កាលពីថ្ងៃទី១៣ ខែឧសភាកន្លងទៅនេះ លោក All3rgy សមាជិកនៃក្រុម La Cima Cartel ក៏ដូចជាម្ចាស់បទ«ផ្កាស្លា» ដ៏ល្បីល្បាញ បានធ្វើការទំលាក់នូវបទថ្មីមួយទៀត ដែលជាបទ Cover Remix នៃបទ«7 Years» ដ៏ផ្ទុះកក្រើកកាលពីជាង១០ឆ្នាំមុន។ គួររំលឹកផងដែរថា បទ Original «7 Years» នេះត្រូវបានចេញផ្សាយជាផ្លូវការដំបូងដោយលោក​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ Lukas Graham កាលពីឆ្នាំ២០១៥មកម្ល៉េះ ហើយបទនេះបានធ្វើអោយ Boom ឡើងយ៉ាងផ្ទុះកក្រើកជាមួយនឹងអត្ថន័យ និងបទចម្រៀងដ៏ពិរោះ។ សម្រាប់បទថ្មីពីសំណាក់លោក All3rgy នេះផងដែរ គឺលោកបានធ្វើការ Remix បទចម្រៀងថ្មី ក៏ដូចជាសរសេរប៉ារ៉ូលចម្រៀងខ្មែរឡើងវិញ ធ្វើអោយបង្កើននូវភាពទាក់ទាញមួយកម្រិតទៀតដែលមិនធ្លាប់មានពីមុនមក។ 

គួរអោយចាប់អារម្មណ៍ផងដែរថាលោក​​​ All3rgy ទទួលបានការគាំទ្រយ៉ាងខ្លាំងទៅលើបទចម្រៀងនេះ ថ្វីបើវាត្រឹមជាបទចម្រៀង Cover Remix តែប៉ុណ្ណោះ ដោយបទនេះបានលោតដល់ចំណាត់ថ្នាក់លេខរៀងទី២ប្រចាំសប្តាហ៍នៅលើតារាងយូធូបកម្ពុជាផងដែរ។ តើនេះអាច​​​ប្រហែលមកពី Quality សម្រិតសម្រាំងដ៏ល្អពីសំណាក់លោក All3rgy ដែររឺទេ? រឺម្យ៉ាងទៀតក៏ព្រោះតែលោក All3rgy បានធ្វើអោយបទនេះផ្ទុះកក្រើកឡើងវិញម្តងទៀត? យ៉ាងណាមិញលោក All3rgy ក៏បានបង្ហាញចំណាប់អារម្មណ៍ទៅលើបទចម្រៀងនេះថា ដែលលោកចេញបទដ៏កំសត់លន្លង់លន្លោចនេះទៅក៏ព្រោះតែមិនចង់អោយស្វីតពេក។ ម្យ៉ាងទៀតគួររំលឹកផងដែរថានាពេលនេះ លោក All3rgy បានក្លាយទៅជា Brand Ambassador របស់ Grab ជាផ្លូវការហើយ។