AMSរឺ Asean Music Showcase Festivalគឺជាកម្មវិធីមួយដែលត្រូវរៀបចំជូនដើម្បីអោយសិល្បករនៅក្នុងអាស៊ីអាគ្នេយ៍អាចផ្សារភ្ជាប់ទំនាក់ទំនងជាមួយអ្នកគាំទ្រអន្តរជាតិ ជាពិសេសមានឳកាសទូលំទូលាយភ្ជាប់ទំនាក់ទំនងការងារសិល្បៈជាមួយបណ្តាក្រុមហ៊ុនអន្តរជាតិ។ កម្មវិធីនេះធ្លាប់រៀបចំធ្វើឡើង២ឆ្នាំរួចមកហើយ ដោយជាការថតទុកការសម្តែងសំរាប់អ្នកសិល្បៈដើម្បីចាក់ផ្សាយអនឡាញ។កាលពីឆ្នាំទៅមិញ លោកវណ្ណដាជាសិល្បករមួយរូបតំណាងអោយប្រទេសកម្ពុជាត្រូវបានអញ្ជើញចូលរួមកម្មវិធីមួយនេះ ហើយលោកក៏បានរៀបចំការសម្តែងថតទុកមួយជាលក្ខណៈShowCaseសំរាប់កម្មវិធី និងបានផ្សាយចេញផងដែរនៅក្នុងឆាណែលយូធូបរបស់លោក។ នៅក្នុងការសម្តែង Showcase មួយនេាះ លោកវណ្ណដាបានធ្វើការសម្តែងនូវបទចំរៀងរបស់លោកចំនួន៦បទរួមមានIfIdie,Catch me if you can, Hotboy, You’re already dead,QueenBee និង Time to Rise ដោយមានការចូលរួមសម្តែងពីភ្ញៀវកិត្តិយស៣រូបផ្សេងទៀតផងដែរគឺលោក Vanthan, Omens Radio និងYCN Rakhie។  

នៅក្នុងឆ្នាំ២០២២ នេះ កម្មវិធីនឹងមានរៀបចំធ្វើឡើងនៅក្នុងថ្ងៃដដែល ទី១០ដល់ទី១១ ខែកញ្ញាខាងមុខនេះ ក៏ប៉ុន្តែមិនមែនជាការថតសម្តែងទុកផ្សាយដូចឆ្នាំទៅមុនៗទេ តែសិល្បករនឹងអញ្ជើញមកសម្តែងផ្ទាល់តែម្តង។ នៅក្នុងAsean Music Show Case Festival ឆ្នាំ២០២២ នេះ នឹងធ្វើឡើងនៅប្រទេសសឹង្ហបុរី នៅក្នុងទឹកដីឧទ្យានវប្បធម៌អាស៊ាន8.5ហិចតា ដែលមានឈ្មេាះថាHawParVilla។ សិល្បករអញ្ជើញចូលរួមនៅក្នុងឆ្នាំនេះផងដែររួមមានមកពីបណ្តាប្រទេសក្នុងអាស៊ីអាគ្នេយ៍ ប្រទេសតៃវ៉ាន់ ហើយនិងប្រទេសឥណ្ឌា។ ចំនែកសំបុត្រចូលរួមទស្សនាមាន Day Ticket តំលៃ$៣៥ Day Ticket (Package) តំលៃ$៦០ និង Day Ticket (Students orseniors)តំលៃ$៤០។ ជាថ្មីម្តងទៀតលោកវណ្ណដាក៏ត្រូវបានអញ្ជើញចូលរួមនៅក្នុងឆ្នាំនេះផងដែរ ដំណឹងមួយនេះកាន់តែធ្វើអោយអ្នកគាំទ្ររបស់លោកពុះកញ្ច្រោលចង់ដឹងការសម្តែងផ្ទាល់របស់លោកនឹងរំភើបបែបណាខ្លះ ហើយនឹងមានភ្ញៀវកិត្តិយសពិសេសណាខ្លះអាចចូលរួមសម្តែងជាមួយលោកដែរ?តេាះទស្សនិកជនទាំងអស់គ្នាធ្វើការខមមែនមួយមកចង់អោយលោកវណ្ណដាសម្តែងជាមួយសិល្បករណាខ្លះ ហើយសម្តែងបទអ្វីខ្លះ? ជួយប្រាប់អេដមីនផង។