ខ្ញុំបាទ ជាម ប៉េអា អ្នកតំណាងរាស្ត្រមណ្ឌលខេត្តព្រៃវែង និងជាសមាជិកគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃរដ្ឋសភា ពិតជាមានក្តីសោកស្តាយយ៉ាងក្រៃលែងជាទីបំផុត ដោយទទួលបានដំណឹង មហាឧបាសិកាពុទ្ធសាសនូបត្ថម្ភក៍ ម៉ែន សាអ៊ុន ត្រូវជាម្តាយរបស់ ឯក ឧត្តមបណ្ឌិតសភាចារ្យ បានទទួលមរណភាព នៅថ្ងៃចន្ទ ៥កើត ខែពិសាខ ឆ្នាំថោះ បញ្ចស័ក ព.ស. ២៥៦៦ ត្រូវនឹងថ្ងៃទី២៤ ខែមេសា ឆ្នាំ២០២៣ វេលាម៉ោង១៨:៥៥ នាទី ក្នុង ព្រះជន្មាយុ៨៦ឆ្នាំ ដោយជរាពាធ ។ មរណភាពរបស់ មហាឧបាសិកាពុទ្ធសាសនូបត្ថម្ភក៍ ម៉ន សាអ៊ុន គឺជាការបាត់បង់នូវម្ដាយ ជីដូន និងសាច់ញាតិជាទីស្រលាញ់បំផុតដែលមានព្រហ្មវិហារធម៌សព្វគ្រប់បែបយ៉ាង និងបានលះបង់បូជាកម្លាំង កាយ កម្លាំងចិត្ត ក្នុងការបីបាច់ថែរក្សា អប់រំណែនាំ និងផ្តល់នូវដំបូន្មានល្អៗ ឱ្យមានការរួមរស់ក្នុងសង្គម ប្រកបដោយ គន្លងធម៌ គុណធម៌ និងសច្ចៈធម៌ឱ្យខិតខំធ្វើតែអំពើល្អ និងកសាងនូវកុសលផលបុណ្យនានា ដើម្បីការរីកចម្រើន និងសុខដុមរមនាក្នុងសង្គម ។ ក្នុងឱកាសប្រកបដោយសមានទុក្ខដ៏ក្រៀមក្រំនេះ ខ្ញុំបាទ សូមចូលរួមចែករំលែកនូវមរណទុក្ខជាមួយ ឯក ឧត្តមបណ្ឌិតសភាចារ្យ ព្រមទាំងក្រុមគ្រួសារ ដោយក្តីសង្វេគជាទីបំផុត។ ជាមួយសមានទុក្ខដ៏សែនវិយោគសោកសៅក្រៃកន្លងនេះ ខ្ញុំបាទ សូមឧទ្ទិសបួងសួង អធិស្ឋាន ដល់ដួង វិញ្ញាណក្ខន្ធរបស់ មហាឧបាសិកាពុទ្ធសាសនូបត្ថម្ភក៍ ម៉ន សាប៊ុន សូមឆាប់បានបដិសន្ធិ និងសោយ សុខក្នុងសុគតិភពកុំបីឃ្លៀងឃ្លាតឡើយ។ សូម ឯកឧត្តមបណ្ឌិតសភាចារ្យ ព្រមទាំងក្រុមគ្រួសារ មេត្តាទទួលនូវការរំលែកទុក្ខដ៏ក្រៀមកំ បំផុតអំពីខ្ញុំបាទ។