ប៉េកាំង៖ ក្រុមហ៊ុន Ant Group របស់ចិនបានបង្កើនដើមទុនចុះបញ្ជីរបស់ខ្លួនដល់៣៥ពាន់លានយ៉ន់ (៥,៤៤ពាន់លានដុល្លារ) ពី ២៣,៨ពាន់លានយ៉ន់។ នេះបើយោងតាមទីភ្នាក់ងារព័ត៌ចិនស៊ិនហួបានចុះផ្សាយនៅថ្ងៃទី ១១ ខែតុលានេះ។
ក្រុមហ៊ុន Ant Group គឺជាបុត្រសម្ព័ន្ធក្រុមហ៊ុនយក្ស Alibaba Group Holding Ltd ដែលមានកំពូលមហាសេដ្ឋីចិន Jack Ma ជាខ្នងបង្អែក បាននិយាយនៅក្នុងសេចក្តីថ្លែងការណ៍មួយនៅថ្ងៃច័ន្ទនេះថា ការង្កើនដើមទុននេះដើម្បីគាំទ្រដល់កំណើននិងយោងតាមបទប្បញ្ញត្តិពាក់ព័ន្ធនឹងតម្រូវការអាជីវកម្ម។
ក្រុមហ៊ុនបាននិងកំពុងធ្វើការកំណែទម្រង់រចនាសម្ព័ន្ធឱ្យស្របតាមបទប្បញ្ញត្តិរបស់រដ្ឋាភិបាលចិនខណៈដែលកន្លងមកក្រុមហ៊ុនមួយនេះត្រូវបានរងសម្ពាធពីនិយតករចិន មិនអនុញ្ញាតឱ្យចូលក្នុងផ្សារហ៊ុនតាមរយៈការចេញផ្សាយមូលបត្រ IPO និងបានជំរុញឱ្យក្រុមហ៊ុន Ant Group បង្កើតជាក្រុមហ៊ុនមួយដូចគ្នាទៅនឹងធនាគារដើម្បីងាយស្រួលរដ្ឋគ្រប់គ្រង់។
កាលពីខែមីនាកន្លងទៅនេះ រដ្ឋាភិបាលចិនបានធ្វើការផ្លាស់ប្ដូរបទប្បញ្ញត្តិក្នុងការគ្រប់គ្រង់ទៅលើក្រុមហ៊ុនបច្ចេកវិទ្យាហិរញ្ញវត្ថុក្នុងស្រុក ដែលនាំឱ្យការដាក់លក់ IPO ក្នុងតម្លៃ ៣៧ពាន់លានលានត្រូវបរាជ័យ។
ការបបង្កើនដើមទុនក្រុមហ៊ុន Ant Group នេះក៏មានបំណងពង្រឹងការត្រួតពិនិត្យបទប្បញ្ញត្តិនិងតម្រូវការដើមទុនផងដែរ។
ក្រុមហ៊ុននេះបាននិយាយថាការកើនឡើង ៤៧ភាគរយនៃដើមទុនចុះបញ្ជីបានមកពី «មូលធននៃទុនបម្រុងដើមទុនរបស់ក្រុមហ៊ុន»៕