ប្រទេសថៃ: ទីបំផុតតំណែងជានាយករដ្ឋមន្ត្រីរបស់លោក ប្រាយុទ្ធ ចាន់អូឆានៅតែបន្តជានាយករដ្ឋមន្ត្រី និងជារដ្ឋមន្ត្រីក្រសួងការពារជាតិដដែល និងរដ្ឋមន្ត្រី 5 រូបទៀតក៏នៅតែបន្តតំណែងដូចធម្មតា។ 

ក្រោយពីបក្សមិនស្របរដ្ឋាភិបាលបានលើកឡើងដើម្បីសួរដេញដោលនៅក្នុងសភាអស់រយៈពេល 4 ថ្ងៃ ដើម្បីដកបេក្ខភាពជានាយករដ្ឋមន្ត្រីរបស់លោកប្រាយុទ្ធ និងបេក្ខភាពរបស់រដ្ឋមន្ត្រី 5 រូបទៀត នៅក្នុងការប្រជុំសភាជំនាន់ទី 25 ឆ្នាំទី3 លើកទី 17 នៅតែមិនអាចធ្វើអីលោកប្រាយុទ្ធបានដដែល។

ការប្រជុំសភានេះមានសមាជិកចូលរួមទាំងអស់ 482 នាក់ក្នុងនោះបក្សរដ្ឋាភិបាលមានចំនួន 271 នាក់ និងបក្សដែលមិនស្របរដ្ឋាភិបាលមានចំនួន 211នាក់ ដោយយោងតាមរដ្ឋធម្មនុញថៃមាត្រា150 ឆ្នាំ 2017 ការឆ្នោតដកសេចក្តីទុកចិត្តនៅក្នុងសភា ត្រូវមានសម្លេង លើសពីពាក់កណ្តាល ស្មើនិង 242 សម្លេងទើបអាចឆ្លងផុតពីបញ្ហាចោទដេញដោលនេះបាន។

បន្ទាប់ពីមានការប្រជុំសភានៅប្រទេសថៃអស់រយៈពេល 4ថ្ងៃគឺចាប់ពីថ្ងៃទី 31 សីហាឆ្នាំ 2021 ដល់ថ្ងៃទី 3 កញ្ញាឆ្នាំ 2021 ដោយលោក ប្រាយុទ្ធ និង រដ្ឋមន្រ្តីទាំង 5 រូបត្រូវបកស្រាយគ្រប់សំនួរដែលបក្សប្រឆាំងចោទសួរ ដូចជា បញ្ហាការឆ្លងរាតត្បាតនៃមេរោគកូវីដ-19 មិនអាចទប់ស្កាត់បាន បញ្ហារកវ៉ាក់សាំងដើម្បីចាក់ជូនប្រជាពលរដ្ឋ បញ្ហាសេដ្ឋកិច្ចជាតិធ្លាក់ចុះ និងបញ្ហាពលករអត់មានការងារធ្វើជាដើម។

Caption

ទីបំផុតតំណែងជានាយករដ្ឋមន្ត្រីនិងជារដ្ឋមន្ត្រីក្រសួងការពារជាតិរបស់លោកប្រាយុទ្ធចាន់អូឆានៅតែបន្តដដែល ដោយសរុបលទ្ធផលនៃការប្រជុំសភារយៈពេល 4 ថ្ងៃកន្លងមកនៅថ្ងៃទី 4 កញ្ញាឆ្នាំ 2021 នេះមានសមាជិកដែលបោះឆ្នោតទាំងអស់ចំនួន 475 សំឡេងបោះគាំទ្រឲ្យលោកប្រាយុទ្ធ 264 សំឡេងបោះដកសេចក្តីទុកចិត្តពីលោក ប្រាយុទ្ធចំនួន 208 សំឡេង អនុប្បវាទ 3សំឡេង ដូច្នេះហើយតំណែងជានាយករដ្ឋមន្ត្រីរបស់លោក ប្រាយុទ្ធ និងរដ្ឋមន្ត្រីទាំង 5 រូបទៀត ក៏ទទួលបានសំឡេងលើសពាក់កណ្ដាលដូចជាលោក ប្រាយុទ្ធ ចាន់អូឆា អញ្ចឹងដែរដូច្នេះហើយសរុបលទ្ធផលការប្រជុំសភាអស់រយៈពេល 4 ថ្ងៃមកនេះតំណែងជានាយករដ្ឋមន្ត្រីរបស់លោកប្រយុទ្ធនិងរដ្ឋមន្ត្រី 5 រូបទៀតនៅតែបន្តតំណែងដូចប្រក្រតី។

អត្ថបទ និងរូបភាពដោយ កណ្ដាប់ដៃដែក