ប៉ុន្មានឆ្នាំក្រោយមកនេះ AirPods បានទទួលបានការគាំទ្រយ៉ាងខ្លាំងពីក្រុមហ៊ុន។ អតិថិជនតម្រង់ជួរនៅខាងក្រៅហាង Apple នៅថ្ងៃបើកដំណើរការ AirPods ដូចដែលពួកគេធ្វើសម្រាប់ទូរស័ព្ទ iPhone ថ្មីៗដែរ។ អ្នកលេង NBA បានចាប់ផ្តើមពាក់វាមុនពេលការប្រកួត ហើយកីឡាករជិះស្គីលើទឹកកក Jagger Eaton បានពាក់ក្នុងព្រឹត្តិការណ៍អូឡាំពិកនៅទីក្រុងតូក្យូនៅរដូវក្តៅនេះ (គាត់ទទួលបានមេដាយសំរឹទ្ធ)។ មានប្រដាប់ការពារ AirPod ដែលមានពាក់ជាប់នឹងត្រចៀក និងស្រោមរចនាថ្លៃៗពី Prada, Louis Vuitton និង Coach ។ ហើយ AirPods អាចត្រូវបានរកឃើញនៅគ្រប់ទីកន្លែង៖ នៅហាង Starbucks ព្រលានយន្តហោះ និងថ្មីៗជាងនេះ តាមការទាក់ទងតាម Zoom និង WebEx កំឡុងពេលមានជំងឺរាតត្បាត។
ដូច្នេះប្រហែលជាមិនគួរឲ្យភ្ញាក់ផ្អើលទេ នៅក្នុងព្រឹត្តិការណ៍ផលិតផលដែលមានការធ្លាក់ចុះរបស់ក្រុមហ៊ុន Apple កាលពីថ្ងៃច័ន្ទនេះ ដែលត្រូវបានគេលើកយកមកនិយាយយ៉ាងទូលំទូលាយថា ជាព្រឹត្តិការណ៍ MacBook ហើយ AirPods បានលួចយកកម្មវិធីនេះ ព្រោះមានការគាំទ្រច្រើនជាង។
ជាលើកដំបូង ក្នុងរយៈពេលពីរឆ្នាំ Apple បានរចនាខ្សែ AirPods ។ AirPods ជំនាន់ទី ៣ តម្លៃ ១៧៩ ដុល្លារ បានសន្យាថា មានសម្លេងក្នុងលំហ គុណភាពសំឡេងល្អជាងមុន ថ្មកាន់បានយូរ ការរចនារង្វង់ថ្មី និងសំឡេងអាចផ្លាស់ប្ដូរបានតាមអ្វីដែលកំពុងស្តាប់ ដែលជាមុខងារមាននៅលើខ្សែ AirPods Pro កម្រិតខ្ពស់របស់ Apple ។ ពួកវាក៏មានមកជាមួយដើមខ្លីជាងមុន និងគ្មានគន្លឹះប្លាស្ទិចដែលធ្លាប់មានដូចផលិតផលពីមុនៗនោះទេ ការកែប្រែបន្តិចបន្តួចទាំងនេះ បានបង្ហាញថា ការរចនាកាសប្រភេទនេះ នៅតែបន្តមានការផ្លាស់ប្តូរ។
អ្វីដែលសំខាន់ទៀតនោះ គឺក្រុមហ៊ុន Apple ក៏បានកាត់បន្ថយតម្លៃកាស AirPods ជំនាន់ទី ២ មកត្រឹម ១២៩ ដុល្លារ ដែលអាចជួយឱ្យក្រុមហ៊ុនទាក់ទាញអតិថិជនកាន់តែច្រើន និងប្រកួតប្រជែងជាមួយផលិតផលដែលមានចំនួនកើនឡើងពីក្រុមហ៊ុន Amazon, Google និង Samsung ។
លោក Dan Ives អ្នកវិភាគនៅ Wedbush បាននិយាយថា AirPods អាចតំណាងឱ្យប្រហែល ៥% នៃប្រាក់ចំណូលសរុបរបស់ Apple នៅឆ្នាំនេះ ហើយគាត់បានព្យាករណ៍ថា វាទំនងជានឹងកើនឡើងដល់ ២០% នៅឆ្នាំ ២០២២ ដោយសារវាជាម៉ូដែលថ្មី និងមានតម្លៃថោកជាង AirPods ជំនាន់ទី ២។ គាត់ក៏បានប៉ាន់ស្មានទៀតថា Apple នឹងលក់បាន ១០០ លានគ្រឿងនៅឆ្នាំក្រោយ។
