លោកស៊ូលីផេងបានធ្វើការបង្ហេាះឡើងនូវរូបភាពផុសស្ទ័រមួយនាថ្ងៃទី១៩ ខែកក្កដាកន្លងទៅនេះនៅលើហ្វេសប៊ុកផេកផ្លូវការរបស់លោកដោយមានរូបលោកឈរនៅខាងមុខផ្ទាំងទស្សនីយភាពមាត់ទន្លេនៅក្នុងរីសតកំពតអមជាមួយនឹងរូបភាពខូរវរអាល់ប៊ុមចំរៀងថ្មីរបស់លោកនៅខាងក្រោមរួមនឹងពាក្យថា Accoustic Performance ជាការផ្សាយដំណឹងអំពីការជិតចូលមកដល់នៃការប្រគុំតន្រ្តី Accoustic ផ្សាយផ្ទាល់នៅក្រុងកំពត មានទីតាំងនៅ «ដំបូង កំពតរីសត» វេលាចាប់ពីម៉ោង៥ល្ងាចដល់ម៉ោង៨យប់នាថ្ងៃទី៣០ ខែកក្កដាខាងមុខនេះដែលកម្មវិធីនេះនាំមកជូនដោយ Smart Axiata។ ភ្ជាប់ជាមួយនឹងគ្នានេះដែរ នៅយប់ម៉ោង៨នាថ្ងៃដដែល លោកនឹងធ្វើការចេញផ្សាយបទចំរៀងថ្មីរបស់លោកដែលមានចំណងជើងថា «ផែនទីស្នេហ៍»ផងដែរ ដែលជាប្រភេទបទចំរៀងភាពយន្តខ្លី បកស្រាយរួមគ្នាដោយលោកស៊ូលីផេង និងKZ។ លោកក៏បានបង្ហើបជាមួយនឹងខេបសិននៅលើអាល់ប៊ុមបទចំរៀងថ្មីរបស់លោកថាមាសមេថាធ្លាប់ចង់បង្កើតគ្រួសារជាមួយគ្នា…?លោកស៊ូលីផេងជាប់តំណែងជាម្ចាស់បទកំសត់ៗក្នុងបេះដូងរបស់អ្នកគាំទ្រ ពេលនេះប្រហែលជាពាំនាំនូវបទកំសត់មកទៀតហើយ។ តេាះរង់ចាំស្តាប់ទាំងអស់គ្នា ជាពិសេសទស្សនិកជនណាបានទៅលេងខេត្តកំពត កុំភ្លេចចូលរួមទស្សនាការប្រគុំតន្រ្តី Accoustic របស់លោកផង! ក្រៅពីនេះដែរបើសិនជាទស្សនិកជនចង់ស្តាប់បទចាស់ៗរបស់លោកដែលចេញផ្សាយមកហើយ អាចចូលទៅស្តាប់នៅក្នុងកម្មវិធីភ្លេងរបស់ស្មាតបានទៀតផង។

អត្ថបទដោយ Vatey