ទីបំផុតកូនប្រុសដាយណូស័រតូចរ​​​បស់លោកជីដេវីត និងអ្នកនាងទេពបូព្រឹក្សបានប្រសូតហើយនៅថ្ងៃទី១៦ ខែកុម្ភៈកន្លងទៅនេះ ដោយលោកជីដេវីតបានធ្វើការបង្ហោះផ្ទាល់នៅលើបណ្តាញសង្គមហ្វេសប៊ុករបស់លោកជាមួយនូវកំរងរូបភាពគ្រួសារស្វីតៗមួយចំនួនក្រោយការសំរាលកូនរបស់អ្នកនាងទេពបូព្រឹក្ស។ គួរបញ្ជាក់ផងដែរយោងទៅតាមការបង្ហោះរបស់លោកជីដេវីតបានអោយដឹងថាកូនប្រុសច្បងដំបូងរបស់ពួកគេទាំងពីរនាក់មានឈ្មោះថា «ទេព បញ្ចវរាប» ដែលហៅក្រៅថា​​​ Albert។ 

ចំណែកឯដំណឹងរំភើបរីករាយមួយទៀតគឺទាក់ទងនឹងថ្ងៃចេញផ្សាយ M/V បទចម្រៀង«Goddess» របស់អ្នកនាងទេពបូព្រឹក្សដែលគ្រប់គ្នាទន្ទឹងរង់ចាំមើលកន្លងមកដោយតាមពិតទៅត្រូវបានធ្វើឡើងបន្ទាប់ពីពេលសំរាលទេព បញ្ចវរាបសោះ ព្រោះអ្នកនាងទេពបូព្រឹក្សក៏បានបញ្ជាក់ថានឹងធ្វើការទំលាក់បទចម្រៀងថ្មីនេះនៅក្នុងថ្ងៃស្អែកទី១៧ ខែកុម្ភៈនេះនៅម៉ោង៧យប់ផងដែរ។ 

យ៉ាងណាមិញផងដែរកត់សម្គាល់ឃើញថាមានសិល្បករនៃប្រទេសកម្ពុជាជាច្រើនរូបបានចូលមកបញ្ចេញមតិនៅក្រោមការបង្ហោះរបស់លោកជាមួយនឹងការទទួលស្វាគមន៍យ៉ាងកក់ក្តៅនៃការចាប់កំណើតរបស់ទេព បញ្ចវរាប មានដូចជាអ្នកនាងផន សុផារី លោកJah Deth លោកEno កញ្ញារឿនណាត លោកហេងវិសាល លោកChris Dyna លោកSopheak Chheng និងអ្នកនាងខាត់សុឃីមជាដើម។ តើទស្សនិកជនទាំងអស់គ្នាមានពាក្យជូនពរអ្វីខ្លះទៅកាន់សមាជិកថ្មីនៃក្រុមគ្រួសារដាយណូស័ររបស់អាយដលជីដេវីត? Let me know in your comment below!