លោក Ives បានប្រាប់ CNN Business ថា “ក្រុមហ៊ុនបានប្រែក្លាយផលិតផលនេះ ទៅជាអាជីវកម្មប្រចាំឆ្នាំ ដែលចំណូលបានចំនួន ២០ ពាន់លានដុល្លារ ដែលជាចំណែកដ៏សំខាន់របស់ក្រុមហ៊ុន Apple” ។
ក្រុមហ៊ុន Apple មិនបានបំបែកតួលេខការលក់សម្រាប់កាសទេ ប៉ុន្តែ AirPods និង Apple Watch ជាផលិតផល Hardware ថ្មី ដែលទទួលបានជោគជ័យបំផុត ក្នុងការកាន់តំណែងរបស់លោក Tim Cook ជានាយកប្រតិបត្តិ គឺជាកូនសោរដ៏សំខាន់ក្នុងផ្នែក Wearables, Home and Accessories របស់ក្រុមហ៊ុន ហើយឥឡូវនេះ បានរួមគ្នានាំមកនូវប្រាក់ចំណូលច្រើនជាងផ្នែក Mac ជាច្រើនត្រីមាសមកហើយ ។
ដូចផលិតផល Apple ជាច្រើនដែរ ពួកវាមានភ្ជាប់មកជាមួយនូវការរៀបចំតិចតួច ដែលមានការប្រើប្រាស់យ៉ាងងាយស្រួល ក្នុងការភ្ជាប់ជាមួយឧបករណ៍ផ្សេងទៀតរបស់ Apple ហើយត្រូវបានរចនាឡើងមកបានយ៉ាងល្អ។ ក្រុមហ៊ុន Apple ក៏បានដកកាស Jack ៣.៥ អ៊ីញ ចេញពីទូរស័ព្ទ iPhone 7 របស់ខ្លួន នៅឆ្នាំ ២០១៦ គឺជាការផ្លាស់ប្តូរដ៏ចម្រូងចម្រាសដែលធ្វើឱ្យអតិថិជនមួយចំនួនខឹងសម្បារជាខ្លាំង ប៉ុន្តែក្រោយមក ក៏ធ្វើឲ្យអតិថិជនមួយចំនួនបែរមករកកាសស្តាប់ត្រចៀក និងកាសឥតខ្សែវិញ។
តាមរយៈការបញ្ចុះតម្លៃកម្រិតដំបូងសម្រាប់ AirPods ក្រុមហ៊ុន Apple បានភ្នាល់ជាថ្មីម្តងទៀតលើយុទ្ធសាស្ត្រឈ្នះឈ្នះ ដែលខ្លួនបានប្រើសម្រាប់ផលិតផលដូចជា iPhone និង Apple Watch ដែលជារឿយៗបានប្រកាសពីម៉ូដែលនីមួយៗថា ជាផលិតផលល្អ ឬល្អជាមុន ឬល្អបំផុត។ បន្ថែមពីលើ AirPods 2 និង AirPods 3 តម្លៃពិសេសសម្រាប់ AirPods Pro មានតម្លៃ ២៥៩ ដុល្លារ ហើយកាសស្តាប់ត្រចៀករបស់ Apple ឈ្មោះ AirPods Max លក់ក្នុងតម្លៃ ៥៥០ ដុល្លារ។ ការផ្តល់ជូននេះ មិនត្រឹមតែលើកទឹកចិត្តដល់អតិថិជនឲ្យមានការទិញផលិតផល Apple កាន់តែច្រើននោះទេ ប៉ុន្តែធ្វើឱ្យពួកគេចូលទៅក្នុងឧបករណ៍ និងកម្មវិធីបែបលក្ខណៈប្រព័ន្ធ ecosystem របស់ខ្លួន នេះបើយោងតាមលោក Ramon Llamas នាយកនៅក្រុមហ៊ុនស្រាវជ្រាវទីផ្សារ IDC ៕
អត្តបទដកស្រង់ពី Samantha Murphy Kelly
បកប្រែនិងកែសម្រួលដោយ លោក គីមម៉េង