ត្រូវ​បាន​រងការរិះគន់​បន្ទាប់​ពី​លោកបាន​និយាយ​នៅក្នុង​សន្និសីទ​កាសែត​កាល​ពី​ថ្ងៃ​សៅរ៍​ថា “​ជាការពិតជន​ស៊ីវិល​ប្រដាប់​អាវុធ​គឺ​ជា​ច្រើន​ដង​បាន​ជួយ​សង្គ្រោះ​ជីវិត និង​ការពារ​គ្រោះ​មហន្តរាយ​ធំៗ ស្ថានភាពនេះគួរតែបន្ត។