អីយ៉ាស់! កាលពីពេលថ្មីៗនេះ ក្រុម La Cima Cartel បានបង្ហោះស្តេធឺសឡើងថា«ថាចេញបទ ថ្មី Surprised តែ Facebook surprised បានមុន»។ ពិតដូចស្តេធឺសបង្ហោះ ព្រោះនៅថ្ងៃបន្ទាប់ពួកគេពិតជាបានទម្លាក់ Poster បទចម្រៀងដែលគ្រោងទុកនឹងចេញផ្សាយពិតមែន។ ដូចអ្វីដែលទស្សនិកជនបានដឹងរួចមកហើយ កាលពីថ្ងៃទី០៥ ខែមីនាកន្លងទៅនេះ បណ្តាញសង្គមហ្វេសប៊ុកបានធ្វើស៊ីអ្នកលេងនៅជុំវិញពិភពលោកដោយធ្វើអោយពួកគេមិនអាចចូលប្រើប្រាស់បានអស់មួយរយៈពេលខ្លី ដូចនេះមានសិល្បករមិនតិចនាក់ទេប្រាកដណាស់ថាបានរងឥទ្ធិពលប៉ះពាល់ពីវា និងបង្ហាញប្រតិកម្មឡើងទាក់ទងនឹងរឿងនេះ។
យ៉ាងណាមិញក្រុម La Cima Cartel ក៏ជាក្រុមសិល្បករដែលមាន High Engagement ជាមួយ Audience របស់ពួកគេផងដែរ បន្ទាប់ពីពួកគេបានចូលរួមក្លាយជា BA របស់ស្រាបៀកម្ពុជា និងបានបង្ហាញសកម្មភាពជារឿយៗទៅកាន់អ្នកគាំទ្ររបស់ពួកគេនៅលើបណ្តាញសង្គម។ បន្ទាប់ពីបាន Tease បទថ្មីរបស់ពួកគេមួយរយៈ នាពេលនេះសមាជិកក្រុមលោក All3RGY និងYCN Rakhie បានសំរេចចិត្តចេញបទចម្រៀងរបស់ពួកគេជាផ្លូវការ ដែលមានចំណងជើងថា«ផ្កាស្លា» រឺហៅថា«She’s the one» នៅក្នុងថ្ងៃទិវាសិទ្ធនារីអន្តរជាតិខាងមុខនេះ។ បទនេះគឺជាបទមួយដែលមានទស្សនិកជនជាច្រើនបានទន្ទឹងរង់ចាំ ខណៈលោក YCN Rakhie និង All3RGY ក៏តែងតែបាន Tease ឡើងជាមួយនឹងការបង្ហោះស្តេធឺសរបស់ពួកគេជារឿយៗដូចជាថា«ភ័យមែនអត់? ភ័យចឹងទាល់តែស្តាប់បទ Sweet លួងចិត្ត»។ ចុះទស្សនិកជន Rate អោយបទនេះប៉ុន្មានដែរ?
