លោក 4T5 រឺហៅថា Four Five បានប្រកាសដាក់លក់អាល់ប៊ុម«4Life5Back»របស់លោកជាផ្លូវការកាលពីយប់ថ្ងៃទី២០ ខែមិថុនាកន្លងទៅនេះ។ គួរបញ្ជាក់ផងដែរថា អាល់ប៊ុម«4LIFE5BACK»របស់លោកនេះគឺ ជាអាល់ប៊ុមដែលលោកបានប្រមូលផ្តុំនូវបទចម្រៀងដែលលោកមិនធ្លាប់បានធ្វើការ Release ពីមុនមក ដែលមានសរុបទាំងអស់ចំនួន១៥បទ។ លោក 4T5 បានលើកឡើងតាមរយៈវិដេអូរបស់លោកថា មូលហេតុដែលលោកបានសំរេចចិត្តធ្វើការដាក់លក់នេះ ក៏ព្រោះតែលោកចង់ស្វែងរកកំរៃមកវិញខ្លះ ខណៈពេលដែលការផលិតបទទាំងនេះក៏បានចំណាយថវិកាអស់មួយចំនួនផងដែរ។ យ៉ាងណាមិញ នៅលើអាល់ប៊ុមមួយនេះផងដែរ លោក 4T5បានដាក់លក់ឡើងនៅក្នុងតំលៃ 9.99 ដុល្លានិងអាចធ្វើការបញ្ជាទិញបានតាមរយៈឆាណែលតេឡេក្រាមរបស់លោក។
សង្កេតឃើញថា ស្នាដៃអាល់ប៊ុមមួយនេះរបស់លោក 4T5 ទទួលបានការគាំទ្របញ្ជាទិញជាច្រើន រហូតដល់ក្រុមការងារលោក 4T5 ស្ទើរតែតបឆាតមិនទាន់ទៅហើយ! ទាំងនេះគឺបង្ហាញពីការគុណតំលៃមួយនៃស្នាដៃរបស់សិល្បករខ្មែរ ដែលកាន់តែកើនឡើងកំរិត និងគុណភាព និងការលើកស្ទួយនូវចម្រៀង Original របស់សិល្បករនៅក្នុងផ្ទៃប្រទេស។ យ៉ាងណាមិញ នៅក្នុងស្នាដៃចំរៀងទាំង១៥បទនោះ សង្កេតឃើញថារួមមានចំណងជើង«I Got No Time» «Ah huh» «One of One» «Douch Jeng» «Fear» «The Gangster Luv Story» «Dat Feel» «1Luv» «4What» «Mad Man» «Kid» «Gun Sound» «Sontaro» «Still On» និង «Sweet Heart»។ តើទស្សនិកជនបានធ្វើការបញ្ជាទិញអាល់ប៊ុមនេះហើយរឺនៅ? កុំភ្លេចរួសរាន់ណា លឺសូរថាមានចំនួនកំំណត់ត្រឹមតែ៣០០០នាក់ប៉ុណ្ណោះ!
