កាលពីថ្ងៃទី១៨ ខែកុម្ភៈកន្លងទៅនេះ ក្រុមហ៊ុនទូរស័ព្ទដៃ Oppo បានរៀបចំកម្មវិធីសម្ពោធជាផ្លូវការទូរស័ព្ទដៃ Oppo Reno8 T Series ដោយមានការចូលរួមពីតារាទូតសុឆន្ទៈល្បីៗនៃប្រទេសកម្ពុជាមួយចំនួនដែលរួមមានលោក ថេណា កញ្ញា រ៉េតស៊ូហ្សាណា និងកញ្ញា ពេជ្រវតីសារាវឌី។ នៅក្នុងកម្មវិធីនោះផងដែរក៏មានការចូលរួមពីសំណាក់អ្នកគាំទ្ររបស់ពួកគេផងដែរ កត់សម្គាល់ឃើញថាមានបណ្តាអ្នកគាំទ្ររបស់លោកថេណាមកពីទំព័រហ្វេសប៊ុកហ្វេនផ្លួវការរបស់លោកដែលមានឈ្មោះថា Tena-Bigdoqqq និងអ្នកគាំទ្ររបស់ MissPichvoteysaravody ដ៏ច្រើនលើសលប់មកពីទំព័រហ្វេសប៊ុក Beauty Pageant Reviewer។ ដោយមានពិធីករលោកជាវណ្ណារិទ្ធ និងកញ្ញាហ៊ីនច័ន្ទនីរ័ត្នដំណើរកម្មវិធីញាំុងបរិយាកាសប្រកបដោយភាពរលូន និងសប្បាយរីករាយ តារាទូតសុឆន្ទៈរបស់យើងទាំងបីរូបបានក្លាយជាពន្លឺរះដ៏អស្ចារ្យដោយកាន់បង្ហាញម៉ូឌែលទូរស័ព្ទដៃយ៉ាងសក្តិសម។ 

ជាពិសេសផងនោះលោកថេណាបានចែកជូននូវភាពសប្បាយរីករាយតាមរយៈការសម្តែងបទចម្រៀងមួយចំនួនដូចជាកង់សាគួរ និងលួចស្នេហ៍ដួងច័ន្ទជាដើម។ យ៉ាងណាមិញផងដែរតារាទូតសុឆន្ទៈរបស់យើងក៏បានចុះហត្ថលេខយ៉ាងស្រស់ស្អាតដល់បណ្តាអ្នកគាំទ្រដែលចូលរួម ព្រមទាំងបានថតរូបភាពរួមគ្នាជាមួយពួកគេថែមទៀតផងធ្វើអោយកម្មវិធីកាន់សម្បូរបែប។ អ្វីដែលគួរកត់សម្គាល់និងជារឿងគួរអោយអស់សំណើចមួយផងដែរ ដោយសារ Miss Grand របស់យើងមានកម្ពស់ខ្ពស់ជាងគេធ្វើអោយសូម្បីតែការថតរូបជាមួយលោកថេណាក៏សាងជាចំណាប់អារម្មណ៍ប្លែកភ្នែកដល់ទស្សនិកជនផងដែរ សូម្បីតែលោកថេណាក៏ខ្លួនឯងក៏នឹកឡើងអស់សំណើចខ្លួនឯងដែរដោយលោកមានកំពស់ចាញ់ Miss Grand យើងទៅទៀត។ រីឯ Page Beauty Pageant វិញក៏បានធ្វើការផ្គូផ្គងលោកថេណា និងកញ្ញាពេជ្រវតីសារ៉ាវឌីជាមួយគ្នា ដោយសារតែពួកគេតំរូវអោយឈរបែររកគ្នានិងបង្ហាញស្ទាយល៍ស្និទ្ធស្នាលនឹងគ្នាដែលញាុំងអោយលោកថេណាអៀនតែម្តង។ ចុះទស្សនិកទាំងអស់គ្នាពេញចិត្ត BA ទាំងបីនៃទូរស័ព្ទ Oppo ដែររឺទេ? Let me know in your comment below!