នៅតាមដងផ្លូវនិងមហាវិថីនៃទីក្រុង Berlin ពោរពេញទៅដោយហ្វូងមនុស្សដែលនឹងចូលរួមក្នុងការត់ប្រណាំងម៉ារ៉ាតុងប៉ុន្តែការត់ប្រណាំងដ៏ធំកំពុងតែកើតមាននៅទូទាំងប្រទេសឯណោះវិញទេគឺការបោះឆ្នោតដើម្បីជ្រើសរើសមេដឹកនាំសំរាប់បន្តវេនពីអ្នកស្រី Angela Merkel ដែលបានស្ថិតនៅក្នុងអំណាចអស់រយៈពេល១៦ឆ្នាំ។

នៅក្នុងតំណាក់កាលចុងក្រោយដើម្បីទាក់ទាញយកសន្លឹកឆ្នោតអ្នកស្រីអធិការបតី Merkel ដែលនឹងត្រូវចាកចេញពីតំណែងបានចូលរួមជាមួយនឹងបេក្ខជនអភិរក្សនិយមលោក Arming Larschet នៅក្នុងការជួបជុំមួយកាលពីថ្ងៃសៅរ៍នៅក្នុងស្រុកកំណើតរបស់លោកនាទីក្រុង Aachen ។ ការស្ទាបស្ទង់មតិជាចុងក្រោយបានបង្ហាញថាជ័យជំនះមិនទាន់ប្រាកដថាកំពុងស្ថិតនៅក្នុងកណ្តាប់ដៃពួកគេនៅឡើយទេ។

នៅក្នុងឋានៈជាប្រទេសដែលមានអំណាចសេដ្ឋកិច្ចដ៏ខ្លាំងនៅទ្វីបអឺរ៉ុបនិងមានប្រជាពលរដ្ឋជាង៦០លាននាក់ ពលរដ្ឋអាល្លឺម៉ង់ដែលមានអាយុលើសពី១៨ឆ្នាំមានសិទ្ធក្នុងការចូលរួមបោះឆ្នោត ។ ការចង្អុលបង្ហាញយ៉ាងច្បាស់នឹងលេចចេញមកនៅពេលការបោះឆ្នោតបានបញ្ចប់នៅវេលាម៉ោង១៨ (16:00 GMT)នៅថ្ងៃអាទិត្យ។

ការបោះឆ្នោតដែលមិនអាចទស្សន៍ទាយបាននេះត្រូវបានគេមើលរំលងរហូតដល់អ្នកស្រី Merkel បានហក់ចូលមកជួយក្នុងការឃោសនារកសំលេងឆ្នោតខណៈដែលអាជីពរបស់លោកស្រីក្នុងឋានៈជាមេដឹកនាំកំពូលនៃនយោបាយអាល្លឺម៉ង់នៅសល់តែប៉ុន្មានអាទិត្យទៀតប៉ុណ្ណោះនឹងឈានចូលដល់ទីបញ្ចប់។

“ ប្រាកដណាស់ថា វាជារឿងថាអ្នកណានឹងកាន់អំណាច ?” អ្នកស្រីបានព្រមានម្តងហើយម្តងទៀតនៅក្នុងរយៈពេល៤៨ម៉ោងមុនការបោះឆ្នោត ។សាររបស់អ្នកស្រីគឺថា អាល្លឺម៉ង់ត្រូវការស្ថិរភាពនិងយុវវ័យត្រូវការអនាគតហើយ លោក Armin Laschet គឺជាមនុស្សតែម្នាក់គត់ដែលជាអ្នកផ្តល់ឲ្យ។