Adele បានប្រកាសជាផ្លូវការនូវអាល់ប៊ុមថ្មីរបស់នាងដែលមានចំណងជើងថា “៣០” ។ តារាអាយុ ៣៣ ឆ្នាំរូបនេះ បានបញ្ជាក់ពីកំណត់ត្រាទី ៤ របស់ខ្លួន នឹងត្រូវចេញផ្សាយនៅថ្ងៃទី ១៩ ខែវិច្ឆិកា ឆ្នាំ២០២១នេះ ដែលមានការរំពឹងទុកយ៉ាងខ្លាំងចំពោះការតាមដានពីអាល់ប៊ុមចាស់ '២៥' របស់នាង ក្នុងឆ្នាំ ២០១៥ ហើយនាងបានពណ៌នាពីការសន្ទនា LP (LP គឺជាការសន្ទនាដែលពន្យល់កូនប្រុសអាយុ ៩ ឆ្នាំ អេនជេឡូ អំពីស្ថានភាពក្នុងគ្រួសាររបស់នាង) ដូចទៅនឹង “ពេលដែលមានភាពច្របូកច្របល់បំផុត” ជីវិតរបស់នាង។
នៅក្នុងសេចក្តីថ្លែងការណ៍វែងមួយ ដែលបានចែករំលែកនៅលើបណ្តាញសង្គម នាងបាននិយាយថា “ខ្ញុំមិនបានទៅជិតកន្លែងដែលខ្ញុំបានសង្ឃឹមនោះទេ មិនដូចកាលដែលខ្ញុំចាប់ផ្តើមដំបូងកាលពីជិត ៣ ឆ្នាំមុន ដែលមានការខុសគ្នាឆ្ងាយ។
“ហើយនៅទីកន្លែងនោះ ជាកន្លែងដែលខ្ញុំបានបោះបង់ខ្លួនឯងចោលចូលទៅក្នុងរណ្តៅនៃភាពរញ៉េរញ៉ៃ និងភាពច្របូកច្របល់ខាងផ្លូវចិត្ត ដោយការស្ម័គ្រចិត្តរបស់ខ្ញុំផ្ទាល់! “ខ្ញុំបានរកឃើញនូវចិត្តគំនិតដែលមានប្រយោជន៍ ហើយខ្ញុំមានអារម្មណ៍ថា ទីបំផុតខ្ញុំបានរកឃើញអារម្មណ៍ពិតរបស់ខ្ញុំម្តងទៀត។ ខ្ញុំមិនដែលមានអារម្មណ៍ថាមានក្តីសុខជាងនេះនៅក្នុងជីវិតខ្ញុំទេ។ "ហើយដូច្នេះ ខ្ញុំត្រៀមខ្លួនរួចរាល់ហើយដើម្បីដាក់ចេញនូវអាល់ប៊ុមនេះ" ។
Adele បានដាក់ពាក្យលែងលះលោក Simon Konecki ក្នុងឆ្នាំ២០១៩ ដោយបានបែកគ្នាអស់រយៈពេលជាយូរមកហើយ បន្ទាប់ពីអាពាហ៍ពិពាហ៍របស់ពួកគេកាលពីឆ្នាំមុន មុនពេលដែលឪពុករបស់នាងឈ្មោះ Mark Evans បាត់បង់ការប្រយុទ្ធប្រឆាំងនឹងជំងឺមហារីកកាលពីដើមឆ្នាំនេះ ដែលបានបង្ហាញថា អាល់ប៊ុមនេះ ពិតជាមានន័យយ៉ាងខ្លាំងចំពោះនាង។
នាងបានបន្ថែមថា "នៅពេលដែលខ្ញុំកំពុងសរសេរបទចម្រៀង វាគឺជាមិត្តរបស់ខ្ញុំ ដែលមកជាមួយដបស្រាដើម្បីលើកទឹកចិត្តខ្ញុំ។ មិត្តដ៏ឈ្លាសវៃរបស់ខ្ញុំដែលតែងតែផ្តល់ដំបូន្មានល្អបំផុត" ។ នាងបានបន្តទៀតថា៖“ ហើយមិត្តម្នាក់នោះតែងតែនៅជាមួយខ្ញុំ ទោះបីជាខ្ញុំឈប់ទាក់ទងជាមួយវានៅពេលដែលខ្ញុំមានទុក្ខព្រួយក៏ដោយ។
"ខ្ញុំបានសង់ផ្ទះ និងព្យាបាលបេះដូងរបស់ខ្ញុំឡើងវិញយ៉ាងយកចិត្តទុកដាក់ តាំងពីពេលនោះមក ហើយអាល់ប៊ុមនេះនឹងបានបកស្រាយពីវា"។
"ផ្ទះនៅទីណា បេះដូងរបស់អ្នកនៅទីនោះ"៕
អត្តបទដកស្រង់ពី Bang Showbiz
បកប្រែនិងកែសម្រួលដោយ លោក គីមម៉េង
