ចិនបានខិតចូលទៅជិតប្រទេស អាស៊ាន បន្ទាប់ពីសហរដ្ឋអាមេរិក អង់គ្លេស និងអូស្ត្រាលី បានប្រកាសនូវកិច្ចព្រមព្រៀងសន្តិសុខថ្មីដែលជារចនាបទដើម្បីប្រឆាំងទៅនឹងឥទ្ធិពលរបស់ចិននៅក្នងតំបន់។ Lou Jingsong អគ្គនាយកនៃអគ្គនាយកដ្ឋាននៃក្រសូងការបរទេសចិនផ្នែកកិច្ចការអាស៊ានបានរៀបចំឲ្យមានកិច្ចប្រជុំដាច់ដោយឡែកពីគ្នាជាមួយនឹងឯកអគ្គរដ្ឋទូតមកពីប្រទេស ហ្វីលីពីន ថៃ ម៉ាលេស៊ី និងឥណ្ឌូណេស៊ី នៅក្នុងទីក្រុងប៉េកាំង ក្នុងរយៈពេលប៉ុន្មានថ្ងៃថ្មីៗនេះ ដើម្បីពិភាក្សារពីសម្ព័ន្ធមិត្តថ្មី AUKUS, ក្រសួងបាននិយាយកាលពីថ្ងៃសុក្រ។

អម្លុងពេលនៃកិច្ចប្រជុំ លោក Liu បាននិយាយប្រឆាំងទៅនឹង AUKUS ថាជាការងាររបស់ ក្រុមមនុស្សខូចដែលបង្កើតឲ្យមានការប្រកាន់ពូជសាសន៍និងភូមិសាស្រ្ត។ លោកបាននិយាយប្រាប់អ្នកការទូតថា "ប្រទេសខ្លះបានប្រឆាំងទៅនឹងនិន្នាការពិភពលោកហើយនិងជំហររួមរបស់អន្តរជាតិ ដោយពាក់ព័ន្ធទៅនឹងមុខសញ្ញា,មនោគមន៍វិជ្ជា,និងសម្ព័ន្ធភាពយោធា ដែលធ្វើឲ្យមានស្តង់ដា២ ព្រមទាំងបានធ្វើនូវអ្វីដែលគេចង់បាន នៅលើរឿងការមិនឲ្យមានរីកសាយភាយនូវអាវុធនុយគ្លេអ៊ែរ។ "

"ពាក្យសំដីនិងទង្វើដែលប្រកបដោយពិសពុលនិងមិនគួរទុកចិត្តនេះ មិនត្រឹមតែគាស់រំលើងនូវអនុសញ្ញាតំបន់ដែលគ្មានអាវុធនុយគ្លេអ៊ែរក្នុងអាស៊ីអគ្នេយ៍នោះទេ តែអាចជំរុញឲ្យមានការរត់ប្រណាំងខាងសព្វាវុធក្នុងតំបន់និងបង្កើតឲ្យមានភាពតានតឹងនិងការបែកបាក់។" លោកក៏បាននិយាយឆ្ពោះទៅរក អូស្ត្រាលីថាចូលចិត្តស្វែងរកមិត្តនៅខាងលិចជាជាងខាងកើត។

នៅក្រោមសម្ព័ន្ធភាពថ្មីនេះ ប្រទេសអូស្ត្រាលីអាចនឹងទទួលបាននូវបច្ចេកវិទ្យានាវាមុជទឹកដែលដើរដោយឋាមពលនុយគ្លេអ៊ែរ ពីសហរដ្ឋអាមេរិក ដែលអាចផលិតនាវាមុជទឹកដើម្បីបញ្ជូនទៅសមុទ្ទចិនខាងត្បូង ឬច្រកសមុទ្ទតៃវ៉ាន់ គីជាកាវិវត្តិន៍មួយដែលអ្នកសង្កេតការណ៍មើលឃើញថាជាការពង្រឹងនូវយុទ្ធសាស្ត្ររបស់អាមេរិកក្នុងការហុំព័ទ្ធចិន។

វាជាការកត់សំគាល់មួយផងដែរថាជាការផ្លាស់ប្តូរយុទ្ធសាស្ត្ររបស់ អូស្ត្រាលីដែលបានព្យាយាមជាយូរមកហើយនូវការធ្វើឲ្យមានតុល្យភាពផ្នែកចំណងសន្តិសុខជាមួយអាមេរិកនិងចំណងពាណិជ្ជកម្មជាមួយចិន៕