លោក Abu Ubaida បានកំណត់លក្ខខណ្ឌ ចំណែកអ៊ីស្រាអែលបានទទួលនិងទាមទារបទឈប់បាញ់! ក្រុមហាម៉ាស់បដិសេធសំណើបទឈប់បាញ់ជាបណ្តោះអាសន្នរបស់អ៊ីស្រាអែល លុះត្រាណាតែមានបទឈប់បាញ់! ខណៈនេះកងទ័ពអ៊ីស្រាអែលកំពុងជាប់គាំងនៅក្នុងតំបន់ហ្គាហ្សា រីឯយេម៉ែនបានវាយប្រហារលើកប៉ាល់ន័រវេសដែលធ្វើដំណើរឆ្ពោះទៅកាន់អ៊ីស្រាអែលខណៈពេលកំពុងបាត់បង់ការរារាំងរបស់អាមេរិកចំពោះយេម៉ែន។ រីឯនៅអឺរ៉ុបវិញកំពុងរងផលប៉ះពាល់ពីការអស់អាវុធដើម្បីការពារខ្លួនប្រឆាំងនឹងលោកពូទីន! យោងតាមរបាយការណ៍របស់អាមេរិក សមត្ថភាពការពារខ្លួនរបស់ក្រុមហាម៉ាសបានកាន់តែខ្លាំងជាងអាល្លឺម៉ង់ និងអង់គ្លេសទៅទៀត! តើអាមេរិកនឹងបញ្ចប់សង្គ្រាមនៅហ្គាហ្សាទេ? ឬមួយប្រថុយដោយអោយអេហ្ស៊ីបចូលរួមក្នុងសង្រ្គាម និងអឺរ៉ុបធ្លាក់ក្នុងកណ្តាប់ដៃរុស្ស៊ី?
-
អ៊ីស្រាអែលចុះញ៉មចំពោះលក្ខខណ្ឌរបស់ Abu Ubaida
យោងតាមសារព័ត៌មាន aljazeeramubasher ចុះផ្សាយថ្ងៃទី១២ ខែធ្នូបានអោយដឹងថា ទូរទស្សន៍ឯកជនអ៊ីស្រាអែលប៉ុស្តិ៍លេខ១២ បាននិយាយថា អាជ្ញាធរអ៊ីស្រាអែលបានត្រៀមខ្លួនរួចជាស្រេចក្នុងការទំនាក់ទំនងដោះលែងអ្នកជាប់ឃុំឃាំងដែលនៅសេសសល់នៅក្នុងតំបន់ហ្គាហ្សាស្ទ្រីប។
គួររំលឹកថាអ៊ីស្រាអែលបានបន្តឡើងវិញនូវសង្គ្រាមបំផ្លិចបំផ្លាញរបស់ខ្លួនលើតំបន់ហ្គាហ្សាស្ទ្រីបកាលពីព្រឹកថ្ងៃសុក្រ ទី១ ខែធ្នូដោយបញ្ចប់បទឈប់បាញ់មនុស្សធម៌រយៈពេលមួយសប្តាហ៍ជាមួយនឹងចលនាតស៊ូអ៊ីស្លាម"ហាម៉ាស" ដោយមានការចូលរួមសម្រុះសម្រួលដោយប្រទេសកាតា - អេហ្ស៊ីប និងអាមេរិក។
អ៊ីស្រាអែលបានទាមទារឱ្យចលនាហាម៉ាសដោះលែងស្ត្រីដែលខ្លួនអះអាងថាជាជនស៊ីវិល ប៉ុន្តែក៏ត្រូវបានចលនាមួយនេះច្រានចោល។ ពួកគេបានបញ្ជាក់ថា អ្នកទាំងនោះគឺជាទាហាន និងត្រូវបានចាប់ខ្លួនក្នុងឯកសណ្ឋានយោធា ហើយបានចាត់ទុកថានេះគឺជាការរំលោភលើលក្ខខណ្ឌនៃកិច្ចព្រមព្រៀងបទឈប់បាញ់។ ពួកគេបានបញ្ជាក់ថាការចរចាលើការដោះលែងទាហាននឹងត្រូវបានធ្វើឡើងនៅដំណាក់កាលបន្ទាប់វិញ។
ក្រុមហាម៉ាស់បានបដិសេធឡើងវិញចំពោះការចរចា រឺការដោះដូរអ្នកជាប់ឃុំឃាំងជាមួយនឹងកងកម្លាំងអ៊ីស្រាអែល រហូតដល់ទាល់តែការឈ្លានពានលើតំបន់ហ្គាហ្សាស្ទ្រីបត្រូវបានបញ្ឈប់។
-
យេម៉ែនវាយប្រហារកប៉ាល់ន័រវេស
