19fortyfive-

ក្នុងការដែលការឈ្លានពានរបស់រុស្សីត្រូវបានគេរំពឹងថានឹងចាប់ផ្តើមក្នុងពេលណាមួយឥឡូវនេះ កងទ័ពសហរដ្ឋអាមេរិកបានពង្រឹងវត្តមានរបស់ខ្លួននៅអឺរ៉ុប។ មន្ទីរបញ្ចកោណបានពង្រាយកងទ័ពរួចជាស្រេចរាប់ពាន់នាក់នៃចំនួនកងទ័ពដែលដាក់បន្ថែមនៅក្នុងទ្វីប។ ប៉ុន្តែក្នុងការធ្វើអន្តរាគមន៍ជាចុងក្រោយ មន្ទីរបញ្ចកោណ បានបញ្ជូនយន្តហោះទម្លាក់គ្រាប់បែកដែលមានសមត្ថភាពប្រើប្រាស់នុយគ្លេអ៊ែរ B-52 ទៅកាន់អង់គ្លេស។ ទន្ទឹមគ្នានោះដែរ យន្តហោះ F-15 និង F-16 ដែលមានស្រាប់ក្នុងទ្វីបអឺរ៉ុបបានផ្លាស់ប្តូរទីតាំងទៅកាន់អឺរ៉ុបខាងកើតដែលបានឈរជើងនៅជិតកន្លែងដែលមានភាពតានតឹង។

កាលពីថ្ងៃព្រហស្បត៍ យន្តហោះទម្លាក់គ្រាប់បែក B-52 ដែលចេញពីក្រុមទី៥ក្នុងមូលដ្ឋានអាកាស Minot រដ្ឋDakota ខាងជើង បានទៅដល់ប្រទេសអង់គ្លេសដែលជាផ្នែកមួយនៃកាលវិភាគទម្លាក់គ្រាប់បែកប្តូរវេនគ្នា។ យន្តហោះទម្លាក់គ្រាប់បែកយុទ្ធសាស្ត្រនេះ នឹងវើសមយុទ្ធសហអន្តរប្រតិបត្តិការណ៍ជាមួយនឹងកងកម្លាំងអាកាស NATO ខណៈដែលកំពុងត្រៀមខ្លួន បើសិជាទំនាស់នៅអ៊ុយក្រែនហៀរចូលទៅក្នុង ប្រទេសនៃប្រជាជាតិ NATO ។

“ ជាមួយនឹងបរិយាសសន្តិសុខពិភពលោកមានការផ្លាស់ប្តូរ វាមានសារៈសំខាន់ណាស់ ថាការប្រឹងប្រែងរបស់យើងជាមួយសម្ព័ន្ធមិត្តនិងដៃគូរមានការរួបរួមគ្នា។ យើងនៅក្នុងអឺរ៉ុបហ្វឹកហ្វឺននិងប្រតិបត្តិការណ៍រួមគ្នា ពីព្រោះការច្បាច់ចូលគ្នាវាជារបៀបដែលយើងពង្រឹងនៃអំណាចដែនអាកាសរបស់យើង” លោកឧត្តមសេនីយ៍ Jeff Harrigian មេបញ្ជាការនៃកងអាកាសអាមេរិកប្រចាំអឺរ៉ុបនិងអាហ្វ្រិក បាននិយាយនៅក្នុងសន្និសីទកាសែត។

ចាប់តាំងពីឆ្នាំ២០១៨ មន្ទីរបញ្ចកោណបានអនុវត្តិន៍នូវកាប្តូរវេនទម្លាក់គ្រាប់បែកពាសពេញអឺរ៉ុបដើម្បីធានសន្តិសុខអឺរ៉ុបនិងរារាំងរុស្សី។ គំនិតនេះគឺថា នៅក្នុងព្រឹត្តិការណ៍នៃការមានទំនាស់មួយរវាង NATO និងរុស្សី យន្តហោះ B-52 អាចនឹងប្រុងប្រៀបរួចជាស្រចនឹងធ្វើការទំលាក់គ្រាប់បែកបើសិនជាមនការស្នើរសុំ។បន្ថែមលើនេះទៀត មន្ទីរប៉ង់តាហ្គោន បានរើរុះទីតាំងយន្តហោះប្រយុទ្ធពីចក្រភពអង់គ្លេសនិងអាល្លឺម៉ង់មកកាន់ប៉ូឡូញនិងរ៉ូម៉ានី។