លោក All3rgy នៃក្រុម La Cima Cartel បានធ្វើស៊ីផ្លូវអារម្មណ៍បណ្តាអ្នកគាំទ្រទៀតហើយ! ដោយជាញឹកញាប់រាល់ពេលចេញផ្សាយបទចំរៀងថ្មីៗរបស់លោក លោកទាំងតែងតែបាន Tease ឡើងជាមួយបទថ្មីៗទាំងនោះទៅកាន់អ្នកគាំទ្ររបស់លោកនៅមុនពេលចេញផ្សាយ! ហើយខណៈពេលកាលពីយប់មិញនេះផងដែរ លោក All3rgy ក៏ទើបតែបាន Tease បទចម្រៀងឡើងម្តងទៀត! ដោយលោកបានបង្ហោះឡើងនូវ Teaser Audio ចំរៀងមួយនៅលើ Story Facebook របស់លោក និងអ្វីកាន់តែពិសេស លោក All3rgy ក៏ថែមទាំងបាន Mention លោក NPN ចូលទៅក្នុងបទចម្រៀងថ្មីរបស់លោកនោះផងដែរ! ដែលបង្ហើបអោយដឹងថាលោក NPN នឹងក្លាយជាដៃគូចំរៀងដ៏សក្តិសមនៅក្នុងបទចម្រៀងថ្មីរបស់លោក។
ពេលនេះបណ្តាអ្នកគាំទ្រ មិនបាន Delulu ស្រមើស្រម៉ៃផ្តេសផ្តាសទេ ប៉ុន្តែពិតប្រាកដណាស់អាយដលរបស់ពួកគេទាំងពីរនាក់កំពុងចាប់ដៃគ្នា Collab ច្បាស់ណាស់! តើនឹងមានរសជាតិប្លែកយ៉ាងណាទៅប្រសិនបើសំលេងរ៉េបផ័រទាំងពីររូបនេះ Combine ចូលគ្នា? ម្យ៉ាងវិញទៀតផងដែរ គួរអោយសង្កេតថា នៅលើបទចំរៀងនេះ ត្រូវបានសរសេរឡើងជាមួយនឹងចំណងជើងថា«YSL Master3» ដែលអាចសន្និដ្ឋានថាទាក់ទងទៅនឹងពាក្យកាត់ណាមួយនៃបទចម្រៀងនេះរបស់លោកហើយ។ ហើយមួយវិញទៀតសោត គួរបញ្ជាក់ថា ការបង្ហោះឡើងនេះក៏ត្រូវបានធ្វើឡើងនៅលើ Story Instagram ផងដែរ។ តើទស្សនិកជនបានស្តាប់ បទចម្រៀង Tease នេះហើយរឺនៅ? និងយល់ឃើញយ៉ាងណាដែរទៅលើបទនេះ?
