កាលពីថ្ងៃទីអាទិត្យទី៥ ខែមីនាកន្លងទៅនេះ ក្រុមហ៊ុនតន្រ្តី Galaxy Navatra បានរៀបចំកម្មវិធីទទួលស្វាគមន៍សមាជិកសិល្បករថ្មីៗរបស់ខ្លួនដែលរួមមានលោកសុវត្ថិ មុនីវណ្ណ លោកខាន់ ជេមស៍ និងកូនស្រីច្បងរបស់លោកកញ្ញា Amie ផងដែរ។ គួរបញ្ជាក់ផងដែរថាកញ្ញា Amie គឺជាម្ចាស់បទចម្រៀង «កុំចង់ត្រូវគ្នា» និងបទ«ដកខ្លួនទៅ» ដ៏មានប្រជាប្រិយភាពដែលទទួលបានចំណាត់ថ្នាក់ Top Trending នៅលើតារាងយូធូបកម្ពុជាអស់រយៈពេលជាច្រើនសប្តាហ៍កន្លងទៅនេះ។ នៅក្នុងព្រឹកថ្ងៃជាមួយគ្នានោះដែរ លោកខាត់ជេមស៍ក៏បានធ្វើការទំលាក់បទចម្រៀងដំបូងរបស់លោកពីក្នុងផលិតកម្មទន្ទឹមនឹងគ្នានោះនៅមុនយប់នៃដំណើរការកម្មវិធីផងដែរ ដែលជាប្រភេទបទរ៉េបចង្វាក់ហ៊ីបហប់មានចំណងជើងថា«ខ្លាចហើយពាក្យហ្នឹង»។
យោងទៅតាមរៀបរាប់របស់លោកខាត់ជេមស៍នៅលើបណ្តាញទំនាក់ទំនងសង្គមហ្វេសប៊ុកបានអោយដឹងថាមកទល់ពេលនេះក្រុមហ៊ុនតន្រ្តី Galaxy Navatra បានបង្កើតបទចម្រៀង Original សុទ្ធសរុបបានជិត៦០០បទហើយ ដែលនេះជាសមិទ្ធផលនៃការចាប់ដៃសាមគ្គីគ្នារវាងតារាចម្រៀងចាស់ថ្មីចំរុះជំនាន់។ លោកខាត់ជេមស៍ក៏បានអរគុណទៅដល់ក្រុមហ៊ុនមួយនេះជាខ្លាំងដែលបានអោយឳកាសកូនស្រីរបស់លោកកញ្ញា Amieបានចាប់ផ្តើមអាជីពតន្រ្តីរបស់នាងជាមួយផលិតកម្មដែរ។ គួររំលឹកផងដែរថាលោកខាត់ជេមស៍បានចាកចេញពីក្រុមហ៊ុនតន្រ្តីចាស់របស់លោកផលិតកម្មសាន់ដេរ និងបានចាប់ផ្តើមក្រុមហ៊ុនតន្រ្តីផ្ទាល់ខ្លួន Khan James Production អស់មួយរយៈពេលមកហើយ។ ការសំរេចចិត្តដើរចូលផលិតកម្មថ្មីខណៈដែលលោកក៏មានផលិតកម្មខ្លួនឯងនេះ ចង់ដឹងថានឹងមានការច្នៃប្រឌិតរួមបញ្ចូលគ្នាអ្វីកាន់តែប្លែក តោះរង់តែតាមដានទាំងអស់គ្នា!
