កាលពីថ្ងៃទី២២ ខែមីនាកន្លងទៅនេះ ក្រុមចំរៀង Rapper La Cima Cartel បានធ្វើការបញ្ចេញវិដេអូចម្រៀង Teaser ខ្លីមួយនៃបទថ្មីរបស់ខ្លួនដែលមានចំណងជើងថា «ធ្មេញមាស» នៅលើបណ្តាញសង្គមហ្វេសប៊ុក និងឆាណែលយូធូបផ្លូវការរបស់ពួកគេ។ គួរបញ្ជាក់ផងដែរបទចម្រៀងមួយនេះគឺជាការសហការដ៏ធំមួយរវាងសមាជិកទាំង៦នាក់ ដែលមានលោក YCN TOMIE, ALL3RGY, YCN DIZZY, HASHA, MEEZY24K និងYCN RAKHIE ផងដែរ។ ម្ចាស់បទចម្រៀងរួមគ្នា«ខ្ញុំឡួយហើយសង្ហា»មួយក្រុមនេះកំពុងតែចាប់ផ្តើមកសាងស្នាដៃថ្មីរបស់ខ្លួនរួមគ្នាបន្ទាប់ពីបទចម្រៀងដ៏មានប្រជាប្រិយភាពរបស់ពួកគេ«ខ្ញុំឡូុយហើយសង្ហា»នេះ និងបទ«ស្ទាវ៦សាស្រ្ត»ដែលបានចេញផ្សាយកាលពីឆ្នាំកន្លងទៅ ដែលនេះត្រូវបានបណ្តាអ្នកគាំទ្រកំពុងតែចាត់ទុកថាគឺជា Another Big Collab of the Century ហើយ។ គួរបញ្ជាក់ផងដែរបទចម្រៀងថ្មីរបស់ក្រុម La Cima Cartel មួយនេះត្រូវបានប្រកាសចេញផ្សាយនៅថ្ងៃទី២៣ ខែមីនានេះហើយ។ បទចម្រៀងនេះផងដែរក៏ជាបទដំបូងនៃការចេញផ្សាយនៅក្នុងអាល់ប៊ុម CartelMeetingVol3 ផងដែរ។ កត់សម្គាល់ផងដែរថាកាលពីពេលថ្មីៗនេះ ក្រុម La Cima Cartel ក៏ទើបតែមាន Secret Fan Meeting មួយជាមួយបណ្តាអ្នកគាំទ្ររបស់ពួកគេនៅឯ KOI The Cambodia ផងដែរនៅមុនការចាប់ផ្តើមនៃការចេញអាល់ប៊ុមថ្មីនេះ។ តើទស្សនិកជនមានចំណាប់អារម្មណ៍យ៉ាងណាទៅលើបទ«ធ្មេញមាស» របស់ក្រុម La Cima Cartel តោះ Comment ប្រាប់អេដមីនម្នាក់មួយផងណា!
