លើសជាតិស្ករទៀតហើយ! បទរបស់សមាជិក La Cima Cartel មួយស្តាប់មិនក្រោមពី១០០ដងផង ឥលូវជិតថែមមួយបទថ្មីមកទៀតហើយ…ដោយកាលពីម្សិលមិញនេះ សមាជិកក្រុម La Cima Cartel មួយរូបទៀតគឺលោក All3RGY បានប្រកាសនៅលើបណ្តាញសង្គម Tik Tok របស់លោកថាអាចនឹងមានគំរោងចេញបទលើសជាតិស្ករមួយបទទៀតបន្ទាប់ពីបទ«Red Rose» រឺហៅថា«បណ្តូលពេជ្រ» របស់លោក Meezy។
លោក ALL3RGY បានសរសេរឡើងអមជាមួយនឹងវិដេអូនោះថា«Sweet អីតែ Meezy ចាំមើលតែបទនេះចេញវិញណា» ដែលធ្វើអោយមហាជនបានស្តាប់បន្តិចហើយអន្ទះសារចង់ជ្រួតជ្រាបរង់ចាំជាខ្លាំង។ គួរបញ្ជាក់ផងដែរថា កាលពីម្សិលមិញនេះ លោក ALL3RGY បានធ្វើស៊ីផ្លូវអារម្មណ៍អ្នកគាំទ្រជាខ្លាំង ដោយខណៈពេលដែលលោក Meezy បាននឹងកំពុង Live នៅលើហ្វេសប៊ុកផេករបស់លោក ដោយឆ្លើយសំណេះសំណាលលេងទៅនឹងសំណួរអ្នកគាំទ្ររបស់លោក លោក ALL3RGY បានធ្វើជាមកកាត់ចង្វាក់លោក Meezy និងប្រាប់ថានឹងចាក់បទថ្មីរបស់លោកនៅពេលនេះហើយ។
អ្នកទាំងពីរហាក់ដូចជានៅស្ងៀមៗស្តាប់ឡើងទាំង Chill ប៉ុន្តែខណៈចប់ Verse បទនោះភ្លាម លោក Meezy និងលោក ALL3RGY ក៏ប្រញាប់សារ៉េសារ៉ង់គ្នាអោយបិទបទនោះភ្លាមតែម្តង និងនិយាយលេងមកកាន់អ្នកគាំទ្ររបស់ពួកគេវិញថា«ស្តាប់ប៉ិនហ្នឹងបានហើយ» ដោយពួកគេចៀសវាងការ Spoil នូវបទចម្រៀងនោះអស់។ ខណៈនោះផងដែរ ក៏មានអ្នកគាំទ្រជាច្រើនបានសួរនាំពីពេលវេលាចេញផ្សាយនូវបទចម្រៀងមួយនេះ ប៉ុន្តែលោក Meezy បាននិយាយថាមិនទាន់ដឹងនោះទេ មានតែអ្នកគាំទ្រត្រូវ Subscribe Channel La Cima Cartel ហើយ នោះនឹងបានដឹងពេលដែលបទនោះចេញនៅពេលដែលវាចេញ។ ចុះទស្សនិកជនយល់ថាបទចម្រៀងនេះនឹងចេញនៅពេលណាដែរ?