យោងតាមសារព័ត៌មាន The Times of Israel ចុះផ្សាយថ្ងៃទី១២ ខែធ្នូបានអោយដឹងថា អាជ្ញាធរអ៊ីស្រាអែលបាននិយាយកាលពីថ្ងៃអង្គារថា កាំជ្រួចមីស៊ីលដែលបាញ់ដោយក្រុមឧទ្ទាម Houthi របស់ប្រទេសយេម៉ែន បានវាយប្រហារលើកប៉ាល់ដឹកប្រេងដែលមានទង់ជាតិន័រវេស Strinda នៅលើសមុទ្រក្រហមចេញពីឆ្នេរសមុទ្រនៃប្រទេសយេម៉ែននៅជិតចំណុចច្រកសមុទ្រដ៏សំខាន់មួយ។
ប្រភពបានអោយដឹងថា នាវាដឹកប្រេងនឹងត្រូវកំណត់គោលដៅចុះចតនៅក្នុងកំពង់ផែ Ashdod នៅដើមខែក្រោយនេះ។
អ្នកនាំពាក្យយោធា Houthi លោកឧត្តមសេនីយ Yahya Saree បានចេញសេចក្តីថ្លែងការណ៍ជាវីដេអូមួយថា ក្រុមឧទ្ទាមបានបាញ់ទៅលើកប៉ាល់ដែល"បដិសេធការហៅព្រមានរបស់ ពួកគេតែប៉ុណ្ណោះ"។
លោក Saree បាននិយាយថា "កងកម្លាំងជើងទឹកនៃកងកម្លាំងប្រដាប់អាវុធយេម៉ែនបានធ្វើប្រតិបត្តិការយោធាប្រឆាំងនឹងកប៉ាល់ន័រវេស Strinda ដែលដឹកជញ្ជូនប្រេង" ។
នាយកប្រតិបត្តិនៃក្រុមហ៊ុន Strinda លោក Geir Belsnes បាននិយាយថា កប៉ាល់ Strinda បានដឹកជញ្ជូនប្រេងដូងចេញមកពីប្រទេសម៉ាឡេស៊ី ហើយបានឆ្ពោះទៅកាន់ប្រឡាយ Suez និងបន្ទាប់មកបន្តទៅកាន់ប្រទេសអ៊ីតាលី។ ប៉ុន្តែលោក Saree បានចោទប្រកាន់ថាកប៉ាល់នេះធ្វើដំណើរឆ្ពោះទៅកាន់អ៊ីស្រាអែលទៅវិញ។
-
អឺរ៉ុបធ្លាក់ក្នុងកណ្តាប់ដៃពូទីន
យោងតាមសារព័ត៌មាន The Wall Street Journal ចុះផ្សាយថ្ងៃទី១១ ខែធ្នូបានអោយដឹងថា ក្នុងរយៈពេលជាច្រើនទសវត្សរ៍ចាប់តាំងពីការបញ្ចប់នៃសង្គ្រាមត្រជាក់ កងទ័ពអឺរ៉ុបដែលទន់ខ្សោយត្រូវបានទប់ទល់ដោយរដ្ឋាភិបាលនៅទូទាំងលោកខាងលិច ដោយសារតែមានការចូលរួមពីអាមេរិកលើផ្នែកយោធា ដែលបានគាំទ្រដល់អង្គការណាតូ និងគោលនយោបាយការពារនៅអឺរ៉ុប។ អាមេរិកបានមានចំណែកជិត ៧០% នៃការចំណាយសរុបលើវិស័យការពារជាតិរបស់អង្គការណាតូកាលពីឆ្នាំមុន។
វាធ្វើអោយមិនអាចមានគ្រោះថ្នាក់ផ្នែកយោធាភ្លាមៗសម្រាប់អឺរ៉ុបពីរុស្ស៊ីនោះទេ ហើយមេដឹកនាំយោធា និងអ្នកនយោបាយលោកខាងលិចបានគិតថា រុស្ស៊ីនឹងមានសមត្ថភាពយោធាចុះខ្សោយដោយការធ្វើសង្គ្រាមបំផ្លិចបំផ្លាញរបស់ខ្លួននៅអ៊ុយក្រែន។ ប៉ុន្តែប្រសិនបើរុស្ស៊ីឈ្នះនៅអ៊ុយក្រែនវិញនោះ ទីក្រុងម៉ូស្គូអាចនឹងស្តារឡើងវិញទាំងស្រុងក្នុងរយៈពេលត្រឹមតែបីទៅបួនឆ្នាំប៉ុណ្ណោះ ហើយនឹងអាចបង្កគ្រោះថ្នាក់ដល់កន្លែងផ្សេងៗទៀត។
ចំណែកអាមេរិកវិញប្រហែលជាត្រូវផ្តាច់ខ្លួន និងកាត់បន្ថយការចូលរួមនៅក្នុងបញ្ហាសកលលោករបស់ខ្លួន ព្រោះពួកគេលែងមានសមត្ថភាពធ្វើដូច្នេះហើយនៅក្នុងពិភពលោកដែលមានមហាអំណាចផ្តាច់ការពហុប៉ូលជាច្រើន។
