តុលាការបានសំរេចថាក្រុមហ៊ុនទាំងពីរត្រូវប្រឈមមុខនឹងការស៊ើបអង្កេតលើការអនុវត្តអាជីវកម្មជាក់លាក់។
ក្រុមហ៊ុន Amazon និង Flipkart របស់ Walmart ត្រូវប្រឈមមុខនឹងការស៊ើបអង្កេត ពីបទរំលោភលើសេចក្តីទំនុកចិត្ត នឹងការទុកចិត្ត ដោយតុលាការកំពូលរបស់ប្រទេសឥណ្ឌាបានសំរេចកាលពីថ្ងៃច័ន្ទសប្តាហ៍មុន។ ការប៉ះទង្គិចនេះ គឺប៉ះពាល់ដល់ក្រុមហ៊ុនពាណិជ្ជកម្មអេឡិចត្រូនិកឈានមុខគេ ដែលបានជំរុញឲ្យចៅក្រមបដិសេធការស៊ើបអង្កេត។
គណៈកម្មការប្រកួតប្រជែងនៃប្រទេសឥណ្ឌា (CCI) បានបញ្ជាឲ្យមានការស៊ើបអង្កេតប្រឆាំងនឹងក្រុមហ៊ុនទាំងនេះកាលពីឆ្នាំមុនពីបទ ចោទថា បានគាំទ្រផលិតផលដោយជ្រើសរើសអ្នកលក់នៅលើគេហទំព័រពាណិជ្ជកម្មអេឡិចត្រូនិករបស់ពួកគេ និងប្រើប្រាស់ការអនុវត្តអាជីវកម្មដែលរារាំងការប្រកួតប្រជែងផងដែរ។
ក្រុមហ៊ុនបដិសេធរាល់ការចោទប្រកាន់ហើយបានដាក់បណ្តឹងទៅតុលាការ និងតុលាការកំពូលប្រឆាំងនឹងការស៊ើបអង្កេតដោយនិយាយ ថា CCI មិនមានភស្តុតាងគ្រប់គ្រាន់ក្នុងការចោទប្រកាន់រឿងនេះទេ។
អង្គជំនុំជម្រះតុលាការកំពូលដែលមានចៅក្រមបីរូប ដឹកនាំដោយប្រធានតុលាការកំពូលលោក Justice N V Ramana បាននិយាយថា ក្រុមហ៊ុនដូចជា Amazon និង Flipkart គួរតែស្ម័គ្រចិត្តសម្រាប់ការស៊ើបអង្កេតបែបនេះ។
“យើងរំពឹងថាក្រុមហ៊ុននានាដូចជា Amazon និង Flipkart ដែលជាក្រុមហ៊ុនធំ ពួកគេគួរតែស្ម័គ្រចិត្តដោយតម្លាភាព ដើម្បីធ្វើការស៊ើបអង្កេត។ យើងរំពឹងដូច្នេះ ប៉ុន្តែពួកគេបានច្រានចោលការស៊ើបអង្កេតនេះ” លោក Ramana បានប្រាប់តុលាការ។
“ពួកគេត្រូវតែដាក់ការស្នើសុំ ហើយការស៊ើបអង្កេតនឹងត្រូវបានធ្វើឡើង។”
ក្រុមហ៊ុន Amazon និង Flipkart ដែលជាក្រុមហ៊ុនឈានមុខគេនៅក្នុងទីផ្សារលក់ទំនិញរាយតាមប្រព័ន្ធអ៊ីនធើណិត ត្រូវបានព្យាករណ៍ ថា នឹងមានតម្លៃ ២០០ ពាន់លានដុល្លារនៅត្រឹមឆ្នាំ ២០២៦។
ការសម្រេចចិត្តនេះគឺជាការច្រានចោលដ៏ធំមួយសម្រាប់ក្រុមហ៊ុនទាំងពីរខណៈដែលបណ្តឹងឧទ្ធរណ៍របស់តុលាការកំពូល ត្រូវបានគេមើលឃើញថាជាដំណោះស្រាយផ្លូវច្បាប់ចុងក្រោយដើម្បីរារាំងការដាក់សម្ពាធរបស់ CCI ជាមួយនឹងការស៊ើបអង្កេតនេះ។
ព័ត៌មានអាជីវកម្មដែលមិនអាចបង្ហើបបាន
នៅក្នុងសំណុំរឿងប្រឆាំងការជឿទុកចិត្តនេះ ដែលបានដាក់ដោយក្រុមពាណិជ្ជករ Delhi Vyapar Mahasangh ក្រុមហ៊ុនទាំងពីរប្រឈមនឹងការចោទប្រកាន់ពីបទបើកដំណើរការទូរស័ព្ទផ្តាច់មុខសម្រាប់ការផ្សព្វផ្សាយ ដែលអ្នកលក់ត្រូវបានជ្រើសរើសនៅលើគេហទំព័ររបស់ពួកគេ និងអនុវត្តការបញ្ចុះតម្លៃយ៉ាងខ្លាំងដែលនាំឲ្យមានការប្រកួតប្រជែងខ្ពស់។
ក្រុមហ៊ុន Amazon និង Flipkart ក៏បានស្នើសុំតុលាការកំពូលផ្អាកការស្នើសុំព័ត៌មានថ្មីៗរបស់ CCI ដែលពួកគេត្រូវបានសួរសំណួរចំនួន ៣២ រួមទាំងព័ត៌មានលម្អិតអំពីអ្នកលក់ដាច់បំផុត១០០នាក់និងផលិតផលលក់ដាច់បំផុត។ ក្រុមហ៊ុនអះអាងថាសំណួរបែបនេះទាក់ទងនឹងព័ត៌មានសម្ងាត់របស់អាជីវកម្ម។
លោក Ramana បាននិយាយកាលពីថ្ងៃច័ន្ទសប្តាហ៍មុនថា ក្រុមហ៊ុននឹងមានពេល ៤ សប្តាហ៍ទៀតដើម្បីឆ្លើយសំណួរទាំងនោះ។
នៅខែកុម្ភៈការស៊ើបអង្កេតរបស់ Reuters ដោយផ្អែកលើឯកសាររបស់ក្រុមហ៊ុន Amazon បានបង្ហាញថា ខ្លួនបានផ្តល់ការអនុគ្រោះដល់អ្នកលក់មួយក្រុមតូចអស់ជាច្រើនឆ្នាំ។ CCI បាននិយាយថា Reuters បានបញ្ជាក់ភស្តុតាងដែលខ្លួនបានទទួល ប្រឆាំងនឹងក្រុមហ៊ុន។ ក្រុមហ៊ុន Amazon បានបដិសេធនូវទង្វើចោទប្រកាន់នេះ។
ក្រុមហ៊ុនទាំងនោះក៏កំពុងប្រឈមនឹងការរំពឹងទុកនៃបទបញ្ជាពាណិជ្ជកម្មអេឡិចត្រូនិកនិងការស៊ើបអង្កេតដោយទីភ្នាក់ងារឧក្រិដ្ឋកម្មហិរញ្ញវត្ថុរបស់ប្រទេសចំពោះការចោទប្រកាន់ថាបានរំលោភច្បាប់វិនិយោគបរទេស។
នៅក្នុងការប្រកួតប្រជែងផ្នែកច្បាប់មួយទៀតកាលពីសប្តាហ៍មុន តុលាការកំពូលបានផ្តល់យុត្តិធម៍ដល់ក្រុមហ៊ុន Amazon ដោយរារាំងដៃគូរបស់ខ្លួនគឺ Future Group មិនឲ្យលក់ទ្រព្យសកម្មលក់រាយចំនួន ៣,៤ ពាន់លានដុល្លារ ទៅឲ្យគូប្រជែង Reliance Industries ។
Reuters បានរាយការណ៍ថា ទោះយ៉ាងណា CCI បានចោទប្រកាន់ក្រុមហ៊ុន Amazon ថាបានលាក់បាំងការពិតនៅពេលដែលខ្លួនស្នើសុំឯកសារសម្រាប់កិច្ចព្រមព្រៀងឆ្នាំ ២០១៩ ជាមួយ Future Group ដែលបង្កឲ្យមានជម្លោះផ្នែកច្បាប់។ ក្រុមហ៊ុន Amazon បាននិយាយថាខ្លួនមានទំនុកចិត្តក្នុងការដោះស្រាយបញ្ហាទាំងនោះ៕
អត្ថបទដកស្រង់ពី REUTERS
បកប្រែ និងកែសម្រួលដោយ កញ្ញា សូផាត